សារព័ត៌មានដេលីខ្មែរ

​​ភ្នំពេញ ៖  ​លោកនាយ​ឧ​ត្ត​ម​សេនីយ៍ មៀ​ច សុផាន់​ណា រដ្ឋលេខាធិការ​ក្រសួងមហាផ្ទៃ បានថ្លែងក្នុង​សន្និសីទកាសែត កាលពី​ព្រឹក​ថ្ងៃទី​០៩ ខែមេសា ឆ្នាំ​២០១៩ នេះថា ឱសថ​បុរាណ​ចិន និង​ឱសថ​សម័យ ដែល​រឹបអូស​បាន​ជាង ១​ម៉ឺន​គ្រាប់​ គឺ ជា​ឱសថ​ជំនួយ​ផ្លូវភេទ បង្កើន​ភាព​ស្រើបស្រាល ឬ​ថ្នាំសម្រើប ដែល​មិនបាន​ចុះបញ្ជី​ការ គ្មាន​លិខិតអនុញ្ញាត​ឲ្យ​នាំចូល ហួស​កាលបរិច្ឆេទ​កំណត់ និង​ត្រូវបាន ហាមឃាត់​ដោយ​ច្បាប់​។​ ​លោកនាយ​ឧ​ត្ត​ម​សេនីយ៍ មៀ​ច សុផាន់​ណា បន្ថែមថា ម្ចាស់​ទីតាំង​ឱសថ​ចិន​សែ​ទាំង ៣ កន្លែង​នោះ មិន​ត្រូវបាន​ឃាត់ខ្លួន​ទេ តែ​ត្រូវបាន​កម្លាំង​ពិសេស នៃ​គណៈកម្មាធិការ​ប្រយុទ្ធ ប្រឆាំង​ផលិតផល​ក្លែងក្លាយ កំពុង​កសាង​សំណុំរឿងបញ្ជូនទៅ​តុលាការ ដើម្បី​កំណត់​ស្ថានទោស​។ ​សូមជម្រាបថា កាលពី​ថ្ងៃទី​២៧ ខែមីនា ឆ្នាំ​២០១៩ ប៉ូលិស​នៃ​គណៈកម្មាធិការ​ប្រយុទ្ធប្រឆាំង​ផលិតផល​ក្លែងក្លាយ បាន​ចុះ​ប្រតិបត្តិការ​ត្រួតពិនិត្យ ឆែកឆេរ ផ្...

ប្រទេសរុស្ស៊ីនឹងប្រគល់ប្រព័ន្ធការពារដែនអាកាស S-400 របស់ខ្លួនដល់ប្រទេសទួរគី ចាប់ពីខែឧសភា ឆ្នាំ២០១៩ ខាងមុខនេះ ទៅតាមកិច្ចព្រមព្រៀងរវាងប្រទេសទាំងពីរ ។ សេចក្តីប្រកាសពីការប្រគល់មីស៊ីល S-400 ពីរុស្ស៊ី ឲ្យទួរគីនេះ ត្រូវបានធ្វើឡើងក្នុងជំនួបរវាងប្រធានាធិបតីរុស្ស៊ី លោក Vladimir Putin និងប្រធានាធិបតីទួរគី លោក Recep Tayyip Erdogan នៅទីក្រុង ម៉ូស្កូ ប្រទេសរុស្ស៊ី កាលពីថ្ងៃចន្ទ ទី០៨ ខែមីនា ឆ្នាំ២០១៩នេះ ។ ក្នុងជំនួបរវាងលោក Vladimir Putin និងលោក Recep Tayyip Erdogan មេដឹកនាំទាំងពីរក៏បានប្តេជ្ញាពង្រឹងទំនាក់ទំនង និងបង្កើនកិច្ចសហប្រតិបត្តិការខាងយោធាជាមួយគ្នាផងដែរ ខណៈដែលទួរគីមានភាពតានតឹងជាមួយអាមេរិក ៕...

