ព័ត៌មានអន្តរជាតិ

បញ្ជាការកងទ័ពរបស់សហរដ្ឋអាមេរិកប្រចាំនៅប្រទេសកូរ៉េខាងត្បូងបានប្រកាសនៅថ្ងៃពុធ ទី២៦ ខែកុម្ភៈនេះថា ទាហានអាមេរិកម្នាក់បានឆ្លងវីរុស-១៩ ដែលជាករណីឆ្លងលើកដំបូងសម្រាប់ទាហានអាមេរិកនៅក្នុងប្រទេសនេះចាប់តាំងពីវីរុសផ្លូវដង្ហើមមួយនេះបានផ្ទុះឡើង ដែលនេះបើយោងតាម Aljazeera ។ ទាហានអាមេរិកដែលបានឆ្លងវីរុសនេះមានអាយុ២៣ឆ្នាំ ដែលជាទាហានម្នាក់ក្នុងចំណោមទាហានអាមេរិកសរុបប្រមាណ២ ៨ ៥០០នាក់នៅលើទឹកដីកូរ៉េខាងត្បូង ខណៈដែលចំនួនមនុស្សឆ្លងវីរុសមួយនេះបានកើនឡើងកាន់តែខ្ពស់នៅកូរ៉េខាងត្បូង ។ សូមបញ្ជាក់ជូនថា គិតត្រឹមថ្ងៃពុធនេះ ចំនួនមនុស្សឆ្លងវីរុសខូវីដ-១៩នៅជុំវិញពិភពលោកបានកើនឡើងដល់ចំនួន ៨០៩៦ ៧នាក់ មនុស្សស្លាប់កើនឡើងដល់ចំនួន ២៧៦៣នាក់ និងចំនួមនុស្សជាសះស្បើយពីវីរុសនេះ ក៏បានកើនឡើងដល់ចំនួន ២៩ ៩៩៨នាក់ហើយដែរ ៕...

គណៈកម្មការសហភាពអឺរ៉ុប (Euroean Commision) ដែលហៅកាត់ថា EC បានផ្តល់ថវិកាប្រមាណ ១១៤លានអឺរ៉ូ ស្មើនឹង​១២៤លានដុល្លារអាមេរិក ដល់អង្គការសុខភាពពិភពលោក WHO នៅថ្ងៃអង្គារ ទី២៥ ខែកុម្ភៈនេះ ក្នុងគម្រោងប្រយុទ្ធប្រឆាំងនឹងវីរុសផ្លូវដង្ហើមខូវីដ-១៩នៅជុំវិញពិភពលោក ។ ការផ្តល់ជំនួយពីសហភាពអឺរ៉ុបដល់អង្គការ WHO ត្រូវបានធ្វើឡើងខណៈដែលចំនួនមនុស្សឆ្លងវីរុសខូវីដ-១៩បានកើនឡើងដល់៨០០៩៦នាក់ហើយនៅជុំវិញពិភពលោក មនុស្សចំនួន២៦៩៩នាក់បានបាត់បង់ជីវិតដោយវីរុសនេះ និងអ្នកជម្ងឺចំនួន​២៧៤៤៤នាក់ផ្សេងទៀតបានជាសះស្បើយពីវីរុសផ្លូវដង្ហើមមួយនេះ ។ សូមបញ្ជាក់ជូនថា ប្រាក់ជំនួយចំនួន១១៤លានអឺរ៉ូរបស់សហភាពអឺរ៉ុប គឺជាផ្នែកមួយនៃទឹកប្រាក់ប្រមាណ២៣២លានផោន ដែលសហភាពមួយនេះនឹងផ្តល់ជាមូលនិធិដោយផ្ទាល់ដល់ក្រុមអាជ្ញាធរសុខភាពនៅតំបន់អាហ្វ្រិក ខណៈដែលវីរុសនេះបានស្ងប់ស្ងាត់ក្នុងការឆ្លងរាលដាលនៅប្រទេសចិន ប៉ុន្តែឆ្លងរាលដាលខ្លាំងនៅក្រៅប្រទេសចិន ៕  ...

