ព័ត៌មានអន្តរជាតិ

ស្ថានទូតចិនប្រចាំកម្ពុជា បានអះអាងក្រុមស្រាវជ្រាវវិទ្យាសាស្រ្តដែលដឹកនាំ ដោយលោកស្រី Chen Wei អ្នកជំនាញផ្នែកកិច្ចការស្រាវជ្រាវវេជ្ជសាស្រ្តយោធា នៃវិទ្យាស្ថានវិទ្យាសាស្រ្តយោធា ប្រទេសចិន បានស្រាវជ្រាវរកឃើញវ៉ាក់សាំងនៃជម្ងឺ COVID-19 យ៉ាងជោគជ័យ ខណៈវ៉ាក់សាំងប្រភេទនេះទទួលបានការអនុញ្ញាតក្នុងដំណើរការ ពិសោធន៍ព្យាបាលជំងឺ។ គេហទំព័រហ្វេសប៊ុករបស់ ស្ថានទូតចិនប្រចាំកម្ពុជា បានសរសេរនៅព្រឹកថ្ងៃទី១៨ មីនានេះដោយមាន ខ្លឹមសាំងទាំងស្រុងថា “ក្រុមស្រាវជ្រាវវិទ្យាសាស្រ្ត ដែលដឹកនាំដោយលោកស្រី Chen Wei អ្នកជំនាញផ្នែកកិច្ចការស្រាវជ្រាវ វេជ្ជសាស្រ្តយោធា នៃវិទ្យាស្ថានវិទ្យាសាស្រ្តយោធា ប្រទេសចិន បានស្រាវជ្រាវរកឃើញវ៉ាក់សាំងនៃជម្ងឺCOVID-19យ៉ាងជោគជ័យ! វ៉ាក់សាំងប្រភេទនេះទទួលបានការអនុញ្ញាតក្នុងដំណើរការ ពិសោធន៍ព្យាបាលជម្ងឺ។ តាមស្តង់កំណត់នៃអន្តរជាតិ និងតាមបទបញ្ញត្តិក្នុងប្រទេសចិន វ៉ាក់សាំងនេះត្រូវបានចាត់ជាកិច្ចការរៀបចំ បឋមដែលប្រកប...

ប្រព័ន្ធផ្សព្វផ្សាយ South China Morning Post បានចុះផ្សាយថា អ្នកជំងឺវីរុសខូវីដ-១៩ចំនួន៧៩៦១៧នាក់នៅជុំវិញពិភពលោក បានជាសះស្បើយពីវីរុសផ្លូវដង្ហើមមួយនេះ និងត្រូវបានអនុញ្ញាតអោយចាកចេញពីមន្ទីរពេទ្យអស់ហើយ គិតត្រឹមថ្ងៃអង្គារ ទី១៧ ខែមីនានេះ ។ នៅប្រទេសចិនមានអ្នកជំងឺវីរុសផ្លូវដង្ហើមមួយនេះច្រើនជាងគេ ដែលកាលពីថ្ងៃចន្ទដើមសប្តាហ៍នេះ អ្នកជំងឺចំនួន៩៣០នាក់ ត្រូវបានអនុញ្ញាតអោយចាកចេញពីមន្ទីរពេទ្យ ក្រោយពីបានជាសះស្បើយទាំងស្រុងពីវីរុសនេះ ដែលរុញច្រានចំនួនអ្នកជាសះស្បើយនៅប្រទេសចិនអោយកើនឡើងដល់ចំនួន៦៨៦៧៩នាក់ ។ គិតត្រឹមថ្ងៃអង្គារនេះដែរ ចំនួនមនុស្សឆ្លងវីរុសខូវីដ-១៩នៅជុំវិញពិភពលោក បានកើនឡើងដល់ចំនួន១៧៩៣៥០នាក់ និងមនុស្សចំនួន៧១២១នាក់ បានបាត់បង់ជីវិតដោយសារវីរុសផ្លូវដង្ហើមមួយនេះ ៕...

