ត្រីមាសទី១ ដើមឆ្នាំ២០១៩នេះកម្ពុជានាំចេញអង្ករជាង១៧ម៉ឺនតោន
ភ្នំពេញ៖ ត្រីមាសទី១ ឆ្នាំ២០១៩ កម្ពុជានាំចេញអង្ករបានចំនួន១៧០,៨២១តោន កើនឡើងចំនួន៦ភាគរយបើធៀបនឹងរយៈពេលដូចគ្នាឆ្នាំ២០១៨ មានត្រឹមតែ ១៦១,១១៥តោនប៉ុណ្ណោះ។
បើតាមរបាយការណ៍របស់លេខាធិការដ្ឋាន ច្រកចេញចូលតែមួយ សម្រាប់បំពេញបែបនាំចេញអង្ករ ដែលបង្ហោះក្នុង Facebook របស់លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។
តួលេខនេះបញ្ជាក់ថា អង្កររបស់កម្ពុជា ត្រូវបានគិតពន្ធពេលនាំចេញទៅអឺរ៉ុបក្តី ការនាំចេញអង្ករកម្ពុជាមិនស្រុតចុះនោះឡើយ។ ទីផ្សារសំខាន់ៗរបស់កម្ពុជា ក្រៅពីអឺរ៉ុបមានទីផ្សារចិន និងប្រទេសសមាជិកអាស៊ានផងដែរ។
កាលពីពេលថ្មីៗនេះ សម្ដេចតេជោ ហ៊ុន សែន បានថ្លែងថា បើទោះបីកម្ពុជាត្រូវបង់ពន្ធថ្លៃនាំចេញអង្ករ ទៅកាន់ទីផ្សារអឺរ៉ុប ក៏ដោយក៏ការនាំចេញអង្ករមានការកើនឡើង ដូច្នេះមានន័យថា បើទោះបីអឺរ៉ុបយកពន្ធ ប៉ុន្ដែកម្ពុជានៅតែបន្ដនាំទៅដដែល ហើយមិនមែននាំចេញទៅតែអឺរ៉ុបនោះទេ ពោលអង្ករខ្មែរត្រូវបាននាំចេញទៅកាន់ប្រទេសជាច្រើនផ្ស...








