សង្គម និងកម្សាន្ត

ភ្នំពេញ៖ លោក លិ សុខា ចៅក្រម សាលាដំបូងរាជធានីភ្នំពេញ បានប្រកាសសាលក្រមផ្តន្ទាទោសថៅកែជួញដូរគ្រឿងញៀនម្នាក់ដាក់ពន្ធនាគារ រយៈពេល ២៥ឆ្នាំ និងពិន័យជាប្រាក់ ៦០លានរៀលដាក់ចូលថវិការដ្ឋ។ នៅព្រឹកថ្ងៃទី១៧ ខែតុលា ឆ្នាំ២០១៩នេះ ។ ជនជាប់ចោទមានឈ្មោះ ម៉េង រតនា ហៅ ខ្វៃ ភេទប្រុស អាយុ ៤២ឆ្នាំ ត្រូវតុលាការចោទប្រកាន់ ពីបទ ជួញដូរដោយខុសច្បាប់នូវសារធាតុញៀន យោងតាមមាត្រា ៤០ នៃច្បាប់ស្តីពី ការត្រួតពិនិត្យគ្រឿងញៀន។ ពេលសមត្ថកិច្ច ឃាត់ខ្លួន ដកហូត វត្ថុតាង គ្រឿងញៀនប្រភេទ មេតំហ្វេតាមីន (ICE) ហៅ ម៉ាទឹកកក ទម្ងន់ ១៥,៨១២.៦៩ក្រាម (ជិត ១៦គីឡូក្រាម) និង គ្រឿងញៀនប្រភេទ ហេរ៉ូអ៊ីន (Heroine) ទម្ងន់ ៧០១.៧៤ ក្រាម ( ជិត ១គីឡូក្រាម ) ។ គួររម្លឹកថា កាលពីថ្ងៃទី០១ ខែកក្កដា ឆ្នាំ២០១៨ កម្លាំងនគរបាលនៃមន្ទីរប្រឆាំងគ្រឿងញៀនក្រសួងមហាផ្ទៃ បានឃាត់ខ្លួនឈ្មោះ ម៉េង រតនា ហៅ ខ្វៃ  នៅក្បែរ ស្ថានទូតចិន សង្កាត់ទួលទំពូងទី២ ខណ្ឌចំការមន រាជធានីភ្នំពេញ ៕...

ចិន៖ លោកបណ្ឌិត ឈួន ដារ៉ា រដ្ឋលេខាធិការ ក្រសួងពាណិជ្ជកម្ម បានអញ្ជើញចូលរួមក្នុងវេទិកាថួឡឹឆ្នាំ២០១៩ ក្រោមមូលបទ ”ការធ្វើសមាហរណកម្មកសាងខ្សែក្រវ៉ាត់ និងផ្លូវ ការចែករំលែកអត្ថប្រយោជន៍នៃពិភពសេដ្ឋកិច្ចបើកចំហ” កាលពីថ្ងៃទី១៥ ខែតុលា ឆ្នាំ២០១៩ នៅទីក្រុងផាន់ចូវ ខេត្តគួយចូវ ប្រទេសចិន។ នៅក្នុងវេទិកានោះ ក៏មានពិធីសម្ពោធពន្លាជាតិកម្ពុជា ដើម្បីដាក់តាំងបង្ហាញផលិតផលខ្មែរ ជូនដល់អ្នកវិនិយោគ ចិន និងភ្ញៀវអន្តរជាតិ ដែលជាតំណាងបណ្តាប្រទេសដទៃទៀតផងដែរ។ ក្នុងឱកាសនោះ លោកបណ្ឌិត ឈួន ដារ៉ា បានមានប្រសាសន៍ថា យុទ្ធសាស្រ្តខ្សែក្រវ៉ាត់មួយ ផ្លូវមួយ របស់សាធារណរដ្ឋប្រជាមានិតចិន គឺជាការពង្រឹងកិច្ចសហប្រតិបត្តិការណ៍អន្តរជាតិ ដ៏មានសារៈសំខាន់ ក្នុងការជំរុញកំណើនសេដ្ឋកិច្ច និងពាណិជ្ជកម្មប្រទេសចិន ហើយជាការផ្សារភ្ជាប់ទំនាក់ទំនងល្អរវាងប្រជាជនចិន និងប្រជាជននៃបណ្តាប្រទេសក្នុងតំបន់ និងលើសកលលោក ដែលនឹងបង្កើតបានជាកម្លាំងចលករថ្មី ដើម្បីរក្សាតុល្យភា...