នាយកដ្ឋាន​ជីវៈចម្រុះ នៃ​អគ្គលេខាធិការដ្ឋានក្រុមប្រឹក្សាជាតិ​អភិវឌ្ឍដោយចីរភាព​ (ក.ជ.អ.ច.)នៅ​ព្រឹក​ថ្ងៃ​ទី​៨ ខែ​មេសា ឆ្នាំ​២០១៩​ បាន​រៀបចំ​កិច្ចប្រជុំ​ជា​មួយ​ស្ថាប័ន និង​អង្គការ​ដៃគូ​ ដើម្បី​ពង្រឹង​ការ​អនុវត្ត​ការងារ​គាំទ្រ​ដល់​ការ​គ្រប់គ្រង​ធនធាន​ធម្មជាតិ និង​អភិរក្ស​ជីវៈចម្រុះ​ នៅ​បន្ទប់​ប្រជុំ​ទុង ទីស្ដីការ​ក្រសួង​បរិស្ថាន​។ កិច្ច​ប្រជុំ​នេះ​មាន​ការ​ចូលរួម​ពី​ដៃគូ​អនុវត្ត​គម្រោង​កាំប៉ាស់ រួមមាន​តំណាង​នាយកដ្ឋាន​ជីវៈចម្រុះ​នៃ​អគ្គលេខាធិការដ្ឋាន ក.ជ.អ.ច. តំណាង​អគ្គនាយកដ្ឋាន​រដ្ឋបាល​ការពារ និង​អភិរក្ស​ធម្មជាតិ​ អគ្គនាយកដ្ឋាន​សហគមន៍​មូលដ្ឋាន តំណាង​រដ្ឋបាល​ជលផល តំណាង​រដ្ឋបាល​ខេត្ត​មណ្ឌលគិរី មន្ទីរ​បរិស្ថាន​ខេត្ត​ មន្ទីរ​កិច្ចការ​នារី​ខេត្តមណ្ឌលគិរី​ និង​តំណាង​អង្គការ​ដៃគូ រួមមាន៖ អង្គការ WWF, WCS, BirdLife, ERECON និង អង្គការ Live and Learn Cambodia សរុប​ចំនួន​២៦​នាក់។ តាមរយៈ​កិច្ចប្រជុំ​នេះ...

សៀមរាប ៖ ក្នុងឱកាសបុណ្យចូលឆ្នាំខ្មែរប្រពៃណីជាតិ ឆ្នាំកុរ ឯកស័ក ពុទ្ធសករាជ ២៥៦៣  ខេត្តសៀមរាបនឹងរៀបចំព្រឹត្តិការណ៍សៀមរាបសង្ក្រាន្ត ឆ្នាំ២០១៩ ចាប់ពីថ្ងៃទី១៤.១៥.១៦ ខែ មេសា ឆ្នាំ២០១៩ នៅតំបន់សួនច្បារព្រះរាជដំណាក់ខេត្តសៀមរាប។ នេះ ជាព្រឹត្តិការណ៍មួយទៀត បន្តពីព្រឹត្តិការណ៍អង្គរសង្រ្កាន្ត ដើមី្បរឹតចំណងមិត្តភាព សាមគ្គីភាពរវាងប្រជាជាតិខ្មែរ និង ប្រជាជាតិលើសកលលោក ។ ម៉្យាងទៀតផ្តល់ ឱកាសឲ្យយុវជន ប្រជាពលរដ្ឋ ភ្ញៀវទេសចរណ៍ជាតិ អន្តរជាតិ បានស្វែងយល់ អំពីភាពរុងរឿង និងលី្បល្បាញ នៃវប្បធម៌ អរិយធម៌ ទំនៀមទម្លាប់  ប្រពៃណី និង សាសនា នាសម័យមហានគរ រហូតមកដល់បច្ចុប្បន្ន ដែលបានបន្តថែរក្សាកេរ្តិ៍មរតកឲ្យបានគង់វង្ស និងបន្តពង្រីកកិត្យានុភាពជាតិលើឆាកអន្តរជាតិផងដែរ ។ ព្រឹត្តិការណ៍នេះរៀបចំតាំងបង្ហាញអំពីការត្បាញក្រម៉ា និង ផលិតផលស្នាដៃស្ត្រីខ្មែរ ដែលកើតចេញពីកម្លាំងប្រាជ្ញារបស់បងប្អូនស្ត្រីខ្មែរយើង។ ក្រៅពីតំបន់ទាំងនេះ  បង...

