សារព័ត៌មានដេលីខ្មែរ

  ប្រព័ន្ធផ្សព្វផ្សាយ RT បានចុះផ្សាយថា កងទ័ពជើងទឹករបស់ប្រទេសរុស្ស៊ី បានបង្ហាញនាវាមុជទឹកគ្មានមនុស្សបើកបរ Drone submarine ប្រភេទថ្មីមួយ (huge robotic nuclear-capable mini-submarine) ដែលមានសមត្ថភាពបាញ់មីស៊ីល នុយក្លេអ៊ែរគ្រប់កម្រិត ។ មន្ត្រីជំនាញខាងយុទ្ធសាស្ត្រកងទ័ពជើងទឹករុស្ស៊ី បាននិយាយថា Drone submarine នេះ អាចដាក់ពង្រាយនៅក្នុងដែនសមុទ្រក្នុងតំបន់ណាក៏បាន ប្រសិនបើកងទ័ពជើងទឹក ត្រូវការប្រើប្រាស់ គឺចាប់ផ្តើមប្រតិបត្តិការណ៍ភ្លាមៗនៅទីតាំងនោះតែម្តង ។ មន្ត្រីជំនាញដដែល បានបន្តថា Drone submarine ក៏មានសមត្ថភាពមួយទៀតដែរ គឺបាញ់កម្ទេចនាវាចម្បាំង និងនាវាដឹកយន្តហោះចម្បាំងរបស់សត្រូវ ដោយបាញ់មីស៊ីល រយៈចម្ងាយខ្លី និងមីស៊ីលរយៈចម្ងាយមធ្យម ៕...

ភ្នំពេញ៖ អ្នកស្រី វ៉ា ស៊ីវន គ្រូបង្ហាត់របាំបុរាណ នៃនាយកដ្ឋានសិល្បៈ ក្រសួងវប្បធម៌ និងវិចិត្រសិល្បៈ បានលើកឡើងថា បច្ចុប្បន្ននេះ សិល្បករមានភាពមមាញឹក ជាពិសេសនៅពេលមានពិធីបុណ្យជាតិម្តងៗ។ អ្នកស្រី វ៉ា ស៊ីវន បញ្ជាក់ថា សិល្បកររបាំបុរាណចេញទៅសម្តែងបានច្រើននៅតាមខេត្តជូនភ្ញៀវជាតិ និងអន្តរជាតិ ជាពិសេស នៅពេលមានពិធីបុណ្យជាតិម្តងៗ។ ក្រៅពីនេះ ក្រុមសិល្បកររបាំបុរាណខ្មែរតែងតែចេញទៅសម្តែងនៅក្រៅប្រទេសជាញឹកញយផងដែរ។ គ្រូបង្ហាត់របាំបុរាណដែលប្រឡូកក្នុងវិស័យសិល្បៈជាង ៤០ឆ្នាំកន្លងទៅ បានបញ្ជាក់ថា សព្វថ្ងៃនេះ វិស័យសិល្បៈបុរាណមានការរីកច្រើន និងអភិវឌ្ឍន៍ប្លែកៗ ក្នុងន័យអភិរក្សបានយ៉ាងល្អ។ អ្នកស្រីបន្តថា យុវជនជំនាន់ក្រោយប្រឹងប្រែងក្រេបជញ្ជក់ចំណេះពីគ្រូជំនាន់មុន ខណៈដែលពួកគាត់ជាអ្នកបន្តវេន និងជាអ្នកលើកស្ទួយតម្លៃនៃសិល្បៈវប្បធម៌ខ្មែរ​ ៕...

