សង្គម និងកម្សាន្ត

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា កាលពី​នាព្រឹកថ្ងៃទី៤ ខែតុលា ឆ្នាំ២០២៣នេះ​ នៅវិមានសន្តិភាពបានទទួលជួបសម្ដែងការគួរសម និងពិភាក្សាការងារជាមួយ លោក​​ ដូមីនិច វីល្លៀម​(Dominic Williams) ឯកអគ្គរាជទូត នៃចក្រភពអង់គ្លេស ប្រចាំព្រះរាជាណាចក្រកម្ពុជា ។ នៅក្នុងជំនួបនេះ លោក​​ ដូមីនិច វីល្លៀម បានអបអរសាទរចំពោះ សម្តេចធិបតី ក្នុងឱកាសនៃការចូលកាន់មុខតំណែងជានាយករដ្ឋមន្រ្តី នៃព្រះរាជាណាចក្រកម្ពុជា នីតិកាលទី៧ នៃរដ្ឋសភា និងចំពោះសមិទ្ធផលនានា ដែលរាជរដ្ឋាភិបាលថ្មីនេះ សម្រេចបានក្នុងរយៈពេលដ៏ខ្លីនេះ រួមទាំងការចូលរួមក្នុងកិច្ចប្រជុំអន្តរជាតិសំខាន់ៗ ទាំងក្នុងក្របខ័ណ្ឌអាស៊ាន និងអង្គការសហប្រជាជាតិ។ ទន្ទឹមនឹងនេះលោក​​ឯកអគ្គរាជទូត ក៏បានសម្តែងនូវការអបអរសាទរចំពោះខួបលើកទី៧០ នៃចំណងការទូតកម្ពុជា-អង់គ្លេស ស្របពេលដែលទំនាក់ទំនងរវាងប្រទេសទាំងពីរ កំពុងមានការរីកចម្រើនលើគ្រប់វិស័យ។ ជាក់ស្...

ពោធិ៍សាត់៖ លោក​​ ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងលោក​​ ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយមកាលព្រឹកថ្ងៃទី០១ ខែតុលា ឆ្នាំ២០២៣​នេះ បានចូលរួមកិច្ចប្រជុំដឹកនាំដោយទេសរដ្ឋមន្ដ្រី គន់ គីម អនុប្រធានទី១នៃគណៈក​ម្មាធិការជាតិគ្រប់គ្រងគ្រោះមហន្តរាយ ដើម្បីពិនិត្យពីស្ថានភាពទឹកជំនន់នៅខេត្តពោធិ៍សាត់ និងលើកផែនការសកម្មភាពការងារបន្ត។ កិច្ចប្រជុំនេះរៀបចំធ្វើនៅសាលាខេត្តពោធិ៍សាត់ ដោយមានការចូលរួមពី លោក​​ ខូយ រីដា អភិបាលនៃគណៈអភិបាលខេត្តពោធិ៍សាត់ និងស្ថាប័នពាក់ព័ន្ធដទៃទៀត។ តាមរយៈកិច្ចប្រជុំនេះ ក្រុមការងារអន្ដរក្រសួង និងគណៈកម្មាធិការជាតិគ្រប់គ្រងគ្រោះមហន្តរាយ នឹងបន្តធ្វើការរួមគ្នាទៀត ដើម្បីពិនិត្យ តាមដាន និងឈានទៅដោះស្រាយបញ្ហានានាដែលប្រជាជនជួបប្រទះ នៅពេលវាយតម្លៃពីផលប៉ះពាល់រួចរាល់៕...

