សង្គម និងកម្សាន្ត

(ភ្នំពេញ)៖ ថ្លែងក្នុងពិធីប្រគល់វិញ្ញាបនបត្របញ្ចប់វគ្គបណ្តុះបណ្តាល ជូនដល់នាយទាហាន នាយទា ហា នរង និងពលទាហានចំណុះកងទ័ពជើងគោក នាព្រឹកថ្ងៃទី១០ ខែកុម្ភៈ ឆ្នាំ២០២៣។ នៅវិទ្យាស្ថានជាតិពហុបច្ចេកទេសកម្ពុជា លោក ហេង សួរ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ ជឿជាក់ថា សិក្ខាកាមដែលបានមកទទួលការបណ្តុះបណ្តាលនេះ ពិតជាបានទទួលនូវចំណេះដឹងថ្មីបន្ថែម និងចំណេះធ្វើមួយពិតប្រាកដ និងជាក់លាក់ លើការងារជំនាញវិទ្យុទាក់ទង និងដំទ្បើងប្រព័ន្ធអង់តែន ដើម្បីយកទៅប្រើប្រាស់ជាប្រយោជន៍រួមក្នុងការបំពេញតួនាទី ក៏ដូចជាចែក រំលែកនូវចំណេះដឹង និងជំនាញទាំងនេះ ជាមួយសហការីនៅតាមមូលដ្ឋានកងទ័ពរបស់ខ្លួន។ តាងនាមឱ្យក្រសួងការងារ និងបណ្តុះបណ្តាលវិជ្ជាជីវៈ លោក ហេង សួរ បានអបអរសាទរ និងកោតសរសើរដល់សិក្ខាកាមទាំងអស់ដែលបានខិតខំរៀនសូត្ររហូតដល់ចប់វគ្គ ហើយទទួលបាននូវជំនាញបច្ចេកទេសវិទ្យុទាក់ទង និងដំឡើងប្រព័ន្ធអង់តែន ដែលជាវគ្គពិសេសមួយរៀបចំឡើងដោយម...

ខេត្តកំពង់ស្ពឺ៖ បុរសត្រូវចោទម្នាក់ កាលពីថ្ងៃទី ០៩ ខែ កុម្ភៈ ឆ្នាំ ២០២៣ ត្រូវបានចៅក្រមស៊ើបសួរ នៃសាលាដំបូងខេត្តកំពង់ស្ពឺ សម្រេចឃុំខ្លួន និង បានបញ្ជូនទៅឃុំខ្លួន នៅក្នុងពន្ធនាគារ ជាបណ្ដោះអា សន្ន  ដើម្បីរង់ចាំ ការធ្វើសវនាការ តាម នីតិវិធីផ្លូវច្បាប់ ជាប់ពាក់ព័ន្ធនឹងការប្រើប្រាស់ និង ជួញដូរគ្រឿងញៀន ជាង ២ គីឡូក្រាម ប្រព្រឹត្តនៅភូមិសា ស្ត្រខេត្តកំពង់ស្ពឺ និង នៅចំណុចផ្ទះលេខ០៤ ភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ។ យោងតាមដីកាបង្គាប់ឱ្យឃុំខ្លួនបណ្ដោះអាសន្នរបស់ចៅក្រមស៊ើបសួរបានឱ្យដឹងថា ជនត្រូវចោទ រូបនេះ មានឈ្មោះ ស៊ីវ សុភត្ត្រា ភេទប្រុស ជនជាតិខ្មែរ មុខរបរមិនពិតប្រាកដ ។ ជនត្រូវចោទ ត្រូវបានតំណាងអយ្យការចោទប្រកាន់ពីបទ " រក្សាទុកនិង  ជួញដូរ ដោយខុសច្បាប់ នូវ សារធាតុញៀន " តាម​មាត្រា​ ៤០ នៃច្បាប់ស្តីពីការត្រួតពិនិត្យគ្រឿងញៀន និង ប្រឈមមុខនឹងការជាប់ពន្ធនាគារ រហូតដល់ អស់មួយជីវិត ប្រសិន...