ប្រមុខដឹកនាំកំពូលកូរ៉េខាងជើង លោក គីម ជុងអ៊ុន នឹងធ្វើដំណើរទៅកាន់ទីក្រុង ហាណូយ ប្រទេសវៀតណាម តាមរថភ្លើងផ្ទាល់ខ្លួនរបស់លោក ។ ប្រភពដដែលបានបន្តថា លោក គីម ជុងអ៊ុន នឹងចំណាយពេល ២ថ្ងៃកន្លះ ក្នុងការធ្វើដំណើរតាមរថភ្លើងពីទីក្រុង ព្យុងយ៉ាង ទៅកាន់តំបន់ព្រំដែន ដូងដាង (Dong Dang)របស់ប្រទេសវៀតណាម និងត្រូវធ្វើដំណើរតាមរថយន្តពី ដូងដា ទៅទីក្រុង ហាណូយ ក្នុងចម្ងាយ១៧០គីឡូម៉ែត្រ ស្មើរនឹង១០៥ម៉ាយបន្តទៀត ។ ក្នុងជំនួបកំពូលលើកទីពីររវាងលោក គីម ជុងអ៊ុន និងលោក ដូណាល់ ត្រាំ នឹងត្រូវធ្វើឡើងនៅថ្ងៃទី២៧ និង២៨ ខែកុម្ភៈនេះ នៅទីក្រុង ហាណូយ ប្រទេសវៀតណាម ។ ប៉ុន្តែលោក គីម ជុងអ៊ុន នឹងចេញដំណើរនៅថ្ងៃទី២៥ ខែកុម្ភៈ ដោយត្រូវចំណាយពេលជាងពីរថ្ងៃដើម្បីធ្វើដំណើរ ៕...

ភ្នំពេញ៖ លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានឱ្យដឹងថា ក្រសួងបាននិងកំពុងគិតគូរលើការដាក់បញ្ជូលសម្បត្តិវប្បធម៌ទាំងរូបី និងអរូបី ចូលក្នុងបញ្ជីបេតិកភណ្ឌពិភពលោករបស់អង្គការយូណេស្កូ ដើម្បីទុកជាសម្បត្តិ និងអត្តសញ្ញាណរបស់ជាតិ។ ក្រសួងកំពុងត្រៀមនូវអ្វីដែលជាតំណាងខ្មែរដូចជា យីកេ ឬគ្រឿងចម្លាក់ប្រាក់ជាដើម។ ថ្លែងប្រាប់អ្នកសារព័ត៌មានក្រោយបញ្ចប់ពិធីបើកមហោស្រពសិល្បៈយុវជន  ទូទាំងប្រទេស លើកទី៥ នៅព្រឹកថ្ងៃទី២០ ខែកុម្ភៈ ឆ្នាំ២០១៩ នៅសាល​សន្និ​សីទ​ចតុមុខ​ ។​ លោកជំទាវ ភឿង សកុណា បានមានប្រសាសន៍ថា៖ “​យើងបានដាក់ឯកសារល្បុកតោរួចហើយ និងរងចាំការសម្រេចនៅ​ឆ្នាំ​២០២០​។​ ឥឡូវក្រសួងកំពុងត្រៀមរៀបចំឯកសារស្តីពីតម្បាញសូត្រខ្មែរ ប៉ុន្តែយើងត្រូវគិតថា វាអាចមានរូបភាពច្រើនណាស់អរូបី មានតាំងពីភ្លេង មានតាំងពីម្ហូបអាហារក៏អាចទៅជាបេតិកភណ្ឌអរូបីរបស់ជាតិបានដែរ។ ចឹងក្រសួងកំពុងគិតថា នឹងដាក់អ្វីទៀតដើម្បីតំណាងខ្មែរយ...

ភ្នំពេញ៖ លោកវេជ្ជបណ្ឌិត លាង ឬទ្ធា ប្រធានកម្មវិធីជាតិប្រយុទ្ធនឹងជំងឺគ្រុនឈាម នៃមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្រ្ត និងបាណកសាស្រ្ត បានឱ្យដឹងថា ជំងឺគ្រុនឈាមនៅដើមឆ្នាំ២០១៩នេះ គឺប្រហាក់ប្រហែលទៅនឹងស្ថានភាពនៅដើមឆ្នាំ២០១៨កន្លងទៅ ពោលគឺកើតឡើងចំនួនជាង ១ ០០០ករណី។ លោកវេជ្ជបណ្ឌិត បានបញ្ជាក់ថា ករណីទាំងនោះកើតឡើងភាគច្រើននៅខេត្តកណ្តាល រាជធានីភ្នំពេញ កំពង់ស្ពឺ និងខេត្តសៀមរាបជាដើម។ ប៉ុន្តែ ស្ថានភាពករណីជំងឺគ្រុនឈាមដើមឆ្នាំនេះ គឺយើងអាចគ្រប់គ្រងបាន។ មន្ត្រីសុខាភិបាលរូបនេះ បានសំណូមពរ​ដល់​ប្រជាពលរដ្ឋ​ទាំងអស់​ ធ្វើ​យ៉ាងណា​រួម​គ្នា​ប្រយុទ្ធ​ប្រឆាំង​និង​ជំងឺគ្រុនឈាម​ ដោយត្រូវលុបបំបាត់ជំរកដង្កូវទឹក នៅជុំវិញផ្ទះ ទីសាធារណៈនានា ព្រមទាំងការពារខ្លួនកុំឲ្យមូសខាំ។ ក្នុងករណីចេញរោគសញ្ញាជំងឺគ្រុនឈាម ដូចជា គ្រុនក្តៅខ្លាំង​ ឈឺក្បាល ឈឺក្រោយរង្វង់ភ្នែក ឈឺពោះ ក្អួត​ និងករណីខ្លះមានកន្ទួលក្រហមលើស្បែក ឬសញ្ញ...