ប្រព័ន្ធផ្សព្វផ្សាយ Bangkok Post បានចុះផ្សាយថា វិបត្តិនយោបាយ និងភាពវឹកវរបានកើតឡើងយ៉ាងខ្លាំងនៅប្រទេស​ម៉ា​ឡេស៊ីនៅថ្ងៃចន្ទ ទី២៤ ខែកុម្ភៈនេះ ក្រោយពីលោកនាយករដ្ឋមន្ត្រី Mahathir Mohamad បានដាក់ពាក្យលាលែងចេញពីតំណែងទៅកាន់ព្រះមហាក្សត្រ ។ ការដាក់លិខិតលាលែងរបស់លោក ម៉ាហាធា ម៉ូហាម៉ាត់ ត្រូវបានធ្វើឡើងខណៈដែលលោក Anwar Ibrahim ដែលជាសម្ព័ន្ធមិត្តរបស់លោក ម៉ាហាធា ម៉ូហាម៉ាត់ គ្រោងនឹងផ្ដួលរំលំរដ្ឋាភិបាលនិងរារាំងការបន្តតំណែងរបស់នាយករដ្ឋមន្ត្រីរូបនេះ ក្នុងបំណងផ្ទេរតំណែងនាយករដ្ឋមន្ត្រីទៅលោក Anwar Ibrahim ដែលជាមេដឹកនាំកំពុងរង់ចាំកាន់តំណែង ។ ជម្លោះរវាងមេដឹកនាំទាំងពីរ បានកើតឡើងដោយសារនៅមុនឆ្នាំ២០១៨កន្លងទៅ មុនពេលការបោះឆ្នោតជ្រើសរើសនាយករដ្ឋមន្ត្រីឥណ្ឌូនេស៊ី លោក ម៉ាហាធា ម៉ូហាម៉ាត់ បានសន្យាជាមួយលោក អាន់វ៉ា អ៊ីប្រាហ៊ីម ថា បើគណបក្សរបស់លោកបានជាប់ឆ្នោត លោកនឹងកាន់តំណែងតែពីរឆ្នាំទេ និងប្រគល់តំណែងនាយករដ្ឋមន្ត្រីនេះទៅលោក អាន់វ៉...

មន្ត្រីក្រសួងសុខាភិបាលរបស់ប្រទេសកូរ៉េខាងត្បូងបានប្រកាស ថា ក្រុមគ្រួពេទ្យជំនាញបានពិនិត្យឃើញការឆ្លងវីរុសខូវីដ-១៩ ចំនួន១៦១ករណីថ្មីទៀតនៅថ្ងៃចន្ទ ទី២៤ ខែកុម្ភៈនេះ ដែលរុញច្រានកំណើននៃករណីឆ្លងសរុបរហូតដល់៧៦៣ករណីនៅទូទាំងប្រទេស ដែលនេះបើតាមការចុះផ្សាយរបស់ប្រព័ន្ធផ្សព្វផ្សាយ Aljazeera ។ សូមបញ្ជាក់ជូនថា គិតត្រឹមថ្ងៃចន្ទដដែលនេះ ចំនួនមនុស្សស្លាប់ដោយវីរុសខូវីដ-១៩បានបានកើនឡើងដល់ ២៤៦៧ នាក់នៅជុំវិញពិភពលោក មនុស្សឆ្លងវីរុសនេះក៏បានកើនឡើងដែរដល់ចំនួន ៧៨៩៧៩ នាក់និងមនុស្សដែលបានជាសះស្បើយពីវិរុសនេះក៏បានកើនឡើងដល់ ២៣០៩៤ នាក់ផងដែរ ។ ប្រទេសដែលមានមនុស្សឆ្លងវីរុសខូវីដ-១៩នេះច្រើនជាងគេនៅជុំវិញពិភពលោក គឺប្រទេសចិនឈរលំដាប់ថ្នាក់លេខ១មានចំនួន ៧៨៩៧៩ករណី ប្រទេសជប៉ុនឈរក្នុងលំដាប់ថ្នាក់លេខ២គឺមានចំនួន៨៣៨ករណី និងប្រទេសកូរ៉េខាងត្បូងឈរក្នុងលំដាប់ថ្នាក់លេខ៣មានចំនួន៦០២ករណី ៕  ...