ភ្នំពេញ:  សហគមន៍កសិកម្មលើកកម្ពស់កសិករ មកពីស្រុកគូលែន ខេត្តព្រះវិហារ នៅថ្ងៃទី៩ ខែកុម្ភៈ ឆ្នាំ២០២៣ចុះហត្ថលេខាលើកិច្ចព្រមព្រៀងហិរញ្ញប្ បទានឥតសំណងចំនួន៤០% ជាមួយគម្រោងពិពិធកម្មកសិកម្មកម្ពុជានៃក្រសួងកសិកម្ម រុក្ខាប្រមាញ់ និងនេសាទ (MAFF) នូវហិរញ្ញប្បទានឥតសំណង ៤០% (ស្មើនឹង៣៧ ៤៦០ ដុល្លារអាមេរិក) ដើម្បីធ្វើជាទុនបង្វិលទិញ-លក់ដំឡូងមីស្រស់ និងស្ងួតពីសមាជិកជាផលិតករ។ លោក ហុក គឹមធួន អនុប្រធាននាយកដ្ឋានផែនការ និងស្ថិតិនៃក្រសួងកសិកម្ម រុក្ខាប្រមាញ់ និងនេសាទ និងជាប្រធានគម្រោងពិពិធកម្មកសិកម្មកម្ពុជា (CASDP) និងលោក ពឹង ទ្រីដា ប្រធានមន្ទីរកសិ កម្ម រុក្ខាប្រមាញ់ និងនេសាទ ខេត្តព្រះវិហារ លោក ដៀប ចោម ប្រធានក្រុមប្រឹក្សាភិបាលសហគមន៍កសិកម្មលើកកម្ពស់កសិករ និងអាជ្ញាធរមូលដ្ឋាន បានអញ្ជើញចូលរួមធ្វើជាសាក្សីក្នុងពិធីចុះហត្ថលេខានាឱកាសនោះ។ ពិធីចុះហត្ថលេខាខាងលើបានរៀបចំឡើងនៅ ស ហគមន៍កសិកម្មលើកកម្ពស់កសិករខេត្តព្រះវិហារ។ លោ...

(រាជធានីភ្នំពេញ)៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.»នៅ ព្រឹកថ្ងៃទី៩ ខែកុម្ភៈ ឆ្នាំ២០២៣នេះ នៅស្នាក់ការកណ្ដាលរៀបចំសិក្ខាសាលាផ្សព្វ ផ្សាយស្ដីពីច្បាប់ និងលិខិតបទដ្ឋានគតិយុត្តិពាក់ព័ន្ធនឹងវិស័យម្ហូបអាហារ ដែលក្នុងនោះមានបទបង្ហាញសំខាន់ៗចំនួន៣ រួមមាន៖ (១). បទបង្ហាញអំពីច្បាប់ស្ដីពីសុវត្ថិភាពម្ហូបអាហារ (២). បទបង្ហាញអំពីអនុក្រឹត្យស្ដីពីលក្ខខណ្ឌ បែបបទ និងនីតិវិធីនៃការអង្កេតដាននិងការដកហូតម្ហូបអាហារ និង (៣). បទបង្ហាញអំពីកិច្ចការហាឡាលនៅកម្ពុជា។ សិក្ខាសាលានេះ រៀបចំឡើងក្រោមអធិបតីភាព លោក ផាន អូន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយក នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.» ដោយមានការអញ្ជើញពីលោកបណ្ឌិត សួង ណយ អគ្គលេខាធិការរងនៃគណៈ កម្មាធិការជាតិជំរុញចលនាភូមិ១ ផលិតផល ១ និង លោក លឹម ផារ៉ា អនុប្រ...

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះ​រាជាណាចក្រកម្ពុជានៅ​​ថ្ងៃទី០៨ ខែកុម្ភៈ ឆ្នាំ២០២៣នេះ បាន​​អញ្ជើញទទួលស្វាគមន៍លោកតា ទ្រី អាយុជាង ៨០ឆ្នាំ និងក្រុមគ្រួសារ ដែលបានសម្រេចបំណងប្រាថ្នារបស់ខ្លួនក្នុងការនាំយកវត្ថុបុរាណជាប៉ាន់តែ ដែលមានអាយុកាលប្រមាណ ៣០០ឆ្នាំ ជូនសម្តេចតេជោ ហ៊ុន សែន ទុកជាវត្ថុអនុ​ស្សាវរីយ៍ នាព្រឹកថ្ងៃទី០៨ ខែកុម្ភៈ ឆ្នាំ២០២៣ នៅវិមានសន្តិភាព រាជធានីភ្នំពេញ។ រូបថត៖ កុក គី...