ភ្នំពេញ៖ សមត្ថកិច្ចជលផលនៃអធិការដ្ឋានរដ្ឋបាលជលផលចតុមុខ ខណ្ឌរដ្ឋបាលជលផលកណ្តាល សហការជាមួយកម្លាំងគណៈបញ្ជាការឯកភាពស្រុកពញាឮកាលពីថ្ងៃអាទិត្យ ទី០១ ខែតុលាឆ្នាំ២០២៣នេះ បានចុះប្រតិបត្តិការត្រួតពិនិត្យ និងបង្ក្រាបបទល្មើសនេសាទក្នុងឃុំកំពង់អុស ស្រុកពញាឮ ខេត្តកណ្តាល។ ជាលទ្ធផល សមត្ថកិច្ច​បានរុះរើរបាំងស្បៃមុង២១ខ្សែ ប្រវែងសរុប ៣៥១០ម បង្គោលឬស្សី​៥២០ដើម និងលូស្បៃម៉ុង២១មាត់ ព្រមទាំងបានចាក់លែងកូនត្រីចូលក្នុងធម្មជាតិវិញ ប្រមាណ៥០គីឡូក្រាម។ ចំពោះវត្ថុតាងដែលបានរឹបអូស ត្រូវដុតបំផ្លាញចោលនៅនឹងកន្លែង ក្នុង​ថ្ងៃ​ដដែល។ សូមបញ្ជាក់ថា ករណីនេះសមត្ថកិច្ចជលផល និងកម្លាំងគណៈបញ្ជាការឯកភាពស្រុក នឹងចុះធ្វើការទប់ស្កាត់ និងបង្រ្កាបជាបន្តបន្ទាប់ ដើម្បី ថែរក្សា ការពារនិងអភិរក្សធនធានជលផលឱ្យមាននិរន្តរភាព៕...

ភ្នំពេញៈ ក្រុមមន្ត្រីគយ ខែត្រកំពង់ស្ពឺ បានទម្លាយរឿងប្រាប់ សារព័ត៌មាន«ដេលីខ្មែរ»នៅព្រឹកថ្ងៃទី៣០ខែកញ្ញាឆ្នាំ២០២៣ថា ថវិកាប្រមូលពន្ធរថយន្តចង្កូតស្តាំដែលមានរយៈពេល៦ខែចុងក្រោយក្នុង ឆ្នាំ២០២២ សាខាគយ និងរដ្ឋាករ ខែត្រកំពង់ស្ពឺ ប្រមូលបានប្រមាណជិត១លានដុល្លារអាម៉េរិកបើតាមគោលការត្រូវដក២០ ភាគរយ ជូនដល់មន្ត្រីដែលខិតខំប្រឹងប្រែងធ្វើការ។ មន្ត្រីខាងលើនិយាយថា ប៉ុន្តែរឿងនេះត្រូវបានលោក ឈួន ហៃ ប្រធានសាខាគយ និងលោក លាង ម៉ុង អនុប្រធានសាខាគយ មិនអនុវត្តឲ្យបានត្រឹមត្រូវនោះទេពោលគឺឲ្យលុយភាគរយទៅមន្ត្រីថ្នាក់ក្រោមតែប ន្តិចបន្តួចប៉ុណ្ណោះធ្វើឲ្យពួកគេមិនអាចទទួលយកបាន។ ប្រភពដដែលបានបន្តទៀតថា ការមិនឲ្យថវិកាគ្រប់ចំនួន២០ភាគ រយតាមគោលការដែលបានកំណត់បានធ្វើឲ្យ ក្រុមមន្ត្រីគយ ខែត្រកំពង់ស្ពឺ សម្តែងការមិនសប្បាយចិត្ត ចំពោះលោក ឈួន ហៃ ប្រធានសាខាគយ និងរដ្ឋាករ ខេត្តកំពង់ស្ពឺ និងលោក លាង ម៉ុង អនុប្រធានសាខាគយ ដែលបានកិបកេងស៊ីលើកម្លាំងញើសឈាមមន្ត្...