ប្រព័ន្ធផ្សព្វផ្សាយ AP បានចុះផ្សាយថា មុខរបរលក់អាហារនៅតាមសាលារៀននៅប្រទេសកេនយ៉ាបានទទួលប្រាក់ចំណូលកាន់តែច្រើន ខណៈសិស្សានុសិស្សបានគាំទ្រកាន់តែខ្លាំងដោយទទួលទានអាហារថ្ងៃត្រង់នៅសាលារៀន និងមិនវិលត្រឡប់ទៅផ្ទះពេលថ្ងៃ ។ កុមារី ណាន់ស៊ី អែនជើរី (Nancy Njeri) សិស្សសាលាបឋមសិក្សា ហ្កាតុង អូរ៉ា (Gaton Ora) នៅទីក្រុងណៃរ៉ូប៊ី បាននិយាយថា ការទទួលបានអាហារស្រា ប់នៅសាលារៀន គឺចំណេញពេលវេលាច្រើនក្នុងការសម្រាក ។ កុមារី ណាន់ស៊ី អែនជើរី បានបន្ថែមថា អាហារស្រាប់សម្រាប់ថ្ងៃត្រង់មួយពេល មានតម្លៃក្នុងរង្វង់១៥ស៊ីលីង (Shilling ប្រាក់កេនយ៉ា) ប្រហាក់ប្រហែល១៥សេនដុល្លារអាមេ រិក ដែលជាតម្លៃថោកសមរម្យ ។ ឪពុកម្តាយ ឫអាណាព្យាបាលរបស់សិស្សានុសិស្សភាគច្រើននៅទីក្រុងណៃរ៉ូប៊ី បានបង់ប្រាក់ជាខែសម្រាប់អាហារថ្ងៃត្រង់កូនរបស់ខ្លួន ដោយមិនចាំបាច់ចំណាយប្រចាំថ្ងៃទេ ៕...

(ភ្នំពេញ)៖ រឿងរ៉ាវនៃនាវាទេសចរអាមេរិក Westerdam បានធ្វើឱ្យមានការភ្ញាក់ផ្អើលពេញពិភពលោក ដោយសារតែការភ័យខ្លាចឆ្លងជំងឺផ្លូវដង្ហើមថ្មីកូរ៉ូណា (Covid-19) ដែលបានសម្លាប់ពលរដ្ឋចិនជាង២ពាន់នាក់ និងជិត៨ម៉ឺននាក់ទៀតបានឆ្លង។ នៅពេលដែលពិភពលោកមានការបារម្ភនិងភ័យខ្លាច ជាពិសេសប្រទេសចិន ដែលកំពុងតែប្រឈមដ៏ធ្ងន់ធ្ងរ ប្រទេសកម្ពុជាក៏បានដាក់ខ្លួនចូលទៅក្នុងសាច់រឿងដ៏រន្ធត់មួយនេះដែរ តែជាការចូលសង្គ្រោះអ្នកដំណើរលើនាវា Westerdam ដែលកំពុងស្ថិតក្នុងស្ថានភាពមួយដែលគេស្ទើរប្រៀបធៀបទៅនឹងរឿងភាពយន្តសោកនាដកម្មរបស់កប៉ាល់យក្ស ថាយថេនិច (Titanic) ដែលបានកើតឡើងនៅឆ្នាំ១៩១២ នៅពេលដែលកប៉ាល់មួយនេះបានបើកបុកផ្ទាំងទឹកកកនៅលើ មហាសមុទ្រអាត្លង់ទិកខាងជើង ហើយត្រូវបានផលិតជាភាពយន្តនៅឆ្នាំ១៩៩៧។ ចង់ដឹងថាតើដំណើរដើមទងនៃរឿងរ៉ាវជំងឺខូវីដ១៩ លងនាវាទេសចរចូលមកកម្ពុជានេះចេញមកពីណា? ទៅណា? និងកើតឡើងយ៉ាងដូចម្តេច? សូមតាមដានដូចតទៅ៖ * សៀវភៅទោះទាយស្រដៀងនឹងជំងឺ Covid...