  សៀមរាប ៖ ក្រសួងទេសចរណ៍នឹងមានគម្រោងរៀបចំតំបន់ភ្នំគូលែនទៅជា «តំបន់ទេសចរណ៍វប្បធម៌ ប្រវត្តិសាស្ត្រ និងធម្មជាតិ» រួមទាំង «ទេសចរណ៍ផ្សងបែបផ្សងព្រេង» ដើម្បីទាក់ទាញថ្មីមួយទៀតនៅខេត្តសៀមរាប-អង្គរ ដើម្បីបំពេញតម្រូវការជូនភ្ញៀវទេសចរជាតិ-អន្តរជាតិ ។ ដើម្បីចូលរួមអនុវត្តនូវយុទ្ធសាស្ត្ររបស់រាជរដ្ឋាភិបាល ដែលតែងតែជំរុញឱ្យមានការបង្កើតផលិតផលទេសចរណ៍ថ្មីៗបន្ថែម។ លោក ថោង ខុន រដ្ឋមន្រ្តីក្រសួងទេសចរណ៍ មានប្រសាសន៍ថា  តំបន់ភ្នំគូលែនរបស់ខេត្តសៀមរាប មានសក្ដានុពលផ្នែកវប្បធម៌ប្រវត្តិសាស្ត្រ និងធម្មជាតិរួចទៅហើយ ហើយក៏មានភ្ញៀវទេសចរទៅទស្សនាកម្សាន្តជាច្រើនផងដែរ ។ ប៉ុន្តែមិនទាន់មានការរៀបចំទៅតាមស្ដង់ដាជាតិ និងអន្តរជាតិនៅឡើយ។ លោករដ្ឋមន្រ្តីក្រសួងទេសចរណ៍បានថា «នៅទីនោះសម្បូរទៅដោយព្រៃភ្នំក្រំថ្មបែបធម្មជាតិ មានប្រាង្គប្រាសាទ ចម្លាក់សិលា និងបុរាណដ៏ច្រើន មានស្ទឹងប្រវត្តិសាស្ត្រ មានពយភ្នំដែលកើតឡើងពីធម្មជាតិ    &...

ភ្នំពេញ៖ លោកស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានទុកពេល៣ខែឱ្យអ្នកប្រកបរបររត់ម៉ូតូកង់បីទាំងអស់ទៅរៀន និងប្រឡងយកបណ្ណបើកបរ។ លោក ស៊ុន ចាន់ថុល បានបញ្ជាក់បែបនេះក្នុងកិច្ចប្រជុំបូកសរុបការងាររបស់គណៈកម្មាធិការសុវត្ថិភាពចរាចរណ៍ផ្លូវគោលនៅថ្ងៃទី០៩ ខែមេសា ឆ្នាំ២០១៩នេះ។ លោក ស៊ុន ចាន់ថុល បានឱ្យដឹងថា អ្នករត់ម៉ូតូឌុបប្រមាណជា ៩៨ភាគរយមិនទាន់មានបណ្ណបើកបរនៅឡើយនោះទេ។ ដូចនេះក្រសួងនឹងចាត់វិធានការបង្ខំឱ្យអ្នករត់ម៉ូតូកង់បីទៅរៀនច្បាប់ចរាចរណ៍ និងប្រឡងយកបណ្ណបើកបរ ក្នុងគោលបំណងរួមចំណែកកាត់បន្ថយគ្រោះថ្នាក់ចរាចរ និងការកកស្ទះចរាចរណ៍ក្នុងរាជធានីភ្នំពេញ ដែលបណ្តាលមកពីការមិនយល់ដឹងពីច្បាប់ចរាចរណ៍ក្នុងពេលបើកបររបស់ពួកគេ៕...