ភ្នំពេញ: លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី២៩ ខែកញ្ញា ឆ្នាំ២០២៣ បានអញ្ជើញបិទវគ្គបណ្តុះបណ្តាល ស្តីពី ការលើកកម្ពស់សមត្ថភាពថ្នាក់ដឹកនាំ និងមន្ត្រីរាជការ នៃក្រសួងការងារ និងបណ្តុះបណ្តាលវិជ្ជាជីវៈ ដែលត្រូវបានប្រព្រឹត្តទៅក្នុងរយៈពេល ៣សប្តាហ៍កន្លងទៅ។ នាឱកាសនោះ រដ្ឋមន្ត្រី បានសំដែងនូវការកោតសរសើរនិងវាយតម្លៃខ្ពស់ចំពោះគណៈគ្រប់គ្រងវគ្គ វិទ្យាស្ថានជាតិការងារ និងអគ្គនាយកដ្ឋានរដ្ឋបាលនិងហិរញ្ញវត្ថុ ព្រមទាំងអង្គភាពពាក់ព័ន្ធ ដែលបានចូលរួមសហការយ៉ាងមានប្រសិទ្ធភាពក្នុងការសម្របសម្រួលដំណើរការវគ្គបណ្តុះបណ្តាល ដែលមានរយៈពេល ៣សប្តាហ៍នេះ ប្រកបដោយស្មារតីបុរេសកម្ម ការទទួលខុសត្រូវខ្ពស់ និងបរិយាកាសរីករាយ។ ជាមួយគ្នានេះដែរលោករដ្ឋមន្ត្រី ក៏បានកោតសរសើរចំពោះគ្រូឧទ្ទេសទាំងអស់ ដែលបានខិតខំសម្រិតសម្រាំងខ្លឹមសារមេរៀនសំខាន់ៗ យកមកធ្វើជាបទបង្ហាញដើម្បីចែករំលែកចំណេះដឹង បទពិសោធន៍ល្អៗ ដែលឆ្លើយតបទ...

(រាជធានីភ្នំពេញ)៖ នៅព្រឹកថ្ងៃទី២៩ ខែកញ្ញា ឆ្នាំ២០២៣នេះ លោក​ ផាន អូន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយក នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.» បានអញ្ជើញជាអធិបតីក្នុងពិធីបើកកិច្ចប្រជុំបូកសរុបលទ្ធផលការងារប្រចាំខែកញ្ញា ឆ្នាំ២០២៣។ ក្នុងកិច្ចប្រជុំនេះ មានការអញ្ជើញចូលរួមពី លោក លោកស្រី ជាអគ្គនាយករង ប្រធាននាយកដ្ឋាន ប្រធានសាខា និងអនុប្រធានសាខា ក.ប.ប. រាជធានី ខេត្ត ទាំង២៥។ លោក​​ប្រតិភូ បានមានប្រសាសន៍ថ្លែងអំណរគុណដល់ លោក លោកស្រី ជាអគ្គនាយករង ប្រធាននាយកដ្ឋាន ប្រធានសាខា និងអនុប្រធានសាខា ក.ប.ប. រាជធានី ខេត្ត ដែលបានអញ្ជើញចូលរួមនាពេលនេះ។ គោលបំណងនៃកិច្ចប្រជុំនេះ គឺដើម្បីផ្ដល់ឱ្យឯកឧត្ដម លោក ប្រធានសាខា ទាំង២៥ ធ្វើរបាយការណ៍សង្ខេបនូវការអនុវត្តការងារក្នុងរយៈពេលក្នុងមួយខែកញ្ញា ព្រមទាំងពិភាក្សា និងដោះស្រាយលើបញ្ហាប្រឈមមួយចំនួនដែលបានជួបប្រទះពេលកំពុងអ...