គេហទំព័រ The Straits Times ថ្ងៃទី21/02/2020 បានឲ្យដឹងថា អ្នកដំណើរតាមនាវាអាមេរិកដែលទទួលបានតេស្តវិជ្ជមានចំពោះវីរុស coronavirus នៅក្នុងប្រទេសម៉ាឡេស៊ី ឥឡូវនេះលែងមានផ្ទុកវីរុសនេះហើយ។ ឧបនាយករដ្ឋមន្ត្រី Wan Azizah Wan Ismail បាននិយា យកាលពីថ្ងៃសុក្រ ទី21 កុម្ភៈ ថា ស្ត្រីអាយុ 83ឆ្នាំ ដែលបច្ចុប្បន្នកំពុងសម្រាកព្យាបាលនៅ មន្ទីរពេទ្យ Sungai Buloh ត្រូវបានធ្វើតេស្តម្តងហើយម្តងទៀត ហើយលទ្ធផលបានបង្ហាញថា លោកស្រីមិនមានផ្ទុកវីរុសនេះទៀតទេ។ លោកបានឱ្យដឹងថា «ការធ្វើតេស្តរបស់លោកស្រីបានទទួលលទ្ធផលអវិជ្ជមាន។ ទោះយ៉ាងណា លោកស្រីនៅតែត្រូវបានគេរក្សាទុក អោយនៅមន្ទីរពេទ្យ ពីព្រោះលោកស្រីមិនមានសុខភាពល្អនៅឡើយទេ ហើយនៅតែមានរោគសញ្ញាផ្សេង។ នៅពេលដែលលោកស្រីលែងមាន រោគសញ្ញាហើយ នោះលោកស្រីអាចចេញពីមន្ទីពេទ្យបានហើយ»។ ស្ត្រីរូបនេះ និងប្តីអាយុ 85 ឆ្នាំរបស់គាត់បានស្ថិតនៅលើនាវា MS Wester dam ដែលបានចូលចតនៅក្រុងព្រះសីហនុប្រទេសកម្ពុជា កាល...

ប្រព័ន្ធផ្សព្វផ្សាយ Japantimes News បានចុះផ្សាយនៅថ្ងៃសុក្រ ទី២១ ខែកុម្ភៈនេះថា ក្រុមហ៊ុនអាកាសចរណ៍អាស៊ីប៉ាស៊ីហ្វិក (Asia-Pacific Airlines) នឹងបាត់បង់ទឹកប្រាក់ប្រមាណជាង២៧.៨ពាន់លានដុល្លារអាមេរិកក្នុងឆ្នាំនេះ ដោយសារការផ្ទុះឡើងនៃវីរុសខូវីដ-១៩នៅប្រទេសចិន ។ សមាគមដឹកជញ្ជូនផ្លូវអាកាសអន្តរជាតិ (International Air Transport Association) ដែលហៅកាត់ថា IATA បានឲ្យដឹងថា ក្រុមហ៊ុនអាកាសចរណ៍ដែលបម្រើការដឹកជញ្ជូនក្នុងស្រុករបស់ប្រទេសចិន បានខាតបង់ទឹកប្រាក់១.៥ពាន់លានដុល្លារអាមេរិករួចជាស្រេចទៅហើយដោយសារការផ្ទុះឡើងនៃវីរុសខូវីដ-១៩នេះ ។ សូមបញ្ជាក់ថា គិតត្រឹមថ្ងៃសុក្រនេះ ចំនួនមនុស្សស្លាប់បានកើនឡើងដល់ ២១២៩នាក់ដោយវីរុសខូវីដ-១៩ មនុស្សប្រមាណ ៧៤៥៧៦នាក់ បានឆ្លងវីរុសនេះ និងអ្នកជម្ងឺវីរុសខូវីដ-១៩ចំនួន ១៦៣២៩ នាក់ បានជាសះស្បើយពីវីរុសនេះដែរ ៕...