  ភ្នំពេញ៖ រាជរដ្ឋាភិបាលជប៉ុន តាមរយៈឯកអគ្គរដ្ឋទូត ប្រចាំនៅកម្ពុជា បានផ្តល់វិភាគទានថវិកាជាង ៨៧លានដុល្លារអាមេរិក សម្រាប់ដំណើរការសាលាក្តីខ្មែរក្រហម។ លោក មិកាមិ ម៉ាសាហ៉ីរ៉ូ ក្នុងឱកាសធ្វើទស្សនកិច្ច នៅអង្គជំនុំជម្រះវិសាមញ្ញក្នុងតុលាការកម្ពុជា នៅព្រឹកថ្ងៃទី១១ ខែតុលា ឆ្នាំ២០១៩ ដើម្បីស្វែងយល់ ដំណើរការនីតិវិធីក្នុងការជំនុំជម្រះក្តី លើអតីតមេដឹកនាំជាន់ខ្ពស់ និងអ្នកទទួលខុសត្រូវខ្ពស់បំផុត ក្នុងឧក្រិដ្ឋកម្មធ្ងន់ធ្ងរដែលប្រព្រឹត្តឡើង ក្នុងរបបខ្មែរក្រហមចន្លោះពីថ្ងៃទី១៧ ខែមេសា ឆ្នាំ១៩៧៥ ដល់ថ្ងៃទី៦ ខែមករា ឆ្នាំ១៩៧៩។  លោក មិកាមិ ម៉ាសាហ៉ីរ៉ូ បានវាយតម្លៃខ្ពស់ និងកោតសរសើរចំពោះអង្គជំនុំជម្រះវិសាមញ្ញក្នុងតុលាការកម្ពុជា ដែលបានចូលរួមបំពេញការងារបានយ៉ាងល្អ ហើយតុលាការចម្រុះកម្ពុជា-អង្គការសហប្រជាជាតិនេះ មិនមែនត្រឹមតែចូលរួមនាំយកយុត្តិធម៌ ជូនជនរងគ្រោះនៃរបបខ្មែរក្រហមទេ ប៉ុន្តែបានចូលរួមផ្តល់យុត្តិធម៌ និងដំណើរកា...

ភ្នំពេញ៖ ចាប់ពីថ្ងៃទី២១ ខែតុលា ឆ្នាំ​២០១៩ នេះតទៅ ស្នងការដ្ឋាន​នគរបាល​រាជធានីភ្នំពេញនឹង​ចាត់វិធានការ​ត្រួតពិនិត្យ ចាប់​ឃាត់​ជាបណ្តោះអាសន្ន​រថយន្ត និង​ទោចក្រ-ត្រីចក្រយានយន្ត ដែល​គ្មាន​ស្លាកលេខ​យក​មក​រក្សាទុក និង​ធ្វើការ​ផាក​ពិន័យ នៅ​ការិយាល័យ​នគរបាល​ចរាចរណ៍​ផ្លូវគោក រហូត​ទាល់តែធ្វើស្លាក​លេខ​រួចរាល់​ហើយ​ទើប​អនុញ្ញាត ឲ្យ​យកត្រឡប់ទៅវិញ​បាន។ យោងតាមសេចក្តីជូនដំណឹង​ចុះនៅថ្ងៃទី១១ ខែតុលា ឆ្នាំ​២០១៩ របស់ស្នងការដ្ឋាន​នគរបាល​រាជធានីភ្នំពេញ បានបញ្ជាក់ថា ក្នុង​រយៈពេល​ចុងក្រោយ​នេះ មាន​រថយន្ត និង​ទោចក្រ-ត្រីចក្រយានយន្ត មួយ​ចំនួន​ដែល​ធ្វើចរាចរណ៍​នៅតាម​ដងផ្លូវដោយ​គ្មាន​ស្លាក​លេខ​ ឬប្រើប្រាស់​ស្លាកលេខ​មិនប្រក្រតី បាន​ឆ្លៀត​ឱកាស​យក​រថយន្ត និងទោចក្រ-ត្រីចក្រ​យានយន្ត​ទាំងនោះ ទៅ​ប្រព្រឹត្ត​អំពើឆក់ ប្លន់ ឬ​ធ្វើសកម្មភាព​ល្មើសច្បាប់ផ្សេងៗ​ទៀត និង​បង្ក​គ្រោះថ្នាក់ ​រួចបើក​គេចវេស​ពីការ​ទទួលខុសត្រូវចំពោះមុខច្បាប់។  ស...

