សារព័ត៌មានដេលីខ្មែរ

ប្រព័ន្ធផ្សព្វផ្សាយ Fox Business News បានចុះផ្សាយថា កិច្ចចរចាក្នុងដំណើរឈានឆ្ពោះទៅរកកិច្ចព្រមព្រៀងពាណិជ្ជកម្មថ្មីរវាងប្រទេសចិន និងសហរដ្ឋអាមេរិក កាលពីថ្ងៃពុធ ទី៣១ ខែកក្កដា កន្លងទៅថ្មីៗនេះ មិនទទួលបានលទ្ធផលជាផ្លែផ្កាទេ ។ កិច្ចចរចារវាងក្រុមតំណាងរបស់ចិន និងអាមេរិក បានប្រព្រឹត្តទៅរយៈពេលជាង៤ម៉ោង ប៉ុន្តែសម្រេចជាលទ្ធផល គឺភាគីទាំងពីរបានត្រឹមតែលើកឡើងថា កិច្ចចរចាបានប្រព្រឹត្តទៅដោយការស្ថាបនា និងជួបចរចាម្តងទៀតនៅខែកញ្ញាខាងមុខ ។ ចំណុចដែលនាំឲ្យកិច្ចចរចាមិនទទួលបានលទ្ធផលគឺ ភាគីចិនសុំលើកពេលទៅពិភាក្សាគ្នាសិន លើការកែប្រែច្បាប់ពាណិជ្ជកម្មចិនលើចំណុចខ្លះ ដែលសហរដ្ឋអាមេរិកបានទាមទារ ពាក់ព័ន្ធនឹងការផ្ទេរបច្ចេកវិទ្យាដោយបង្ខំ និងកម្មសិទ្ធិបញ្ញា ៕  ...

លោក John Bolton ទីប្រឹក្សាសន្តិសុខជាតិរបស់សហរដ្ឋអាមេរិកបាននិយាយនៅថ្ងៃព្រហស្បតិ៍ ទី០១ ខែសីហានេះថា ការសាកល្បងចុងក្រោយនូវមីស៊ីលបាលីស្ទិករយៈចម្ងាយខ្លីចំនួនពីរគ្រាប់របស់កូរ៉េខាងជើង កាលពីថ្ងៃពុធ ទី៣១ ខែកក្កដាកន្លងទៅនេះ មិនធ្វើឲ្យប៉ះពាល់ដល់កិច្ចចរចារវាងអាមេរិក និងកូរ៉េខាងជើងនោះទេ ដែលនេះ បើតាមការចុះផ្សាយរបស់ប្រព័ន្ធផ្សព្វផ្សាយ Fox Business News ។ លោក John Bolton បានបន្ថែមថា កិច្ចចរចារវាងសហរដ្ឋអាមេរិក និងកូរ៉េខាងជើង ក្នុងដំណើរឈានឆ្ពោះទៅរកការរំសាយកម្មវិធីនុយក្លេអ៊ែរ និងបច្ចេកវិទ្យាមីស៊ីលកូរ៉េខាងជើង នឹងនៅតែបន្តធ្វើឡើងនៅពេលខាងមុខ ។ ទោះបីជាយ៉ាងណាក៏ដោយ ក៏ទីប្រឹក្សាសន្តិសុខជាតិរបស់សហរដ្ឋអាមេរិករូបនេះ មិនបានបញ្ជាក់ឲ្យបានច្បាស់លាស់នូវកាលបរិច្ឆេទដែលភាគីទាំងត្រូវចាប់ផ្តើមកិច្ចចរចានោះទេ ដោយគ្រាន់តែលើកឡើងថា ភាគីទាំងពីរនឹងជួបចរចានៅពេលខាងមុខ ៕  ...

​ភ្នំពេញ​៖  លោក ផៃ ស៊ី​ផាន រដ្ឋមន្ត្រី​ប្រតិភូ​អម​នាយករដ្ឋមន្ត្រី និងជាអ្នកនាំពាក្យ​រាជរដ្ឋាភិបាលបាន​ឲ្យដឹងនៅ​​ក្នុង​សន្និសីទកាសែត ​ព្រឹក​ថ្ងៃទី​០១ ខែសីហា ឆ្នាំ​២០១៩នេះ ថា រាជរដ្ឋាភិបាល ចំណាយ​ថវិកា​ប្រមាណ ៤០​លាន​ដុល្លារ​អាមេរិក ដើម្បី​ទិញ​សព្វាវុធ​បន្ថែម​ពី​ចិន គឺជា​លុយ​ចំណាយ ក្រៅ​ខ្ទង់​ថវិកាជាតិ​។​ លោក ផៃ ស៊ី​ផាន បាន​បញ្ជាក់ថា សព្វាវុធ ដែល​រាជរដ្ឋាភិបាល​កម្ពុជា ទិញ​ចិន​នោះ ដើម្បី​ពង្រឹង​ខឿន​ការពារជាតិ​កម្ពុជា និង​ធ្វើ​ទំនើបកម្ម​អាវុធ​យុទ្ធ​ភ័​ណ្ឌ​របស់​កងទ័ព​កម្ពុជា ក្នុង​គោលបំណង​ការពារជាតិ​។ ​លោក បានបន្ថែមទៀតថា រាជរដ្ឋាភិបាល​កម្ពុជា សម្រេចចិត្ត​ទិញ​អាវុធ​យុទ្ធ​ភ័​ណ្ឌ​ពី​ប្រទេស​ចិន ដោយសារតែ​អាវុធ​របស់​ចិន មានតម្លៃ​ថោក​ជាង​តម្លៃ​អាវុធ​របស់​ប្រទេស​នៅ​អឺរ៉ុប​៕​...

