ព័ត៌មានអន្តរជាតិ

ទីផ្សារមូលបត្រនៅក្នុងតំបន់អាស៊ី បានធ្លាក់ចុះ ជាច្រើនសប្តាហ៍ជាប់គ្នា ដោយ សារតែការវាយប្រហារដោយកូវីដ-១៩ ហើយប្រទេសជាច្រើនបានបិទ ព្រំដែន និងផ្សារទំនើប ។ ជាមួយគ្នានេះ ការឆ្លងរាលដាល នៃវីរុសកូវីដ-១៩ មិនដឹងថា ពេលណាអាចគ្រប់គ្រងបានទាំងស្រុងនោះឡើយ។ ប៉ុន្តែក្រោយពេលអាមេរិក ប្រកាសកញ្ចប់ ចំណាយជួយសង្គ្រោះសេដ្ឋកិច្ចបញ្ចៀសផល ប៉ះពាល់ដោយសារតែ កូវីដ-១៩ បានជួយដល់ទីផ្សារមូលបត្រ នៅក្នុងតំ​បន់អាស៊ី និងលើពិភពលោកមានសន្ទុះកើនឡើងវិញបន្ដិចផងដែរ ។ សារព័ត៌មាន ប៊ីប៊ីស៊ី បានផ្សាយថា ប្រធានាធិបតីអាមេរិក លោក ដូណាល់ ត្រាំ និង ព្រឹទ្ធ​សភា បានយល់ព្រម លើកញ្ចប់ជំនួយសេដ្ឋកិច្ច មួយក្នុងតម្លៃ ១,៨ពាន់ ពាន់លានដុល្លារ ជាហេតុនាំឲ្យទីផ្សារភាគហ៊ុន នៅអាស៊ី មានការកើនឡើង ខ្ពស់។ ទីផ្សារភាគហ៊ុន បានកើនឡើងខ្លាំង។ រីឯផ្សារហ៊ុននៅ Wall Street សហរដ្ឋអាមេរិក និងផ្សារហ៊ុន នៅទីក្រុងឡុងដ៍ ចក្រភពអង់ គ្លេស មានការ កើនឡើង កាលពីថ្ងៃទី២៤ ខែមីនា ឆ្នាំ២០...

ក្រសួងសុខាភិបាលរបស់ប្រទេសវៀតណាម បានចេញសេចក្តីប្រកាសមួយ នៅថ្ងៃព្រហស្បតិ៍ ទី២៦ ខែមីនានេះ ស្តីពីការឆ្លងថ្មីនៃវីរុស Covid-19ចំនួន៧ករណីបន្ថែមទៀត ដែលនាំអោយ​ចំនួនឆ្លងសរុបនៅក្នុងប្រទេសនេះបានកើនឡើងដល់ចំនួន១៤៨ករណីហើយ ដែលនេះបើតាមការចុះផ្សាយរបស់ ស៊ីហួ (Xinhua )ប្រទេសចិន ។ សេចក្តីប្រកាសរបស់ក្រសួងសុខាភិបាលវៀតណាម បានអោយដឹងថា មនុស្សទាំង៧នាក់ថ្មី ដែលបានឆ្លងវីរុសផ្លូវដង្ហើមមួយនេះ គឺមានជនជាតិ បារាំងម្នាក់ ជនជាតិអាហ្រ្វិកខាងត្បូងម្នាក់ និងជនជាតិវៀតណាម៤នាក់ដែលទើបវិលត្រឡប់មកពីចក្រភពអង់គ្លេស អាមេរិក និងមកពីប្រទេសថៃ រួមទាំងបុរសជនជាតិវៀតណាមម្នាក់ទៀតនៅក្នុងស្រុក ។ សូមបញ្ជាក់ជូនថា ស្របពេលដែលកំណើននៃការឆ្លងវីរុស Covid-19 បានកើនឡើងដល់១៤៨ករណី មនុស្សចំនួន១៧នាក់ ក៏បានជាសះស្បើយពីវីរុសនេះដែរ និងត្រូវបានអនុញ្ញាតអោយចេញពីមន្ទីរពេទ្យ ៕...