ភ្នំពេញ៖ នៅវិមាន៧មករា រសៀលថ្ងៃទី២៨ កញ្ញា ឆ្នា២០២៣ នេះ សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស ប្រជាជនកម្ពុជា និងជាប្រធានក្រុមឧត្តមប្រឹក្សាផ្ទាល់ព្រះមហា ក្សត្រ បានអនុញ្ញាតឲ្យលោក សេដ្ឋា ថាវីស៊ីន (Srettha THAVISIN) នាយករដ្ឋមន្ដ្រី នៃព្រះរាជាណាចក្រថៃ ចូលជួបសំដែងការគួរសម និងពិភាក្សាការងារ ក្នុងឱកាសដែលឯកឧត្តមនាយករដ្ឋមន្រ្តី អញ្ជើញបំពេញទស្សនកិច្ចផ្លូវការនៅព្រះរាជាណាចក្រកម្ពុជា។ សម្តេចតេជោ ហ៊ុន សែន បានអបអរសាទរ ជូនចំពោះ លោក​​ សេដ្ឋា ថាវីស៊ីន ដែលត្រូវបានតែងតាំងជានាយករដ្ឋមន្រ្តីថៃ។សម្តេចតេជោ ហ៊ុន សែន និង បានស្វាគមន៍យ៉ាងកក់ក្តៅចំពោះ នាយករដ្ឋមន្រ្តី និងគណៈប្រតិភូដែលបានអញ្ជើញបំពេញទស្សនកិច្ចក្រៅប្រទេសលើកដំបូងមកកាន់ប្រទេសកម្ពុជា ដែលបានបង្ហាញនូវលក្ខណៈពិសេស នៃទំនាក់ ទំនងរបស់ព្រះរាជាណាចក្រទាំងពីរ។ លោក​​ សេដ្ឋា ថាវីស៊ីន មានប្រសាសន៍ឆ្លើយតបថា នេះគឺជាកិត្តិយសដ៏ខ្ពង់ខ្ពស់ណាស់ ដែលបានចូលជួបសំដែងការគួរសម ...

ភ្នំពេញ៖ជនរងគ្រោះ ឈ្មោះ សួង អឿន រួមនិងអ្នកផ្សេងទៀត បានបញ្ជាក់ប្រាប់សាព័ត៌មានដេលីខ្មែរកាលពីថ្ងៃទី២៣ ខែកញ្ញានេះថា ពួកគាត់បាននិងកំពុងតែលង់ខ្លួនជ្រៅទៅជ្រៅៗទៅអស់ម្នាក់ៗរាប់ម៉ឺនដុល្លារអាមេរិក ក្នុងការដាក់ទុករកស៊ីក្រោមរូបភាពដាក់ទុកវិនិយោគជាមួយក្រុមហ៊ុន បុរីប្រ៊ីលាន ស៊ីធី លក់ដីឡូត៍និងផ្ទះល្វែង ប៉ុន្តែផ្ទុយទៅវិញជិត១ ឆ្នាំមកនេះអត្រាការប្រាក់៤%ប្រចាំខែ ដែលក្រុមហ៊ុនសន្យាឲ្យនោះ គឺមិនគោរពតាមកិច្ចសន្យានោះទេ ។ ជនរងគ្រោះខាងលើបានទទួចស្នើសុំទៅសម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជាមេត្តាចាត់វិធានការលើ ឈ្មោះ ឡេង ចិន្តា និង ឈ្មោះ ជា បានផល ជាបុគ្គលិក ក្រុមហ៊ុម បុរីប្រ៊ីលានស៊ីធី លក់ដីឡូត៍និងផ្ទះល្វែង ពីបទរំលោភលើទំនុកចិត្តនឹងបានគៀងគរពលរដ្ឋមកដាក់ទុកវិនិយោគ ដោយអះអាងថា នឹងទទួលបានការប្រាក់៤% ប្រចាំខែតែធាតុពិតគឺជារឿងបោកប្រាស់ទៅវិញ។ ហេតុដូច្នោះហើយលោក សួង អឿន ក្នុងនាមជាជនរងគ្រោះបានស្នើសុំទៅសម...

