ព័ត៌មានអន្តរជាតិ

យន្តហោះយោធារបស់ប្រទេសរុស្ស៊ី ដែលដឹកជំនួយម៉ាស់មុខ និងសម្ភារៈវេជ្ជសាស្ត្រ ដើម្បីជួយប្រយុទ្ធប្រឆាំងនឹងការឆ្លងរាលដាលនៃវីរុស Covid-19 នៅសហរដ្ឋអាមេរិក បានចាកចេញពីរុស្ស៊ីហើយ នៅថ្ងៃពុធ ទី០១ ខែមេសានេះ ដែលនេះបើតាមការចុះផ្សាយរបស់ RT ។ ការដឹកជំនួយពីរុស្ស៊ីទៅជួយអាមេរិកនេះ ត្រូវបានធ្វើឡើងក្រោយពីប្រធានាធិបតីរបស់ សហរដ្ឋអាមេរិក លោក ដូណាល់ ត្រាំ បានយល់ព្រមទទួលយកជំនួយពីប្រធានាធិបតីរបស់ ប្រទេសរុស្ស៊ី លោក វ៉្លាឌីមៀរ ពូទីន ។ សូមបញ្ជក់ជូនថា កំណើននៃការឆ្លង វីរុស Covid-19 នៅសហរដ្ឋអាមេរិក បានកើនឡើងដល់ចំនួន ១៨៨ ៥៩២នាក់ និងមនុស្សស្លាប់កើនឡើងដល់៤០៥៦នាក់ ខណៈដែលប្រទេសរុស្ស៊ី មានមនុស្សឆ្លងវីរុសនេះចំនួន២៧៧៧នាក់ និងមនុស្សចំនួន២៤នាក់បានបាត់បង់ជីវិត ៕...

ប្រព័ន្ធផ្សព្វផ្សាយ NHK World-Japan បានចុះផ្សាយថា មេបញ្ជាការកងទ័ពអាមេរិកនៅលើនាវាដឹកយន្តហោះចម្បាំង USS Theodore Roosevelt បានផ្ញើលិខិតមួយច្បាប់ កាលពីថ្ងៃអង្គារ ទី៣១ ខែមីនាកន្លងទៅនេះ ទៅកាន់ប្រមុខដឹកនាំរបស់ខ្លួន អំពីការឆ្លងរាលដាលនៃវីរុស Covid-19លើបុគ្គលិកយោធានៅលើនាវាដឹកយន្តហោះចម្បាំងមួយនេះ។ នៅក្នុងលិខិតនោះបានសរសេរថា បុគ្គលិកយោធាចំនួន៣នាក់ ក្នុងចំណោមបុគ្គលិកយោធាសរុបប្រមាណ៥០០០នាក់នៅលើនាវាដឹកយន្តហោះចម្បាំង USS Theodore Roosevelt បានឆ្លងវីរុស Covid-19 និងមិនអាចដាក់អោយនៅដាច់ដោយឡែកបាន ខណៈដែលនាវាដឹកយន្តហោះចម្បាំងមួយគ្រឿងនេះ កំពុងបំពេញបេសកកម្មលើមហាសាគរ ប៉ាស៊ីហ្វិកនៅឡើយ ។ បើតាមគ្រួពេទ្យនៅលើនាវាដឹកយន្តហោះចម្បាំងនោះបានអះអាងថា យ៉ាងហោចណាស់ក៏មានបុគ្គលិកយោធាប្រមាណ៧០នាក់ដែរនៅលើនាវាដឹកយន្តហោះចម្បាំងមួយគ្រឿងនេះ បានឆ្លងវីរុស Covid-19រួចជាស្រេចទៅហើយ ៕...