ប្រព័ន្ធផ្សព្វផ្សាយ Worldometer បានចុះផ្សាយថា កំណើនមនុស្សឆ្លងវីរុស Covid-19នៅជុំវិញពិភពលោក បានកើនឡើងដល់ចំនួន៤៧១០៣៥នាក់ហើយ ហើយកំណើននៃចំនួនមនុស្សស្លាប់ក៏បានកើនឡើងដល់២១២៨៣នាក់ដែរ គិតត្រឹមព្រឹកថ្ងៃព្រហស្បតិ៍ ទី២៦ ខែមីនានេះ ។ ប្រទេសចិនមានមនុស្សឆ្លងចំនួន៨១២៨៥នាក់ និងស្លាប់៣២៨៧នាក់ ប្រទេសអ៊ីតាលីមានមនុស្សឆ្លងចំនួន៧៤៣៨៦នាក់ និងស្លាប់ចំនួន៧៥០៣នាក់ សហរដ្ឋអាមេរិកមានមនុស្សឆ្លងចំនួន៦៨២០៣នាក់ និងស្លាប់១០២៧នាក់ ប្រទេសអេស្បាញមានមនុស្សឆ្លងចំនួន៤៩៥១៥នាក់ និងស្លាប់ចំនួន៣៦៤៧នាក់ និងប្រទេសអាល្លឺម៉ង់មានមនុស្សឆ្លងចំនួន៣៧៣២៣នាក់ និងស្លាប់ចំនួន២០៦នាក់ ។ ស្របពេលដែលកំណើននៃមនុស្សឆ្លង និងមនុស្សស្លាប់ដោយវីរុស Covid-19 កើនឡើងខ្ពស់នៅជុំវិញពិភពលោក ចំនួនមនុស្សជាសះស្បើយពីវីរុសនេះក៏បានកើនឡើងខ្ពស់ដែរ គឺដល់ចំនួន១១៤២១៨នាក់ ។  ...

(ឡុងដ៍)៖ ព្រះអង្គម្ចាស់ ឆាលស៍ ហ្វីលីប ((Charles Philip)​​​ )​​​ អ្នកស្នងតំណែងព្រះមហាក្សត្រី អាលីហ្សាបេតទី២​​​ នៃចក្រភពអង់គ្លេស នៅថ្ងៃទី២៥ ខែមីនា ឆ្នាំ២០២នេះ ត្រូវក្រុមគ្រូពេទ្យធ្វើតេស្ត៍រកឃើញវិជ្ជមានផ្ទុកមេរោគកូរ៉ូណា ហើយពេលនេះ ព្រះអង្គត្រូវក្រុមគ្រូពេត្យដាក់ព្រះកាយដោយគង់នៅតែអង្គឯង ឯព្រះរាជដំណាក់ក្នុងទឹកដីប្រទេសអេកុស (Scotland)។ យោងតាមការផ្សាយរបស់ RT របស់រុស្ស៊ី បានឲ្យដឹងនៅមុននេះបន្តិចថា ទោះបីព្រះអង្គឆ្លងមេរោគ ក៏ព្រះរាជសុខភាពរបស់អង្គនៅល្អនៅឡើយ។ នៅក្នុងពិធីជួបជុំមួយ កាលពីសប្តាហ៍មុន ព្រះអង្គបានព្យាយាមមិនចាប់ដៃជាមួយភ្ញៀវ ដោយប្រើរបៀបសំពះវិញ ដើម្បីការពារការឆ្លងមេរោគដ៏សាហាវនេះ ប៉ុន្តែព្រះអង្គនៅតែគេចមិនរួចពីការតាមយាយីនៃមេរោគកូរ៉ូណាដដែល៕...