ខេត្តកណ្តាល៖ នៅ​ព្រឹក​ថ្ងៃទី​២០ ខែកុម្ភៈ ឆ្នាំ​២០១៩ សម្តេច​តេ​ជោ នាយករដ្ឋមន្ត្រី ហ៊ុន សែន បាន​អំពាវនាវឲ្យអាជ្ញាធរតាម​បណ្តា​ខេត្ត ដែល​កំពុង​ខ្វះខាត​ទឹក ប្រើប្រាស់ត្រូវរក​វិធី​ដោះស្រាយ មិនត្រូវ​ទុក​ឲ្យ​ប្រជាពលរដ្ឋ​នៅ​តំបន់​ណាមួយ ដែល​គ្មាន​ប្រភពទឹក ខ្វះ​ទឹក​​ប្រើប្រាស់នោះទេ ត្រូវមានរថយន្ត​ដឹក​ទឹក ទៅកាន់​តំបន់​ទាំងនោះ ហើយ​ត្រូវ​ជំរុញ​ការជីក​អណ្តូង​បន្ថែម​។​ ​ សម្តេច​តេ​ជោ ហ៊ុន សែន បានបញ្ជាក់ថា ​គ្រប់​ខេត្ត​ទាំងអស់ ត្រូវ​ណែនាំ​ឲ្យ​ប្រជាពលរដ្ឋ ផ្អាក​ឈប់​ធ្វើស្រែ​ប្រាំង​តទៅទៀត បន្ទាប់ពី​ការ​ច្រូតកាត់រួចរាល់​ហើយ ព្រោះ​ដោយសារ​ខ្វះ​ទឹក ស្រូវ​ក៏​មិនទាន់​ចេញ រីឯ​ទឹក​ក៏​ខ្វះ​ប្រើ​។ ដូច្នេះ​ត្រូវ​យកចិត្តទុកដាក់​ដោះស្រាយ​បញ្ហា​នេះ​។​ ​សូម​រម្លឹកថា ចាប់ពី​ដើមខែ​កុម្ភៈ​នេះ កង្វះទឹកស្អាត​ប្រើប្រាស់ បាន​កើតឡើង​នៅតាម​បណ្តា​ខេត្ត​មួយចំនួន​។ ចាប់តាំងពី​ថ្ងៃទី​១២ ខែកុម្ភៈ អាជ្ញាធរ​ខេត្តកោះកុង បាន​ដឹក​ទ...

អំពើហិង្សាក្នុងការវាយប្រហារភេរវកម្មនៅតំបន់ កាស្មៀរ ដែលជាតំបន់ព្រំដែនជាប់គ្នារវាងប្រទេសឥណ្ឌា និងប៉ាគិស្ថាន ចាប់តាំងពីដើមសប្តាហ៍នេះ បានឆក់យកជីវិតមនុស្សរាប់សិបនាក់ ហើយភាពតានតឹងបានកើតឡើងរបស់ឥណ្ឌា និងប៉ាគិស្ថាន ។ មេដឹកនាំឥណ្ឌា បានព្រមានប៉ាគិស្ថានដោយចោទប្រកាន់ថា ប៉ាគិស្ថានចិញ្ចឹមក្រុមសកម្មប្រយុទ្ធអ៊ីស្លាមជ្រុលនិយម Jaish-e-Mohammed ដែលមានមូលដ្ឋាននៅប៉ាគិស្ថាន ហើយមេដឹកនាំរបស់ប៉ាគិស្ថានក៏បានព្រមានឥណ្ឌាវិញដែរ ទាក់ទិននឹងការចោទប្រកាន់ដោយគ្មានមូលដ្ឋានច្បាប់លាស់ ។ ភាពតានតឹងរវាងឥណ្ឌា និងប៉ាគិស្ថាន បានកើតឡើងនៅចំពេលដែលរជ្ជទាយាទរបស់ប្រទេសអារ៉ាប៊ី សាអូឌីត ព្រះអង្គម្ចាស់ Mohammed bin Salman បានយាងទៅដល់ប្រទេសឥណ្ឌា កាលពីថ្ងៃអង្គារ ទី១៩ ខែកុម្ភៈ ឆ្នាំ២០១៩ ក្នុងដំណើរទស្សនកិច្ចពង្រឹងទំនាក់ទំនងពាណិជ្ជកម្ម ៕  ...