  ភ្នំពេញ៖ ម្ចាស់រថយន្តលុចស៊ីស330អត់ពន្ធ ដែលមន្ត្រីកងរាជអាវុធហត្ថ(PM)ខេត្តកំពង់ឆ្នាំង ចាប់ឃាត់និងជំរិតទារលុយជាថ្នូរនៃការដោះលែងចំនួន៥,០០០ដុល្លារអាមេរិក។ ពេលនេះជនរង្គ្រោះជាម្ចាស់រថយន្ត បានដាក់ពាក្យបណ្ដឹងទៅ អង្គភាពប្រឆាំងអំពើពុករលួយ(ACU) និងស្ថាប័នតុលាការពីបទ ប្រព្រឹត្តអំពើពុករលួយជំរិតទារប្រាក់ និងបង្ខាំងមនុស្សដោយខុសច្បាប់ ។ យោងតាមពាក្យបណ្ដឹងចុះថ្ងៃទី១០ ខែតុលា ឆ្នាំ២០១៩នេះ របស់ជនរងគ្រោះឈ្មោះ ឈុន ឈីវជាតិ អាយុ៣៦ឆ្នាំមានអាសយដ្ឋានភូមិដំបូកកកោះ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។បានប្ដឹងឈ្មោះ ឡុច ឡន និងឈ្មោះ លឹម ហាក់ ជាមន្ត្រីកងរាជអាវុធហត្ថខេត្តកំពង់ឆ្នាំង និងគូកនពីបទ ចាប់បង្ខាំងមនុស្សដោយខុសច្បាប់ និងជំរិតទារប្រាក់និងបទ ប្រព្រឹត្តអំពើពុករលួយជំរិតទារប្រាក់។ ជនរងគ្រោះបានស្នើដល់សមត្ថកិច្ចពាក់ព័ន្ធចាត់ការតាមនីតិវិធី។ សូមបញ្ជាក់ថា កាលពី ថ្ងៃ ទី២៨ ខែកញ្ញា ឆ្នាំ ២០១៩ មន្ត្រីPMខេត្តកំពង់...

ភ្នំពេញ៖ លោកយិនទៀង ពុទ្ធិរិទ្ធអនុប្រធានអង្គភាពប្រឆាំងអំពើពុករលួយ នឹងដឹកនាំមន្ត្រីអង្គភាពប្រឆាំងអំពើពុករលួយកម្ពុជាចំនួន ២០ រូប ទៅរួមវគ្គបណ្តុះបណ្តាលស្តីពីការប្រឆាំងអំពើពុករលួយ សម្រាប់ប្រទេសកម្ពុជាឆ្នាំ ២០១៩ រយៈពេល ២០ ថ្ងៃ ចាប់ពីថ្ងៃទី ១១ ដល់ថ្ងៃទី ៣០ ខែតុលា ឆ្នាំ២០១៩ នៅទីក្រុងឆាង (Changsha) ខេត្តហ៊ូណាន (Hunan) ប្រទេសចិន។ បេីតាមការជូនដំណឹងរបស់ ACU បានបញ្ជាក់ថា ការបណ្តុះបណ្តាលនេះនឹងមានភ្ជាប់ទៅនឹងទស្សនកិច្ចសិក្សានៅទីក្រុងសំខាន់ៗមួយចំនួនដូចជាទីក្រុង Zhangjiajie និងទីក្រុង Tusiនៃខេត្ត Hunan ទីក្រុង Hangzhou នៃខេត្ត Zhejiang និងទីក្រុង Shanghai ដើម្បីផ្តល់លទ្ធភាពឱ្យសិក្ខាកាមបានយល់ដឹងបន្ថែម ពីបទពិសោធន៍ការអនុវត្តការងារប្រយុទ្ធប្រឆាំងអំពើពុករលួយ និងការលើកកម្ពស់សុចរិតភាពនៅទីក្រុងទាំងនោះ។ សូមបញ្ជាក់ថា កម្មវិធីបណ្តុះបណ្តាលនេះផ្តល់ជូនអង្គភាពប្រឆាំងអំពើពុករលួយតាមរយៈការិយាល័យប្រឹក្សាសេដ្ឋកិច្ច និងពាណិជ្...