យោងតាមការសិក្សាស្រាវជ្រាវរបស់ក្រុមគ្រូពេទ្យ និងក្រុមអ្នកវិទ្យាសាស្ត្រនៅសកលវិទ្យាល័យក្នុងទីក្រុង ឃ្វីនលែន (Queenland) ប្រទេសអូស្ត្រាលីបានបង្ហាញថា ក្រុមអ្នកវិទ្យាសាស្ត្ររបស់ប្រទេសនេះ កំពុងផលិតវ៉ាក់សាំងសម្រាប់ការពារការឆ្លងវីរុសខូវីដ-១៩ ដោយដៃគូបានស្នើសុំអោយដាក់បញ្ចូលផ្លែចេកទៅក្នុងវ៉ាក់សាំងនោះនេះផងដែរ ។ មូលហេតុដែលនាំអោយក្រុមអ្នកវិទ្យាសាស្ត្រអូស្ត្រាលីដាក់ផ្លែចេកចូលទៅក្នុងវ៉ាក់សាំង គឺដោយសារផ្លែកចេកមានជាតិទឹក និង ហ្វាយប័រ (Fiber) ដែលអាចការពារពីការជ្រៀតចូលនៃវីរុសផ្លូវដង្ហើមមួយនេះបានប្រសិនបើដាក់ក្នុងវ៉ាក់សាំង ។ ក្រុមអ្នកវិទ្យាសាស្ត្រអូស្ត្រាលី បានអោយដឹងថា ការទទួលទានចេកមួយផ្លែក្នុងមួយថ្ងៃក៏អាចជួយទប់ទល់នឹងការឆ្លងវីរុសខូវីដ-១៩បានខ្លះដែរ ដែលផ្លែចេកមានវីតាមីនសេ (Vitamin C.) ដែលអាចជួយគាំទ្រដល់សុខភាពបេះដូងបានល្អ។ វ៉ាក់សាំងការពារវីរុសខួវីដ-១៩នេះ មិនទាន់សម្រេចយកជាផ្លូវការនោះទេ ដោយស្ថិតនៅក្នុងការពិសោធនៅឡើ...

កំណើននៃមនុស្សដែលបានឆ្លងវីរុសខូវីដ-១៩នៅជុំវិញពិភពលោក នៅតែបន្តកើនឡើងក្នុងល្បឿនលឿនដដែលនៅជុំវិញពិភពលោក ទោះបីជាការឆ្លងរាលដាលនៅប្រទេសចិនបានធ្លាក់ចុះក៏ដោយ ដែលគិតត្រឹមថ្ងៃអាទិត្យ ទី១៥ ខែមីនានេះ កំណើនមនុស្សឆ្លងសរុបបាន កើនឡើងដល់១៥០២២១នាក់ហើយ ដែលនេះបើតាមការចុះផ្សាយរបស់ South China Morning Post ។ ចំនួនមនុស្សស្លាប់ដោយសារវីរុសផ្លូវដង្ហើមមួយនេះ ក៏បានកើនឡើងខ្ពស់ផងដែរ ដែលបានកើនឡើងដល់ចំ នួន៥៧៨១នាក់ហើយ គិតត្រឹមថ្ងៃអាទិត្យនេះ ខណៈដែលអ្នកជំងឺប្រមាណ៧២៥២៨នាក់ បានជាសះស្បើយនៅជុំវិញពិភពលោក ។ ប្រទេសចិន មានមនុស្សឆ្លង មនុស្សស្លាប់ និងមនុស្សជាសះស្បើយច្រើនជាងគេដោយវីរុសខូវីដ-១៩ ដែលមានមនុស្សឆ្លងចំនួន៨០៨២២៤នាក់ មនុស្សចំនួន ៣១៨៩នាក់បានបាត់បង់ជីវិត និងមនុស្សប្រមាណជាង៧០០០០នាក់ផ្សេងទៀត បានជាសះស្បើយពីវីរុសមួយនេះ ៕...