ភ្នំពេញ៖  លោក ហោ លីណា ព្រះរាជអាជ្ញារងអមសាលាដំបូងរាជធានីភ្នំពេញ នៅព្រឹកថ្ងៃទី០៩ ខែមេសា ឆ្នាំ២០១៩នេះ កំពុងសាកសួរជនជាតិស្វីសម្នាក់ពាក់ព័ន្ធ និងករណីបន្លំក្រដាសប្រាក់ដុល្លារនៅទូ ATM របស់ធនាគារ ABA ក្នុងខណ្ឌដូនពេញ រាជធានីភ្នំពេញ។ យោងតាមរបាយការណ៍របស់សមត្ថកិច្ច ខណ្ឌដូនពេញបានឲ្យដឹងថា ជនសង្ស័យមានឈ្មោះ HOFER PETER ភេទប្រុស អាយុ ៦៤ឆ្នាំ ជនជាតិស្វីស កាន់លិខិតឆ្លងដែនលេខ X៤៥៨០៨៤៤ ស្នាក់នៅផ្ទះសំណាក់ Velkommen ផ្ទះលេខ១៧ ផ្លូវលេខ១៤៤ ភូមិ៥ សង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ។  ​ សមត្ថកិច្ចបានបញ្ជាក់ថា ផ្អែកតាមពាក្យបណ្តឹងរបស់តំណាងធនាគារ ABA មានភស្តុតាងកាមេរ៉ាវីដេអូផងនោះជនសង្ស័យខាងលើត្រូវបាននគរបាលប៉ុស្តិ៍រដ្ឋបាលផ្សារថ្មីទី៣ ឃាត់ខ្លួនកាលពីព្រឹកថ្ងៃទី០៦ ខែមេសា ឆ្នាំ២០១៩ ពាក់ព័ន្ធករណីយកក្រដាសប្រាក់១០០ដុល្លារក្លែងក្លាយទៅបន្លំនៅក្នុងទូ ATM ក្នុងធនាគារ ABA មានទីតាំងផ្ទះលេខ៦៨ ផ្លូវលេខ១៣៦ កែងផ...

  មន្រ្តីជាន់ខ្ពស់នៃរដ្ឋាភិបាលកម្ពុជា បានអំពាវនាវឲ្យមានការចូលរួមទិញផលិតផលខ្មែរដើម្បីជំរុញកំណើនសេដ្ឋកិច្ច និងធ្វើពិពិធកម្មវិស័យការងារជូនប្រជាពលរដ្ឋទាំងប្រទេស ជាពិសេសជំរុញការនាំចេញទៅកាន់ទីផ្សារក្នុងនិងក្រៅប្រទេស។ នៅថ្ងៃទី៨ ខែមិនាឆ្នាំ២០១៩ លោកឧបនាយករដ្ឋមន្ត្រី យឹម ឆៃលី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្មនិងជនបទ និងជាប្រធានគណៈកម្មាធិការជាតិជំរុញចលនាភូមិមួយផលិតផលមួយ  បានលើកឡើងថា រដ្ឋាភិបាលកម្ពុជាបានដាក់ចេញនូវផែនការ ដើម្បីអភិវឌ្ឍន៍និងលើកទឹកចិត្តសហគ្រាសធុនតូចនិងមធ្យមដូចជាការបង្កើតធនាគារ ការចងក្រងមូលនិធិសហគ្រិនភាព និងការលើកទឹកចិត្តផ្នែកពន្ធដា និងគយជាដើម។ លោកឧបនាយករដ្ឋមន្ត្រី យឹម ឆៃលី មានប្រសាសន៍បែបនេះក្នុងទិវាជាតិលើកកម្ពស់ការប្រើប្រាស់ផលិតផលខ្មែរលើកទី២ ឆ្នាំ២០១៩ ក្រោមប្រធានបទ យើងគាំទ្រនិងប្រើប្រាស់ផលិតផលខ្មែរ និងយុទ្ធនាការទិញផលិតផលខ្មែររដូវកាលទី៤ ។ ដើម្បីបង្ហាញពីភាពរីកចម្រើ...

  រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុបានមានប្រសាសន៍ថា ការរីកចម្រើនយ៉ាងលឿននៅលើបច្ចេកវិទ្យា និងវិទ្យាសាស្រ្ត កំពុងវិវត្តន៍ទៅរកបដិវត្តន៍ឧស្សាហកម្មទី៤  ស្ថិតក្នុងបរិកាណ៍នេះ ទាមទារឲ្យមនុស្សដើរតួនាទីថ្មី នៅក្នុងវិស័យសេដ្ឋកិច្ច។ អគ្គបណ្ឌិតសភាចារ្យ អូន ព័ន្ធមុន្នីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានថ្លែងបែបនេះ នៅក្នុងពិធីសម្ពោធដាក់ឲ្យប្រើប្រាស់ជាផ្លូវការអគារវិទ្យាសាស្រ្ត មជ្ឈមណ្ឌលបណ្តុះធុរកិច្ចថ្មីតេជោ និងសមិទ្ធផលនានា នៅសាកលវិទ្យាល័យភូមិន្ទភ្នំពេញ ថ្ងៃទី៨ ខែមេសា ឆ្នាំ២០១៩។ លោក ឧបនាយករដ្ឋមន្រ្តី បន្តថា ដោយមើលឃើញពីសក្តានុពលនៃវិទ្យាសាស្រ្ត បច្ចេកវិទ្យា និងនិវានុវត្តន៍ ដើរតួជាថ្មីនៃការអភិវឌ្ឍន៍សេដ្ឋកិច្ចសង្គម តាមរយៈការជម្រុញភាពប្រកួតប្រជែង និងផលិតភាពសេដ្ឋកិច្ច និងសម្រាប់ពន្លឿននូវកិច្ចអភិវឌ្ឍន៍ជារួម តាមរយៈក្រសួងសេដ្ឋកិច្ច និងហិរញ្ញវត្ថុ បានដាក់ចេញន...

មេបញ្ជាការកងកម្លាំងទ័ពអាកាសរបស់ប្រទេសឥណ្ឌា បានអះអាងថា កងទ័ពអាកាសរបស់ខ្លួន បានបាញ់ទម្លាក់យន្តហោះចម្បាំងប្រភេទ F-16 របស់ប្រទេសប៉ាគិស្ថាន កាលពីខែកុម្ភៈ ឆ្នាំ២០១៩នេះ ដោយមានទាំងរូបភាពតាមប្រព័ន្ធរ៉ាដាថែមទៀតផង ។ ការលើកឡើងពីការបាញ់ទម្លាក់យន្តហោះចម្បាំង F-16 របស់ប៉ាគិស្ថាននេះ ត្រូវបានធ្វើឡើងក្រោយពីនាយករដ្ឋមន្ត្រីរបស់ប្រទេសប៉ាគិស្ថាន បានអះអាងថា ឥណ្ឌាមិនបានបាញ់ទម្លាក់យន្តហោះចម្បាំង F-16 របស់ខ្លួននោះទេ ។ សូមបញ្ជាក់ថា ភាពតានតឹង និងការប្រឈមមុខដាក់គ្នាខាងកងកម្លាំងយោធា រវាងឥណ្ឌា និង ប៉ាគិស្ថាននៅតំបន់ កាស្មៀរ នៅតែកើតឡើងនៅឡើយ ខណៈដែលការប្រឈមមុខដាក់គ្នានេះ បានកើត ឡើងចាប់តាំងពីដើមឆ្នាំ២០១៩នេះ ៕...