ភ្នំពេញ៖ ដើម្បីពង្រឹងការអភិវឌ្ឍគំរូអាជីវកម្ម និងលើកកម្ពស់កិត្តិនាមរាជធានីភ្នំពេញ សំដៅទាក់ទាញកំណើនភ្ញៀវទេសចរ ឱ្យចូលមកទស្សនាព្រះរាជាណាចក្រកម្ពុជា ក្រសួងពាណិជ្ជកម្មនៅព្រឹកថ្ងៃទី១០ ខែតុលានេះ បានដាក់ឱ្យដំណើរការ ម៉ាកសមូហភាព «គុយទាវភ្នំពេញ» ដែលជាប្រភេទយីហោអាជីវកម្មលើកដំបូង មានភ្ជាប់ប្រព័ន្ធគ្រប់គ្រង ត្រួតពិនិត្យគុណភាព និងស្តង់ដារអនាម័យជាក់លាក់ នៅក្រោមការឧបត្ថម្ភពីអង្គការកម្មសិទ្ធិបញ្ញាពិភពលោក (WIPO) និងមានកិច្ចសហការគ្នាយ៉ាងជិតស្និទ្ធពីសមាគមសហគមន៍ចុងភៅកម្ពុជា រួមជាមួយជំនាញការជាតិ និងអន្តរជាតិ។ ពិធីសម្ពោធ ត្រូវបានរៀបចំឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ ក្នុងព្រឹត្តិការណ៍ «យុទ្ធនាការទិញផលិតផលខ្មែរ រដូវកាលទី៤» ក្រោមអធិបតីភាពដ៏ខ្ពង់ខ្ពស់របស់ លោកឧបនាយករដ្ឋមន្ត្រី យឹម ឆៃលី និងមានការចូលរួមពីលោកបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ លោកជំទាវ អ៊ឹង កន្ថាផាវី រដ្ឋមន្ត្រីក្រសួងកិច្ចការនារី...

  ភ្នំពេញ៖ ទេសារភិបាលធនាគារជាតិនៃកម្ពុជា ថា ធនាគារជាតិនៃកម្ពុជាត្រូវបោះជំហានទៅមុខដោយការប្រុងប្រយ័ត្ន ដើម្បី ពង្រឹងភាពរឹងមាំប្រព័ន្ធធនាគារហិរញ្ញវត្ថុ និងជម្រុញលើកទឹកចិត្តបច្ចេវិទ្យាទូទាត់ និងបច្ចេកវិទ្យាថ្មីៗ នៅក្នុងយុគសម័យ ហិរញ្ញវត្ថុ ជាពិសេសកិច្ចការពារហានីភ័យប្រឆាំងខាងក្រៅ និងជាប្រព័ន្ធ ។ លោក ជា ចាន់តូ ទេសាភិបាលធនាគារជាតិនៃកម្ពុជា លើកឡើងនៅក្នុងពិធីប្រារព្វខួបអនុស្សាវរីយ៍លើកទី៤០ ថ្ងៃបង្កើតឡើងវិញ ធនាគារជាតិនៃកម្ពុជា (១៩៧៩-២០១៩) នៅសាលចតុមុខ ថ្ងៃទី១០ ខែតុលា ឆ្នាំ២០១៩ នេះ។ លោក ជា ចាន់តូ បានបញ្ជាក់ថា ធនាការជាតិនៃកម្ពុជាបានឆ្លងការកាត់ដំណាក់កាលអភិវឌ្ឍន៍ជាច្រើនដោយជោគជ័យ គឺមានកិច្ចគ្រាំទ្រពីរាជរដ្ឋាភិបាល ក្នុងបរិការណ៍ដែលកម្ពុជារក្សាបាននូវសុខសន្តិភាព និងស្ថិរភាពនយោបាយយ៉ាងរឹងមាំ ក្រោមការដឹកនាំប្រកបដោយគតិ បណ្ឌិតនិងទស្សនវែងឆ្ងាយរបស់ សម្តេចតេជោនាយករដ្ឋមន្រ្តី ។ ធនាគារជាតិនៃកម្ពុជា ក្នុងនាម អា...