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន  មានប្រសាសន៍ឲ្យដឹងថា ឆ្នាំ២០១៩នេះ កម្ពុជាសល់ស្រូវរហូតដល់៦លានតោន។ សម្តេចតេជោ ហ៊ុន សែន បានបន្តថា គោលដៅនៃការនាំចេញអង្ករឲ្យបាន១លានតោនក្នុងមួយឆ្នាំនោះ កម្ពុជាមិនទាន់សម្រេចបាននៅឡើយព្រោះយើងមានដៃគូដ៏ខ្លាំងក្លាពីប្រទេសជិតខាងរួមមានថៃ និងវៀតណាមជាដើម។ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍បែបនេះក្នុងឱកាសអញ្ជើញជួបសំណេះសំណាលជាមួយបងប្អូនកូនក្មួយកម្មករ កម្មការិនីប្រមាណ១១,២២៧នាក់ មកពីរោងចក្រ សហគ្រាសចំនួន៣៤ ដែលធ្វើឡើងនៅមជ្ឈមណ្ឌលពាណិជ្ជកម្ម Chengdu Bayi (Cambodia) ស្ថិតនៅភូមិព្រៃរកា ឃុំឆក់ឈើនាង ស្រុកអង្គស្នួល ខេត្តកណ្តាល នាព្រឹកថ្ងៃពុធ ១រោច ខែមាឃ ឆ្នាំច សំរឹទ្ធិស័ក ពស.២៥៦២ ត្រូវនឹងថ្ងៃទី២០ ខែកុម្ភៈ ឆ្នាំ២០១៩នេះ។ កម្មករ កម្មការិនី បានជួបសំណេះសំណាលជាមួយសម្តេចតេជោ ហ៊ុន សែន នៅព្រឹកនេះ គឺមកពីរោងចក្រសហគ្រាសក្នុងស្...

​​ ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន បានមានប្រសាសន័ឲ្យដឹងថា រាជរដ្ឋាភិបាលកម្ពុជានឹងខិតខំទាក់ទាញអ្នកវិនិយោគមកវិនិយោគទាំងក្នុងវិស័យកសិកម្ម និងឧស្សាហកម្ម ដើម្បីបង្កើតផលិតផលឲ្យកាន់តែច្រើនសម្រាប់នាំចេញ និងបង្កើនការងារជូនប្រជាពលរដ្ឋ។ សម្តេចតេជោ ហ៊ុន សែន  បានបញ្ជាក់ថា រាជរដ្ឋាភិបាលកម្ពុជា ត្រូវធ្វើអ្វីៗគ្រប់យ៉ាង និងគ្រប់វិស័យដើម្បីជំរុញសេដ្ឋកិច្ចជាតិឲ្យមានការរីកចម្រើនទៅមុខបន្តទៀត។ សម្តេចតេជោ ហ៊ុន សែន មានប្រសាសន៍បែបនេះក្នុងឱកាសអញ្ជើញជួបសំណេះសំណាលជាមួយបងប្អូនកូនក្មួយកម្មករ កម្មការិនីប្រមាណ១១,២២៧នាក់ មកពីរោងចក្រ សហគ្រាសចំនួន៣៤ ធ្វើឡើងនៅមជ្ឈមណ្ឌលពាណិជ្ជកម្ម Chengdu Bayi (Cambodia) ស្ថិតនៅភូមិព្រៃរកា ឃុំឆក់ឈើនាង ស្រុកអង្គស្នួល ខេត្តកណ្តាល ព្រឹកថ្ងៃពុធ ១រោច ខែមាឃ ឆ្នាំច សំរឹទ្ធិស័ក ពស.២៥៦២ ត្រូវនឹងថ្ងៃទី២០ ខែកុម្ភៈ ឆ្នាំ២០១៩។ សូមបញ្ជាក់ថា កម្មករ កម្មការិនី បានជួបសំណេះសំណាលជាមួយសម...