ក្រុមហ៊ុន Apple Inc ដែលជាក្រុមហ៊ុនអេឡិចត្រូនិកធំជាងគេរបស់សហរដ្ឋអាមេរិក បានចាប់ផ្តើមបើកឡើងវិញហើយ នៅថ្ងៃសុក្រ ទី១៣ ខែមីនានេះ នូវហាងលក់ផលិតផលរបស់ខ្លួន មានទូរស័ព្ទ iPhone ជាដើមចំនួន៤២សាខានៅប្រទេសចិន ក្រោយពីក្រុមហ៊ុននេះបានបិទទ្វារហាងទាំងស្រុងទាំង៤២សាខា ដោយកង្វល់ពីការឆ្លងរាលដាលនៃវីរុសខូវីដ-១៩ ដែលនេះបើតាមការចុះផ្សាយរបស់ CNA ។ សូមរំលឹកជូនថា កាលពីខែកុម្ភៈ ឆ្នាំ២០២០នេះ ក្រុមហ៊ុន Apple Inc បានលក់ផលិតផលទូរស័ព្ទ iPhone របស់ខ្លួនអស់ប្រមាណជាកន្លះលានគ្រឿងប៉ុណ្ណោះនៅប្រទេសចិន ដែលជាបរិមាណលក់ចេញទាបបំផុតមិនធ្លាប់មាន ។ អ្នកនាំពាក្យក្រុមហ៊ុន Apple Inc បានឲ្យដឹងថា ប្រទេសចិនគឺជាទីផ្សារធំបំផុតរបស់ក្រុមហ៊ុននេះ ដែលអាចលក់ផលិតផលទូរស័ព្ទដៃបានរាប់លានគ្រឿងក្នុងមួយខែ ប៉ុន្តែក្រុមហ៊ុននេះ បានសម្រេចចិត្តបិទទ្វារហាក់លក់ផលិតផលរបស់ខ្លួនទាំងអស់ ក្រោយពីការផ្ទុះឡើងនៃវីរុសខូវីដ-១៩ ៕...

ចំនួនមនុស្សឆ្លងវីរុសខូវីដ-១៩នៅជុំវិញពិភពលោក បានកើនឡើងដល់ជិត១៣ម៉ឺននាក់ហើយ គឺចំនួន១២៩៨៤៦នាក់ និងមនុស្សជិត៥០០០នាក់ គឺ៤៩៣១នាក់ បានបាត់បង់ជីវិត គិតត្រឹមថ្ងៃសុក្រ ទី១៣ ខែមីនា ឆ្នាំ២០២០ ​។ នេះបើយោងតាមការចុះផ្សាយរបស់ South China Morning Post ។ ប្រភពដដែលបានបន្តថា មនុស្សប្រមាណ៦៨៣០៧នាក់ បានជាសះស្បើយពីវីរុសខូវីដ-១៩ ដែលភាគច្រើនទាំងមនុស្សឆ្លង មនុស្សស្លាប់ និងមនុស្សដែលបានជាសះស្បើយពីវីរុសនេះ គឺនៅលើទឹកដីរបស់ប្រទេសចិន ។ គិតត្រឹមថ្ងៃសុក្រដូចគ្នានេះ នៅប្រទេសចិនមានមនុស្សចំនួន ៣១៦៩នាក់បានបាត់បង់ជីវិត មនុស្សចំនួន ៨០៧៩៣នាក់បានឆ្លង និងមនុស្សចំនួនជាង៦០០០០នាក់ បានជាសះស្បើយពីវីរុសផ្លូវដង្ហើមមួយនេះ ៕...

ក្រសួងការបរទេសរបស់ប្រទេសកូរ៉េខាងត្បូង បានចេញសេចក្តីប្រកាសមួយនៅថ្ងៃព្រហស្បតិ៍ ទី១២ ខែមីនានេះ អំពីប្រទេស និងដែនដីចំនួន១២៣នៅជុំវិញពិភពលោក ដែលបានរឹតត្បិតការធ្វើដំណើរចូលពីប្រទេសនេះ ដោយសារបារម្ភពីការឆ្លងរាលដាលនៃវីរុសខូវីដ-១៩  ។ នេះបើតាមការចុះផ្សាយរបស់ ទីភ្នាក់ងារព័ត៌មាន យ៉ុនហាប់ (Yonhap News Agency ។ ការរឹតត្បិតការធ្វើដំណើរចូលពីកូរ៉េខាងត្បូងរបស់ប្រទេស និងដែនដីទាំង១២៣នេះ ត្រូវបានធ្វើឡើង ខណៈដែលចំនួនមនុស្សឆ្លងវីរុសផ្លូវដង្ហើមមួយនេះ បានកើនឡើងកាន់តែខ្ពស់ជាលំដាប់ រហូតដល់ចំនួនសរុបកើនឡើងដល់៧៨៦៩ករណីនៅទូទាំងប្រទេស និងចំនួនមនុស្សស្លាប់ដោយសារវីរុសមួយនេះក៏កើនឡើងដល់ចំនួន ៦៦នាក់ដែរ ។ សូមបញ្ជាក់ថា គិតត្រឹមថ្ងៃព្រហស្បតិ៍នេះ ចំនួមនុស្សឆ្លងវីរុស ខូវីដ ១៩ នៅជុំវិញពិភពលោក បានកើនឡើងដល់ចំនួន ១២៤១៩០នាក់ មនុស្សស្លាប់បានកើនឡើងដល់៤៦២៣នាក់ និងមនុស្សដែលជាសះស្បើយពីវីរុសផ្លូវដង្ហើមមួយនេះ បានកើនឡើងដល់៦៨០៨៧នាក់ ៕...

