សម្តេចក្រឡាហោម ជំរុញឲ្យអភិបាលរាជធានីខេត្តបង្កើនប្រសិទ្ធភាព និងដោះស្រាយទំនាស់ដីធ្លី
ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានណែនាំដល់អភិបាលរាជធានីខេត្ត ត្រូវជំរុញ និងបង្កើនប្រសិទ្ធភាពនៃការសម្រុះសម្រួល និងដោះស្រាយបញ្ហាទំនាស់ដីធ្លី និងការទន្ទ្រានមិនស្របច្បាប់ ដើម្បីកាន់កាប់ដីធ្លី នៅតាមរាជធានីខេត្ត។ សេចក្តីណែនាំជាលាយលក្ខណ៍អក្សរនេះ ត្រូវបានសម្តេចក្រឡាហោម ស ខេង ធ្វើឡើង ដោយយោងតាមការចាំបាច់។
ក្នុងលិខិត ៣ ទំព័រ ចុះថ្ងៃទី១៣ ខែសីហា ឆ្នាំ២០១៩ ជូនអភិបាលរាជធានីខេត្ត បានលើកឡើងថា កន្លងមក ក្រសួងមហាផ្ទៃ បានកត់សម្គាល់ឃើញថា បញ្ហាទំនាស់ដីធ្លីមួយចំនួន នៅតាមរាជធានី ខេត្ត ដែលបានកើតឡើងជាច្រើនឆ្នាំមកហើយ តែមិនទាន់បានសម្រុះសម្រួល និងដោះស្រាយឲ្យបានចប់ជាស្ថាពរនៅឡើយ។ ករណីខ្លះ ប្រជាពលរដ្ឋ ដែលមានបញ្ហាទំនាស់ដីធ្លីទាំងនោះ បានមកប្រមូលផ្តុំគ្នាតវ៉ា និងសុំដាក់ញត្តិជូនស្ថាប័នកំពូលរបស់ជាតិ និង...