លោក Robin Yang នាយកប្រតិបត្តិការនិងគុណភាពផ្នែកផលិតកម្មរបស់ប្រទេសចិននៅខេត្ត ក្វាងទុង បាននិយាយថា ការឆ្លងរាលដាលនៃវីរុសខូវីដ-១៩ បានធ្វើឲ្យប្រទេសចិនខាតបង់ទឹកប្រាក់យ៉ាងច្រើនលើការបញ្ជាទិញពីក្រៅប្រទេស ដែលនេះបើតាមការចុះផ្សាយរបស់ Yahoo News ។ លោក Robin Yang បានបន្ថែមថា ជាធម្មតានៅខែកុម្ភៈស្ទើររាល់ឆ្នាំ ចិនបានទទួលទឹកប្រាក់ប្រមាណជាង៤០០លានយ័ន (yuan) ស្មើនឹងទឹកប្រាក់ជាង៥៧លានដុល្លារអាមេរិកពីការបញ្ជាទិញពីក្រៅប្រទេស ។ ប៉ុន្តែនៅខែកុម្ភៈ ឆ្នាំ២០២០នេះ ចិនបានទទួលទឹកប្រាក់ត្រឹមតែជាង ២០លានយ័ន ស្មើនឹងជាង២.៨៥លានដុល្លារអាមេរិក ។ ចំណែកសែសង្វាក់ផ្គត់ផ្គង់ទំនិញ សេវាកម្ម និងប្រព័ន្ធបច្ចេកវិទ្យានៅក្នុងប្រទេសនេះ ក៏បានធ្លាក់ចុះគ្រប់ផ្នែកផងដែរបន្ទាប់ពីការផ្ទុះឡើងនៃវីរុសខូវីដ-១៩ ៕  ...

លោក ស្កុត ម៉ូរីសុន (Scott Morrison) នាយករដ្ឋមន្ត្រីរបស់ប្រទេសអូស្ត្រាលីបានប្រកាសនៅថ្ងៃព្រហស្បតិ៍ ទី២០ ខែកុម្ភៈនេះថា កំណើនមនុស្សស្លាប់បានកើនឡើងដល់ចំនួន៣៣នាក់ហើយ ក្នុងគ្រោះមហន្តរាយភ្លើងឆេះព្រៃនៅក្នុងប្រទេសអូស្ត្រាលី ។ នេះបើយោងតាមការផ្សព្វផ្សាយរបស់ Reuters ។ លោក ស្កុត ម៉ូរីសុន បានបន្ថែមថា ភ្លើងឆេះព្រៃដ៏មហន្តរាយបានចាប់ផ្តើមឡើងចាប់តាំងពីខែកញ្ញាឆ្នាំ២០១៩កន្លងមករហូតដល់បច្ចុប្បន្ននេះនៅមិនទាន់ផុតរលត់នៅឡើយទេ ដែលបានបំផ្លិចបំផ្លាញតំបន់ព្រៃអស់ទំហំប្រហាក់ប្រហែលទំហំដីរបស់ប្រទេសកូរ៉េខាងត្បូង ។ មូលហេតុដែលនាំឲ្យភ្លើងឆេះព្រៃនៅតែបន្តឆាបឆេះដែលមិនអាចពន្លត់បាន គឺដោយសារតំបន់ព្រៃនៅក្នុងប្រទេសនេះ បានជួបប្រទះគ្រោះរាំងស្ងួតអស់រយៈពេលជាង៣ឆ្នាំហើយ ដែលជាភាពងាយស្រួលសម្រាប់ភ្លើងព្រៃក្នុងការឆេះរាលដាលដ៏មានឥទ្ធិពល ៕  ...