ខេត្តបាត់ដំបង៖ មន្ត្រីនគរបាលខេត្តបាត់ដំបង កាលពីថ្ងៃទី ៧ ខែ កុម្ភៈ ឆ្នាំ ២០២៣ បានចាប់ខ្លួនជនសង្ស័យចំនួន២នាក់ និង បានបញ្ជូនពួកគេ ទៅកាន់ស្ថាប័នអយ្យការអមសាលាដំបូងខេត្តបាត់ដំបង ដើម្បីសាកសួរ និង សម្រេចតាម ផ្លូវច្បាប់ ជាប់ពាក់ព័ន្ធករណី បន្លំខ្លួនធ្វើជាសមត្ថកិច្ចដើម្បីគំរាមទារប្រាក់ពីប្រជាពលរដ្ឋ ប្រព្រឹត្តនៅចំណុចផ្សារភូពុយ ស្ថិតនៅក្នុងភូមិអញ្ចាញ សង្កាត់អូរចារ និងចំណុចភូមិរតនៈ សង្កាត់រតនៈ ក្រុងបាត់ដំបង។ មន្ត្រីនគរបាលខេត្តបាត់ដំបង បានឲ្យដឹងថា ជនសង្ស័យ២នាក់ ខាងលើមាន ឈ្មោះ ឯម សុវិសាល ភេទប្រុស ៣៦ ឆ្នាំ និង ម្នាក់ទៀត មាន ឈ្មោះ ឯម សុវិសេដ្ឋ ភេទប្រុស អាយុ ៣៤ឆ្នាំ អ្នកទាំងពីរនាក់ មានទីលំនៅក្នុងភូមិរតនៈ សង្កាត់រតនៈ ក្រុងបាត់ដំបង ខេត្តបាត់ដំបង ។ ពួកគេ ត្រូវបានសមត្ថកិច្ចនគរបាលចាប់ខ្លួន កាលពីថ្ងៃទី ០៤ ខែ កុម្ភៈ ឆ្នាំ ២០២៣ នៅចំណុចផ្សារភូពុយ ស្ថិតនៅក្នុងភូមិអញ្ចាញ សង្កាត់អូរចារ និងចំណុចភូមិរតនៈ សង្កាត់រតនៈ...

ភ្នំពេញ: យោងតាម​ពាក្យ​បណ្តឹង​​​ ដែល​​​សារព័ត៌មាន ដេលីខ្មែរ ទទួលបានកាលពីរសៀលថ្ងៃទី៥ ខែកុម្ភៈ ឆ្នាំ២០២៣​នេះ​បានឲ្យដឹងថា ​​មន្ត្រីរាជការបម្រើការងារនៅក្នុង ក្រសួងអភិវឌ្ឍន៍ជនបទ បានដាក់ពាក្យបណ្តឹងទៅ អង្គភាពប្រឆាំងអំពើពុករលួយ ដែលគេហៅថាអេស៊ីយូ (ACU) សុំឲ្យមានការស៊ើបអង្កេតស្រាវជ្រាវ និងចាត់វិធានការតាមផ្លូវច្បាប់ជាធរមានទៅលើលោក ភួង សោភា រដ្ឋលេខាធិការ ក្រសួងអភិវឌ្ឍន៍ជនបទ និងលោក អ៊ុក ពញ្ញា រដ្ឋលេខាធិការក្រសួងអភិវឌ្ឍន៍ជនបទព្រមទាំងបក្ខពួក។ បើយោងតាមពាក្យបណ្តឹងរបស់ មន្ត្រីរាជការបម្រើការងារនៅក្នុង ក្រសួងអភិវឌ្ឍន៍ជនបទ ដាក់ជូន ឯកឧត្តមកិត្តិនីតិកោសលបណ្ឌិត ឱម យ៉ិនទៀងទេសរដ្ឋមន្ត្រី ទទួលបន្ទុក ប្រធានអង្គភាពប្រឆាំងអំពើពុករលួយ កាលពីថ្ងៃទី​២៧ ខែមករា ឆ្នាំ២០២៣ បានប្ដឹងសុំឲ្យមានការស៊ើបអង្កេតស្រាវជ្រាវ និងចាត់វិធានការ តាមផ្លូវច្បាប់ជាធរមានទៅលើការប្រព្រឹត្តអំពើពុករលួយជាប្រព័ន្ធរបស់លោក ភួង សោភា រដ្ឋលេខាធិការ ក្រសួ...