ក្រុមអាជ្ញាធររបស់ប្រទេសសិង្ហបុរី បានប្រកាសថា ខ្លួននឹងបិទកន្លែងកម្សាន្តទាំងអស់នៅទូទាំងប្រទេស មានទីរមណីយដ្ឋាន តំបន់ទេសចរណ៍ រង្គសាល ក្លិបរាត្រី រោងភាពយន្ត និងទីតាំងកម្សាន្តផ្សេងទៀត ចាប់ពីថ្ងៃព្រហស្បតិ៍ ទី២៦ ខែមីនានេះតទៅ ដោយសារក្តីកង្វល់ ពីការឆ្លងរាលដាលកាន់តែខ្លាំងនៃវីរុស Covid-19 ដែលនេះបើតាមការចុះផ្សាយរបស់ The Straits Times ។ ប្រភពដដែលបានបន្តថា ក្រុមអាជ្ញាធរសិង្ហបុរីក៏បានប្រកាសបម្រាមផងដែរ គឺហាមមិនអោយមានការជួបជុំក្រុមមនុស្សពី១០នាក់ឡើងទៅ ហើយប្រសិនបើជនណាបំពានបម្រាមនេះ ជននោះនឹងត្រូវផាកពិន័យជាទឹកប្រាក់១០០០០ដុល្លារសិង្ហបុរី ឬអាចជាប់ពន្ធនាគារ រយៈពេល៦ខែ ឬអាចផាកពិន័យជាប្រាក់ផង និងជាប់ពន្ធនាគារផង ។ សូមបញ្ជាក់ជូនថា គិតត្រឹមថ្ងៃពុធ ទី២៥ ខែមីនានេះ កំណើននៃមនុស្សឆ្លងវីរុស Covid-19នៅជុំវិញពិភពលោក បានកើនឡើងដល់៤២២ ៦១៣នាក់ កំណើននៃមនុស្សស្លាប់បាន កើនឡើងដល់១៨ ៨៩១នាក់ និងមនុស្សដែលបានជាសះស្បើយពីវីរុសនេះក៏បានកើនឡើ...

ប្រព័ន្ធផ្សព្វផ្សាយ Worldometer បានចុះផ្សាយថា កំណើននៃការឆ្លងវីរុស Covid-19 នៅជុំវិញពិភពលោ បានកើនឡើងដល់ចំនួន៤២២៦១៣ករណីហើយ ខណៈ ដែលមនុស្សចំនួន១៨៨៩១នាក់ បានបាត់បង់ជីវិតដោយសារវីរុសផ្លូវដង្ហើមមួយនេះ ។ ប្រទេស៥នៅលើពិភពលោក ដែលមានករណីឆ្លងវីរុស Covid-19ឈានមុខគេ គឺមានប្រទេសចិន អ៊ីតាលី សហរដ្ឋអាមេរិក អេស្ប៉ាញ និងអ៊ីរ៉ង់ ប៉ុន្តែប្រទេសអ៊ីតា លីឈរក្នុងលំដាប់ឈានមុខគេនៅលើពិភពលោក ដែលមានមនុស្សស្លាប់ច្រើនជាងគេ ខណៈប្រទេសចិនមានមនុស្សឆ្លងវីរុសនេះច្រើនជាងគេដែរ ។ ប្រភពដដែលបានបន្តថា អ្នកជំងឺវីរុស Covid-19ចំនួន ១០៨៨៧៩នាក់ ក៏បានជាសះស្បើយពីវីរុសនេះដែរ ខណៈដែលវីរុសនេះ កំពុងឆ្លងរាលដាលនៅតំបន់អឺរ៉ុប និងអាស៊ីប៉ាស៊ីហ្វិកក្នុងល្បឿនលឿន ក្រោយពីស្ងប់ស្ងាត់នៅប្រទេសចិន ៕...

លោក ភូថុន មួងប៉ាក (Phouthone Muongpak) អនុរដ្ឋមន្ត្រីក្រសួងសុខាភិបាលរបស់ប្រទេសឡាវ បានប្រកាសថា មនុស្ស២នាក់ត្រូវបានធ្វើតេស្តវិជ្ជមានវីរុស Covid-19 នៅថ្ងៃអង្គារ ទី២៤ ខែមីនានេះ ដែលជាករណីឆ្លងដំបូងនៅក្នុងប្រទេសនេះ ដែលនេះបើតាមការផ្សព្វផ្សាយរបស់ Lao Star TV ។ លោក ភូថុន មួងប៉ាក បាននិយាយថា អ្នកជំងឺវីរុស Covid-19 ទាំងពីរនាក់នោះ គឺជាបុគ្គលិកធ្វើការនៅប្រទេសវៀតណាម និងបានវិលត្រឡប់មកកាន់ប្រទេសកំណើតខែមីនានេះ និងត្រូវបានដាក់អោយនៅដាច់ដោយឡែកចាប់តាំងពីថ្ងៃចូលមកដល់ក្នុងប្រទេសនេះ ។ លោក ភូថុន មួងប៉ាកបានបន្ថែមថា ទោះបីប្រទេសឡាវ Covid-19ក៏ដោយ ក៏ក្រសួងសុខាភិបាលរបស់ប្រ បានត្រៀមមន្ទីរពេទ្យរួចហើយ ដែលមានគ្រែ១៥០គ្រែ បម្រុងទុកសម្រាប់ព្យាលបាលប្រជាពលរដ្ឋដែលបានឆ្លងវីរុសនេះនៅពេលខាងមុខ មុនពេលធ្វើតេស្តវិជ្ជមានវីរុស Covid-19លើមនុស្សពីរនាក់នេះ ៕  ...