ចំនួនមនុស្សស្លាប់ដោយសារវីរុស Covid-19នៅសហរដ្ឋអាមេ រិក បានលើនឡើងយ៉ាងគំហុងក្នុងរយៈពេលជាងមួយសប្តាហ៍កន្លងមកនេះ ដែលក្នុងមួយថ្ងៃមានមនុស្សស្លាប់ក្នុងរង្វង់៧០០នាក់ ដែលមានន័យថា រៀងរាល់២នាទី គឺមានមនុស្សម្នាក់ស្លាប់ដោយសារវីរុស Covid-19 ដែលនេះបើតាមការចុះផ្សាយរបស់ CNA ។ ចន្លោះពីថ្ងៃអង្គារមកដល់ព្រឹកថ្ងៃពុធ ទី០១ ខែមេសានេះ កំណើនមនុស្សឆ្លងវីរុស Covid-19 នៅសហរដ្ឋអាមេរិក បានកើនឡើងដល់ចំនួន ១៨៧៣២១នាក់ ដែលមានការឆ្លងថ្មីក្នុងរយៈពេល២៤ម៉ោងនេះចំនូន២៣៥៣៣នាក់ ខណៈដែលកំណើនមនុស្សស្លាប់បានកើនឡើងដល់ ៣៨៥០នាក់ បួករួមទាំងចំនួនមនុស្សស្លាប់ថ្មីក្នុងរយៈពេលដូចគ្នានេះមាន៧០៩នាក់ ។ សូមបញ្ជាក់ជូនថា សហរដ្ឋអាមេរិកឈរក្នុងលំដាប់លេខ១នៅលើពិភពលោក ដែលមានមនុស្សឆ្លងវីរុស Covid-19 ច្រើនជាងគេ បន្ទាប់មកគឺប្រទេសអ៊ីតាលី អេស្ប៉ាញ ចិន អាល្លឺម៉ង់ បារាំង អង់គ្លេស និងប្រទេសស្វីស ៕...

កំណើននៃមនុស្សឆ្លងវីរុស Covid-19 នៅជុំវិញពិភពលោក បានកើនឡើងដល់ចំនួន ៧២១ ៣៣ ០នាក់ហើយ គិតត្រឹមថ្ងៃចន្ទ ទី៣០ ខែមីនានេះ ខណៈមនុស្សស្លាប់ដោយសារវីរុសផ្លូវដង្ហើមមួយនេះ ក៏បានកើនឡើងដល់ចំនួន ៣៣ ៩៥៦នាក់ ដែលនេះបើតាមការចុះផ្សាយរបស់ប្រព័ន្ធផ្សព្វផ្សាយ Worldometer ។ ក្នុងចំណោមប្រទេស៥ដែលមានមនុស្សឆ្លងវីរុស Covid-19ច្រើនជាងគេនៅលើពិភពលោក គឺសហរដ្ឋអាមេរិកឈរក្នុងលំដាប់លេខ១ ដែលមានមនុស្សឆ្លងវីរុសនេះសរុបចំនួន ១៤១ ៨១២នាក់ ប្រទេសអ៊ីតាលីលេខ២ ដែលមានមនុស្សឆ្លងសរុបចំនួន ៩៧ ៦៨៩នាក់ ប្រទេសចិនលេខ៣ ដែលមានមនុស្សឆ្លងសរុបចំនួន ៨១ ៤៣៩នាក់ ប្រទេសអេស្ប៉ាញលេខ៤ ដែលមានមនុស្សឆ្លងសរុបចំនួន៨០១១០នាក់ និងប្រទេសអាល្លឺម៉ង់ឈរក្នុងលំដាប់លេខ៥ ដែលមានមនុស្សឆ្លងសរុបចំនួន ៦២០៩៥នាក់ ។ ទោះបីជាកំណើននៃមនុស្សឆ្លង និងស្លាប់ដោយសារវីរុស Covid-19នៅជុំវិញពិភពលោកបានកើនឡើងយ៉ាងលឿនក៏ដោយ ក៏មានអ្នកជំងឺវីរុស Covid-19ចំនួន ១៥១ ០០៤នាក់ បានជាសះស្បើយពីវីរុសផ្លូវដង្ហើម...