ភ្នំពេញ: សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រ​កម្ពុជានៅថ្ងៃទី២៨ ខែកញ្ញា ឆ្នាំ២០២៣នាវិមានសន្តិភាពនេះបានទទួលបដិសណ្ឋាកិច្ចយ៉ាងកក់ក្តៅ និងបានពិភាក្សាការងារជាមួយលោក សេដ្ឋា ថាវីស៊ីន (Srettha Thavisin) នាយករដ្ឋមន្រ្តីនៃព្រះរាជាណាចក្រថៃ និងគណៈប្រតិភូជាន់ខ្ពស់ ដែលកំពុងបំពេញទស្សនកិច្ចផ្លូវការនៅព្រះរាជាណាចក្រកម្ពុជា ។ សម្តេចធិបតី បានសម្តែងនូវការស្វាគមន៍យ៉ាងកក់ក្តៅជូនចំពោះ លោក សេដ្ឋា ថាវីស៊ីន និងគណៈប្រតិភូជាន់ខ្ពស់ មកកាន់ព្រះរាជាណាចក្រកម្ពុជា និងចំពោះការជ្រើសរើសកម្ពុជា ជាប្រទេសដំបូង សម្រាប់ការបំពេញទស្សនកិច្ចផ្លូវការរបស់ ឯកឧត្តម ក្នុងនាមជានាយករដ្ឋមន្រ្តី នៃព្រះរាជាណាចក្រថៃ។ សម្តេចធិបតី ក៏បានសម្តែងនូវការអបអរសាទរជាថ្មីម្តងទៀត ជូនចំពោះ ឯកឧត្តម សេដ្ឋា ថាវីស៊ីន ដែលត្រូវបានជ្រើសតាំងជានាយករដ្ឋមន្រ្តីនៃព្រះរាជាណាចក្រថៃ នៅថ្ងៃតែមួយ ស្របគ្នាទៅនឹងការជ្រើសតាំងជានាយករដ្ឋមន្រ្តីរបស់ ...

(ភ្នំពេញ)៖លោក​​ ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅរសៀលថ្ងៃពុធ ទី២៧ ខែកញ្ញា ឆ្នាំ២០២៣នេះ បានជួបពិភាក្សាការងារជាមួយលោកស្រី ម៉ារៀម ស្ហឺរមែន(Mariam Sherman) នាយកធនាគារពិភពលោកប្រចាំប្រទេសមីយ៉ាន់ម៉ា កម្ពុជា និងសាធារណរដ្ឋប្រជាមានិតប្រជាធិបតេយ្យឡាវ នៅទីស្តីការក្រសួងការងារ និងបណ្តុះបណ្តាលវិជ្ជាជីវៈ។ លោក​​រដ្ឋ​​មន្ត្រី បានថ្លែងអំណរគុណដល់ធនាគារពិភពលោកដែលបានជួយគាំទ្រដល់កម្មវិធីបណ្តុះបណ្តាលបច្ចេកទេសក្នុងការលើកកម្ពស់សមត្ថភាពជំនាញពលកម្មកម្ពុជាតាំងពីដើមកន្លងមក។ ទន្ទឹមនឹងនោះ លោក​​រដ្ឋមន្ត្រី បានគូសបញ្ជាក់ថា ក្រសួងនឹងបន្តធ្វើការយ៉ាងជិតស្និទ្ធបំផុតជាមួយក្រុមការងារបច្ចេកទេសរបស់ធនាគារពិភពលោក ដើម្បីបញ្ចប់គម្រោង “ជំនាញកម្ពុជាដើម្បីការងារប្រសើរ” (Cambodia Skills for Better Jobs) ឱ្យទាន់ពេលវេលាកំណត់ដើម្បីជាត្រីវិស័យយ៉ាងសំខាន់សម្រាប់ពង្រឹងគុណភាពជំនាញ ដែលឆ្លើយតបនឹងតម្រូវការទីផ្សារការងារ...