សម្តេចបវរធិបតី ហ៊ុន ម៉ាណែត គូសបញ្ជាក់ថា រាជរដ្ឋាភិបាល មិនឆ្លើយឆ្លងលើហ្វេសប៊ុក មិនមែនរាជរដ្ឋាភិបាលមិនគិតគូរលើរឿងជាតិ និងបូរណភាពទឹកដីនោះទេ
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាបានគូសបញ្ជាក់ថា រាជរដ្ឋាភិបាល មិនឆ្លើយឆ្លងតាមហ្វេសប៊ុក មិនមែនបានន័យថា រាជរដ្ឋាភិបាលមិនការពារបូរណភាពទឹកដី និងលើកតម្កើងកិត្យានុភាពជាតិនោះទេ។ ការគូសបញ្ជាក់របស់សម្តេចធិបតីនាយករដ្ឋមន្រ្ដីនេះ បន្ទាប់ពីក្រុមប្រឆាំងតែងតែរិះគន់ និងចាក់ឱ្យរាជរដ្ឋាភិបាលឆ្លើយតបជាមួយខ្លួនដោយលើកយកបញ្ហាព្រំដែនមកនិយាយនៅលើបណ្តាញទំនាក់ទំនងសង្គមជាបន្តបន្ទាប់។
ថ្លែងក្នុងពិធីប្រគល់វិញ្ញាបនបត្រ និងសញ្ញាបត្រ ជូនដល់សិក្ខាកាម និងនិស្សិត សាកលវិទ្យាល័យធនធានមនុស្ស នាព្រឹកថ្ងៃទី២៦ ខែធ្នូ ឆ្នាំ២០២៤ សម្តេចធិបតី ហ៊ុន ម៉ាណែត បានថ្លែងបញ្ជាក់ថា ការស្រឡាញ់ជាតិ អ្នកណាក៏ស្រឡាញ់ ហើយកូនខ្មែរត្រូវតែព្រួយបារម្ភ ប៉ុន្តែសកម្មភាព និងការស្រឡាញ់មិនត្រូវឱ្យមានការបែកបាក់ជាតិដែលជាកត្តាធ្វើឱ្យបាត់បង់។ សម្តេចធិបតីបានលើកឡើងថា បញ្ហាព្រំដែន ត្រូវដោះស្រាយតាមរយៈសន្តិវិធី ដោយការចរចា ហើយការការ...