ក្រុមហ៊ុន Toyota Motor Corp នឹងបន្តបិទរោងចក្រទាំងអស់នៅអឺរ៉ុបរហូតដល់ចុងខែមេសាក្រុមហ៊ុន Toyota Motor Corp ដែលជាក្រុមហ៊ុនផលិតរថយន្តដ៏ល្បីល្បាញមួយរបស់ប្រទេសជប៉ុន បានចេញសេចក្តីប្រកាសមួយនៅថ្ងៃចន្ទ ទី៣០ ខែមីនានេះ អំពីការបន្តបិទប្រតិបត្តិការរោងចក្រផលិតរថយន្តទាំងអស់របស់ខ្លួននៅតំបន់អឺរ៉ុប រហូតដល់ថ្ងៃទី២០ ខែមេសាខាងមុខ ដែលនេះបើតាមការចុះផ្សាយរបស់ CNA ។ សេចក្តីប្រកាសដដែលបានបានអោយដឹងថា មូលហេតុដែលនាំអោយក្រុមហ៊ុននេះបន្តបិទប្រតិបត្តិការរោងចក្រទាំងអស់របស់ខ្លួននៅអឺរ៉ុប គឺដោយសារវីរុស Covid-19 បានឆ្លងរាលដាលកាន់តែខ្លាំងនៅតំបន់អឺរ៉ុប មាននៅប្រទេសអ៊ីតាលីជាដើម ។ អ្នកនាំពាក្យក្រុមហ៊ុន Toyota Motor Corp បាននិយាយថា ក្រុមហ៊ុននេះ បានផ្អាកប្រតិបត្តិការផលិតរថយន្តនៅតំបន់អឺរ៉ុប ចាប់តាំងពីពាក់កណ្តាលខែមីនា ឆ្នាំ២០២០ ដែលរោងចក្រផលិតរថយន្តនៅប្រទេស បារាំង អងគ្លេស សាធារណរដ្ឋឆែក ប៉ូឡូញ និងប្រទេសព័រទុយហ្កាល់ ត្រូវបានផ្អាកប្រតិប...

(អង់គ្លេស)៖ លោក បូរីស ចនសុន (Boris Johnson) នាយករដ្ឋមន្ត្រីអង់គ្លេស នៅថ្ងៃទី២៧ ខែមីនា ឆ្នាំ២០២០នេះ ត្រូវបានក្រុមគ្រូពេទ្យធ្វើតេស្ត៍រកឃើញផ្ទុកកូរ៉ូណា។ លោក បូរីស ចនសុន បានប្រកាសប្រាប់មហាជនថា នៅពេលនេះ លោកបានដាក់ខ្លួនឲ្យនៅដាច់ពីគេ បន្ទាប់ពីរកឃើញថាឆ្លងមេរោគនេះ ហើយសន្យាបន្តធ្វើការងារពីចម្ងាយតាមរយៈវីដេអូ។ កាលពីម្សិលមិញ ព្រះអង្គម្ចាស់ឆាល ព្រះជន្ម៧១ព្រះវស្សាដែលជាបុត្រារបស់ព្រះមហាក្សត្រីយានី និងជាស្តេចដំបូងបង្អស់ក្នុងរាជបល្ល័ង្គអង់គ្លេស បានធ្វើតេស្ត៍រកឃើញវីរុសកូវីដ១៩ ហើយឥឡូវដាក់ព្រះកាយឲ្យឯកោ នៅប្រទេសអេកុស។ ប៉ុន្តែ ព្រះសុខភាពអង្គនៅមានភាពល្អនៅឡើយ៕  ...

តាមការស៊ើបអង្កេតរបស់ក្រសួងយុត្តិធ៌មបានអោយដឹងថា មានជនបរទេស ដែលរស់នៅខុសច្បាប់នៅប្រទេសជប៉ុនជាង ៦ម៉ឺននាក់ ហើយ​​​ក្រុមស៊ើបអង្កេតរបស់អន្តោប្រវេសន៍ជប៉ុនបានទទួលទទួលព័ត៌មានថា« មានសិក្ខាកាមខុសច្បាប់ធ្វើការនៅរោងចក្រផលិតអាហារមួយកន្លែងរួចក៏បានចុះទៅពិនិត្យនៅកន្លែងកើតហេតុរោងចក្រនោះមានជន​​​​ជាតិខ្មែរ ប្រុសស្រី ៩នាក់»។ មន្រ្តីនិយាយថា ពួកគេបានទៅធ្វើជាសិក្ខាកាមនៅជប៉ុនហើយរត់គេចទៅធ្វើការនៅរោងចក្រនោះហើយពួកគេត្រូវបានឃាត់ខ្លួនពីបទរំលោភច្បាប់អន្តោប្រវេសន៍។ ពួកគេទាំង ៩នាក់នោះ រត់គេចខ្លួនដោយរបៀបណា ? គឺនៅពីក្រោយនោះមេខ្យល់នាំសិក្ខាកាមអោយរត់គេចទៅធ្វើការខុសច្បាប់ ។ ប៉ូលិសអន្តោប្រវេសន៍លើកឡើងថា ពួកគេបានទាក់ទងគ្នាតាម បណ្តាញសង្គម (ហ្វេសបុក )ហើយមេខ្យល់បានណែនាំពួកគេអោយធ្វើការកន្លែងដែលមិនពិនិត្យឯកសារស្នាក់នៅសិក្ខាកាមអោយបានច្បាស់លាស់និងទទួលបានកំរៃជើងសារប្រហែល២៤០០ដុល្លារ ។ មេខ្យល់នោះ មានប្រពន្ធនៅប្រទេសខ្មែរអាយុ ២៧ឆ្នាំហើយមេខ្...