លោកស្រី អ៊ូស៊ូឡា វ៉ុន ដឺ ឡេយែន (Ursula Von Der Leyen) ប្រធានគណៈកម្មការអឺរ៉ុប បានប្រកាសនៅថ្ងៃពុធ ទី១១ ខែមីនានេះថា អឺរ៉ុបមានគម្រោងរៀបចំមូលនិធិបម្រុងជាទឹកប្រាក់ប្រមាណ២៥ ពាន់លានអឺរ៉ូ សម្រាប់ទប់ទល់នឹងវិបត្តិសេដ្ឋកិច្ច ដែលអាចនឹងកើតឡើងដោយសារវីរុសខូវីដ-១៩នៅពេលខាងមុខនេះ ។ នេះបើតាមការចុះផ្សាយរបស់ NHK World Japan ។ លោកស្រី អ៊ូស៊ូឡា វ៉ុន ដឺ ឡេយែន បាននិយាយថា ទឹកប្រាក់ទាំង២៥ ពាន់លានអឺរ៉ូនេះ មានគោលដៅជួយដល់ប្រទេសមួយចំនួនដែលជាសមាជិករបស់សហភាពអឺរ៉ុប ដែលបានទទួលរងផលប៉ះពាល់ធ្ងន់ធ្ងរជាងគេ ដោយសារការឆ្លងរាលដាលនៃវីរុសខូវីដ-១៩ មានប្រទេស អ៊ីតាលីជាដើម ។ សូមបញ្ជាក់ថា ប្រជាពលរដ្ឋនៅតាមបណ្តាប្រទេសនៅសហភាពអឺរ៉ុប ដែលបានឆ្លងវីរុសខូវីដ-១៩ ច្រើនជាងគេ គឺប្រទេសអ៊ីតាលីមានចំនួន១០១៤៩ករណី ប្រទេសបារាំង និងអេស្ប៉ាញមានការឆ្លងវីរុសខូវីដ-១៩ប្រមាណជាង១៦០០ករណី ៕  ...

ក្រុមប្រឹក្សាអាកាសយានដ្ឋានអន្តរជាតិប្រចាំតំបន់អាស៊ី-ប៉ាស៊ីហ្វិក (Airport Council International (ACI) Asia-Pacific)បានឲ្យដឹងថា ការចរាចរណ៍របស់អ្នកដំណើរនៅតាមអាកាសយានដ្ឋាននានានៅតំបន់អាស៊ី-ប៉ាស៊ីហ្វិក នឹងធ្លាក់ចុះ២៤%នៅត្រីមាសទី១នៃឆ្នាំ២០២០ នេះ ដោយសារការឆ្លងរាលដាលនៃវីរុសខូវីដ-១៩ ដែលនេះបើតាមការចុះផ្សាយរបស់ Bloomberg ។ សមាគមដឹកជញ្ជូនតាមផ្លូវអាកាសអន្តរជាតិ (International Air Transport Association) ដែលហៅកាត់ថា IATA បានឲ្យដឹងថា ការ ដឹកជញ្ជូនតាមផ្លូវអាកាសនៅតំបន់អាស៊ី-ប៉ាស៊ីហ្វិក នឹងខាងបង់ទឹកប្រាក់ប្រមាណជាង៣ពាន់លានដុល្លារអាមេរិក ស្មើនឹង២៤% បើប្រៀប ធៀបនឹងរយៈដូចគ្នាកាលពីត្រីមាសទី១នៃឆ្នាំ២០១៩កន្លងទៅ ។ IATA បានបន្តថា ការដឹកជញ្ជូនតាមផ្លូវអាកាសនៅតំបន់អាស៊ី-ប៉ាស៊ីហ្វិក នឹងខាងបង់ទឹកប្រាក់កាន់តែច្រើនថែមទៀត នៅត្រីមាសទី២ និងប្រចាំឆ្នាំ២០២០នេះ ប្រសិនបើការឆ្លងរាលដាលនៃវីរុសខូវីដ -១៩ នៅតែបន្តអូសបន្លាយរយៈពេលយូរ ...