ភ្នំពេញ៖ កម្លាំងនគរបាលព្រហ្មទណ្ឌ នៃក្រសួងមហាផ្ទៃ កាលពីថ្ងៃទី ០៦ ខែ កុម្ភៈ ឆ្នាំ ២០២៣ បានធ្វើការស្រាវជ្រាវ នឹងឃាត់ខ្លួនបានប្តីប្រពន្ធ២នាក់ ជាប់ពាក់ព័ន្ធនឹងអំពើ ឃាតកម្ម ដោយរៀបចំផែនការ កាប់សម្លាប់ជនរងគ្រោះម្នាក់ ប្រព្រឹត្ត កាលពីថ្ងៃទី២៦ ខែធ្នូ ឆ្នាំ២០២២ នៅកន្លែងលាងរថយន្តមួយកន្លែង ស្ថិតនៅជិតច្រកចូលផ្សារទំនើបជីបម៉ុង ៥០ម៉ែត្រ ភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ។ សមត្ថកិច្ចនគរបាលបានឲ្យដឹងថា ជនសង្ស័យ២នាក់ ប្តីប្រពន្ធខាងលើមាន ឈ្មោះ ៖ ១- ឈ្មោះ ពេជ្យ ជីវ័ន្ត ភេទប្រុស អាយុ៣៨ឆ្នាំ ជាងសំណង់(ត្រូវជាប្ដី) ។ ២- ឈ្មោះ ដា យ៉ា អាយុ ៣០ឆ្នាំ (ត្រូវជាប្រពន្ធ)។ ជនសង្ស័យ២នាក់ ត្រូវបានសមត្ថកិច្ចចាប់ខ្លួន នៅព្រឹកថ្ងៃទី៦ ខែកុម្ភៈ ឆ្នាំ២០២៣ នៅចំណុចផ្លូវ១៣០ ក្នុងសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ។ ក្រោយឃាត់ខ្លួន, ជនសង្ស័យឈ្មោះ ពេជ្យ ជីវ័ន្ត បានសារភាពថា ខ្លួនពិតជាបានកាប់ជនរងគ្រោះដាច់ក្បាល...

ភ្នំពេញៈ សាលាដំបូងរាជធានីភ្នំពេញ កាលពីថ្ងៃទី ៦ ខែ កុម្ភៈ ឆ្នាំ ២០២៣ បានធ្វើការជំនុំជម្រះឡើងវិញ លើសំណុំរឿងក្តីព្រហ្មទណ្ឌ របស់ស្ត្រីជាប់ចោទម្នាក់ ឈ្មោះ កឹម តុលា ជាអតីតមេឃុំជាប់ឆ្នោត និង ជាអតីតសកម្មជន នៃ គណបក្សសង្គ្រោះជាតិ ដែលត្រូវបាន តុលាការរាជធានីភ្នំពេញ កាលពីអំឡុងខែ សីហា ឆ្នាំ ២០២២ កាត់ទោស កំបាំងមុខ ដាក់ពន្ធនាគារ កំណត់ ១៨ ខែ ជាប់ពាក់ព័ន្ធនឹងការគៀងគរមហាជន ឱ្យប្រឆាំងនឹងអាជ្ញាធរ និង រាជរដ្ឋាភិបាលកម្ពុជា ប្រព្រឹត្ត ចន្លោះឆ្នាំ ២០១៨ និង ២០២១។ សវនាការនេះ ត្រូវបានកាត់សេចក្តី ដោយលោកស្រី ជុំ សង្វា ជាចៅក្រមជំនុំជម្រះ នៃ សាលាដំបូងរាជធានីភ្នំពេញ និងមាន លោកព្រះរាជអាជ្ញារង សេង គឹមស្រ៊ុន គឺជាតំណាងអយ្យការ អមសាលាដំបូងរាជធានីភ្នំពេញ និង ត្រូវបានធ្វើដោយចំពោះមុខ ជនជាប់ចោទ និង មេធាវីការពារក្តី ព្រមានការចូលរួមតាមដានសង្គេតការណ៍ អំពីតំណាងអង្គការសង្គមស៊ីវិល និង ក្រុម អ្នកកាសែតផងដែរ។ លោកស្រីចៅក្រម ជុំ...