ធនាគារអភិវឌ្ឍន៍ជនបទព្រឹកថ្ងៃទី០១ ខែសីហា ឆ្នាំ២០១៩បានរៀបចំកិច្ចប្រជុំក្រុមប្រឹក្សាភិបាលអាណាត្តិទី៧ លើកទី៩ ក្រោមអធិបតីភាព លោក រស់ សីលវ៉ា អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សាភិបាលនៃធនាគារអភិវឌ្ឍន៍ជនបទ ។ លោក កៅ ថាច អគ្គនាយកនៃធនាគារអភិវឌ្ឍន៍ជនបទ និងសមា ជិកក្រុមប្រឹក្សាភិបាលបានមានប្រសាសន៍បញ្ជាក់ថា កិច្ចប្រជុំនេះ  ដើម្បីធ្វើការពិភាក្សាលើវឌ្ឍនៈភាពការងារលើកម្មវិធីកែទម្រង់សំខាន់ៗមួយចំនួនរបស់ធនាគារអភិវឌ្ឍន៍ជនបទទៅជាធនាគារអភិវឌ្ឍន៍ជនបទ និងកសិកម្ម។ ធនាគារអភិវឌ្ឍន៍ជនបទកាលពីថ្ងៃទី១៥ ខែកក្កដា ឆ្នាំ២០១៩ អគ្គនាយកនៃធនាគារអភិវឌ្ឍន៍ជនបទបានចូលរួមប្រជុំជាមួយតំណាងក្រុមហ៊ុននាំចេញអង្ករ និងតំណាងរោងម៉ាស៊ីនកិនស្រូវ ចំនួន២២ ដើម្បីស្វែងរកដំណោះស្រាយរួមលើបញ្ហាប្រឈមដែលមានកន្លងមកក្នុងវិស័យស្រូវ-អង្ករកម្ពុជាផងដែរ។    ...

មន្ត្រីសាលារាជធានីភ្នំពេញ កាលពីសប្តាហ៍មុន បាន​បានអះអាងថា នឹង​សម្របសម្រួលករណីវិវាទដីធ្លីរ៉ាំរ៉ៃ រវាងលោក កើត សារ៉េត អនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងអតីតយោ​​ធិនពិការម្នាក់ រស់នៅក្នុងខណ្ឌព្រែកព្នៅ រាជធានីភ្នំពេញ ដើម្បីបញ្ចៀសការអនុវត្តន៍ដោយបង្ខំនូវសា​លដី​​​ការ​​​បស់តុលាការ ដែលបង្កឲ្យមានអំពើហិង្សា។​​​​ ទាក់ទងករណីនេះ លោក មាស សុផាត បានស្នើសុំឲ្យមានការអន្តរាគមន៍ពី  លោក​ ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ដែលជាចៅហ្វាយនាយរបស់លោក កើត សារ៉េត ។ លោកបានមានប្រសាសន៍ថា «ខ្ញុំ​​បាទ សុំ​​ទទូចអង្វរដល់ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងដែនដី នគរូបនីយកម្ម និងសំណង់ មេត្តាអាណិតអាសូរដល់រូបខ្ញ៉ំបាទផង។ សូមឯកឧត្តម មេត្តាជួយដោះស្រាយបញ្ចប់រឿងក្តីមួយនេះ ដើម្បីកូនចៅបានធូរស្រាលផ្លូវចិត្ត មានពេលវេលាព្យាបាលជំងឺ ឈឺរាំរៃ លើសឈាម ទឹកនោម...

ភ្នំពេញ៖ ក្រសួងការបរទេសកម្ពុជា បានសម្តែងការភ្ញាក់ផ្អើល និងខកចិត្តជាខ្លាំងចំពោះស្ថានទូតអាមេរិកប្រចាំនៅកម្ពុជា ដែលបានចេញសារនិយាយវាយប្រហារលើដំណើរការបោះឆ្នោតនៅកម្ពុជាកាលពីឆ្នាំ២០១៨កន្លងទៅនោះ។ ក្រសួងការបរទេសបានចាត់ទុកសាររបស់ស្ថានទូតអាមេរិកនៅថ្ងៃទី៣០ ខែកក្កដា ឆ្នាំ២០១៩នេះ គឺជាទង្វើវាយប្រហារដ៏គឃ្លើនបែបនេះ ដែលរំលោភបំពានទៅលើបទប្បញ្ញត្តិទាំងឡាយដែលមានចែងក្នុងធម្មនុញ្ញអង្គការសហប្រជាជាតិ និងក្នុងអនុសញ្ញាទីក្រុងវីយែនស្តីពីទំនាក់ទំនងការទូតឆ្នាំ១៩៦១។ សេចក្តីថ្លែងការណ៍ដែលចេញផ្សាយនៅថ្ងៃទី៣១ ខែកក្កដា ឆ្នាំ២០១៩នេះ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ បានរំលឹកជាថ្មីដល់ស្ថានទូតសហរដ្ឋអាមេរិកនៅភ្នំពេញថា មាត្រា១នៃធម្មនុញ្ញអង្គការសហប្រជាជាតិ បានចែងយ៉ាងច្បាស់ថា គោលបំណងមួយក្នុងចំណោមគោលបំណងទាំងឡាយរបស់អង្គការសហប្រជាជាតិគឺ «ត្រូវកសាងទំនាក់ទំនងមិត្តភាពក្នុងចំណោមប្រជាជាតិទាំងឡាយ ដោយផ្អែកលើការគោរពគោលកា...