ក្រុមហ៊ុនជីវឱសថ Anges Inc បាននិយាយនៅថ្ងៃអង្គារ ទី២៤ ខែមីនានេះថា ខ្លួននិងសកលវិទ្យាល័យ OSaka របស់ប្រទេសជប៉ុន បានបញ្ចប់ការផលិតវ៉ាក់សាំង DNA ប្រឆាំងនឹងវីរុស Covid-19 ដែលនឹងចាប់ផ្តើមសាកល្បងលើសត្វក្នុងពេលឆាប់ៗនេះដែលនេះបើតាមការចុះផ្សាយរបស់ The Jakarta Post ។ ក្រោយពីសេចក្តីប្រកាសពីការរកឃើញវ៉ាក់សាំង Covid-19 នេះ តម្លៃភាគហ៊ុនរបស់ក្រុមហ៊ុន Anges Inc បានកើនឡើង១៧% ក្នុងការជួយដូរនៅព្រឹកព្រ ដែលកើនឡើងលើ៥.៣%នៃតម្លៃ ភាគហ៊ុនរបស់ក្រុមហ៊ុននេះដែលបានកើនឡើងស្រាបហើយនោះ ។ ក្រុមអ្នកជំនាញផ្នែកសុខភាព បានអោយដឹងថាប្រទេសចិន សហរដ្ឋអាមេរិក និងប្រទេសបារាំង កំពុងដំណើរការនៃការសាកល្បងវ៉ាក់សាំង និងឱសថសម្រាប់ការពារ និងព្យាបាលវីរុស Covid-19 លើមនុស្សហើយ ប៉ុន្តែសេចក្តីប្រកាសរបស់ក្រុមហ៊ុនជីវឱសថ Anges Inc នេះក៏មិនទាន់ហួសពេលដែរ ៕...

លោក តាវីស៊ីន វីសានូយ៉ូធីន (Taweesin Wisanuyothin) អ្នកនាំពាក្យក្រសួងសុខភាពសាធារណៈរបស់ប្រទេសថៃ បានប្រកាសថា មនុស្សចំនួន១០៦នាក់ ត្រូវបានធ្វើតេស្តវិជ្ជមានវីរុស Covid-19 នៅថ្ងៃអង្គារ ទី២៤ ខែមីនានេះ ដែលរុញច្រានអោយចំនួនឆ្លងសរុបក្នុងប្រទេសនេះកើនឡើងដល់៨២៧នាក់ ដែលនេះបើតាមការចុះផ្សាយរបស់ CNA។ លោក តាវីស៊ីន វីសានូយ៉ូធីន បានបន្ថែមថា នៅថ្ងៃដដែលនេះ អ្នកជំងឺវីរុស Covid-19 ចំនួន២នាក់បន្ថែមទៀតបានបាត់បង់ជីវិត ដែលនាំអោយចំនួនមនុស្សស្លាប់នៅក្នុងប្រទេសនេះ បានកើនឡើងដល់៤នាក់ហើយ។ សូមបញ្ជាក់ជូនថា គិតត្រឹមថ្ងៃអង្គារនេះ មនុស្សចំនួន៣៨១៦៥៣នាក់ បានឆ្លងវីរុស Covid-19នៅជុំវិញពិភពលោក ខណៈដែលមនុស្សចំនួន១៦៥៥៨នាក់បានបាត់បង់ជីវិត និងអ្នកជំងឺវីរុស Covid-19ចំនួន១០២៤២៩នាក់ បានជាសះស្បើយពីវីរុសផ្លូវដង្ហើមមួយនេះ៕...