អាមេរិក៖សញ្ញាអាក្រក់នៅអាមេរិកពាក់ព័ន្ធនិងកូវីដ-១៩បានចេញជារូបរាងហើយ ដោយរថយន្តក្លាស្សេធុនធំ រាប់សិបគ្រឿង ដែលអាចរក្សាសាកសពបានរាប់ពាន់សពបានចតនៅខាងក្រៅមន្ទីរពេទ្យបេឡាវូ (Bellevue )ទីក្រុងញូវយ៉ករងចាំដាក់សាកសពអ្នកជំងឺ​កូវីដ-១៩ ក្នុងករណីកន្លែងដាក់សពពេញណែន។ សារព័ត៌មាន ញូវយ៉កដេលី ញ៉ូវ បានផ្សាយថា សកម្មភាពខាងលើជាសញ្ញាអាក្រក់បំផុត ដល់ទីក្រុងនេះ ដោយអាចមានអ្នកស្លាប់ច្រើននាពេលខាងមុខ ។នៅពេលនេះមានអ្នកជំងឺធ្ងន់ មានច្រើនគ្មានសង្ឃឹមជួយសង្គ្រោះបានឡើយ ខណៈអ្នកឆ្លងថ្មីកើនឡើងកាន់តែច្រើន ។ ចំណែកកន្លែងរក្សាសាកសពនៅទីក្រុង នេះ អាចរក្សាបានប្រមាណ ៩០០នាក់ ។ មន្ត្រីក្នុង​តំបន់បានលើកឡើងនៅថ្ងៃទី២៧មីនានេះថា កន្លែងរក្សាសាកសពនៅទំនេរច្រើន ប៉ុន្តែយើងបង្ការ ជាមុនខ្លាចមានរឿងអាក្រក់កើតឡើង ។ រថយន្តក្លាស្សេនិមួយៗអាចរក្សាបានសាកសព៤៥នាក់ហើយរថយន្តក្លាស្សេនោះ អាចរក្សាសពបានរហូតដល់ទៅ៣៥០០សព។នៅរដ្ឋញូវយ៉កនិងទីក្រុងញូវយ៉កជាកន្លែងផ្ទុះ​កូ​វ...

ប្រព័ន្ធផ្សព្វផ្សាយ Worldometer បានចុះផ្សាយថា សហរដ្ឋអាមេរិកបានវ៉ាដាច់ប្រទេសចិនហើយ នៅថ្ងៃសុក្រ ទី២៧ ខែមិនានេះ និងបានឈរក្នុងលំដាប់លេខ១នៅលើពិភពលោក ដែលមានករណីឆ្លងវីរុស Covid-19ច្រើនជាងគេ ដោយចិនបានឈរក្នុងលំដាប់លេខ២វិញ។ ក្នុងចំណោម៥ប្រទេសនៅលើពិភពលោក ដែលមានករណីឆ្លងវីរុស Covid-19 ច្រើនជាងគេ គឺសហរដ្ឋអាមេរិកលេខ១មាន៨៣៦៧២ករណី ប្រទេសចិនលេខ២មាន៨១២៨៥ករណី អ៊ីតាលីលេខ៣មាន៨០៥៨៩ករណី អេស្ប៉ាញលេខ៤មាន៥៧៧៨៦ករណី និងប្រទេសអាល្លឺម៉ង់លេខ៥មាន៤៣៩៣៨ករណី។ គិតត្រឹមថ្ងៃសុក្រនេះដែរ កំណើននៃការឆ្លងវីរុស Covid-19សរុប នៅជុំវិញពិភពលោក បានកើនឡើងដល់៥២៩ ៦១៤ករណី ខណៈមនុស្សចំនួន២៣ ៩៧៦នាក់បានបាត់បង់ជីវិត និងអ្នកជំងឺវីរុស Covid-19 ចំនួន១២៣៣៨០នាក់ បានជាសះស្បើយពីវីរុសផ្លូវដង្ហើមមួយនេះ និងត្រូវបានអនុញ្ញាតអោយចេញពីមន្ទីរពេទ្យ៕...