ព័ត៌មានជាតិ

ក្រុមហ៊ុន Huawei ដែលជាក្រុមហ៊ុនបច្ចេកវិទ្យាធំបំផុតរបស់ប្រទេសចិន បានសម្រេចកាត់បន្ថយបុគ្គលិកប្រមាណ៦០០នាក់នៅសហរដ្ឋអាមេរិក ស្មើនឹង២ភាគ៣នៃបុគ្គលិកសរុបនៅក្នុងប្រទសមហាអំណាចមួយនេះ ដែលជាការកាត់បន្ថយបុគ្គលិកច្រើនបំផុតមិនធ្លាប់មាន ។ សេចក្តីសម្រេចក្នុងការកាត់បន្ថយបុគ្គលិកនេះ ត្រូវបានធ្វើឡើងក្រោយពីរដ្ឋាភិបាលអាមេរិក បានសម្រេចដាក់ក្រុមហ៊ុន Huawei រួមទាំងសាខាជាង៤០ សាខារបស់ក្រុមហ៊ុនបច្ចេក វិទ្យាចិនមួយនេះទៅក្នុងបញ្ជីខ្មៅ ពាក់ព័ន្ធនឹងបញ្ហាសន្តិសុខ ។ អ្នកនាំពាក្យក្រុមហ៊ុន Huawei បានអោយដឹងថា ការកាត់បន្ថយបុគ្គលិកជាង៦០០នាក់នៅអាមេរិកនេះ ត្រូវបានធ្វើឡើងអោយស្របទៅតាមការកាត់បន្ថយប្រតិបត្តិការអាជីវកម្មរបស់ខ្លួន ក្រោយពីមានគំនាបពីរដ្ឋាភិបាលអាមេរិក ៕...

អ្នកនាំពាក្យក្រសួងការបរទេសរបស់ប្រទេសចិន លោក Geng Shuang បានជំរុញសសហរដ្ឋអាមេរិក កាលពីថ្ងៃចន្ទ ទី២២ ខែកក្កដានេះ កុំអោយបង្កើនឥទ្ធិពលនយោបាយក្នុងតំបន់ និងជ្រៀតជ្រែកកិច្ចការផ្ទៃក្នុង ។ លោក Geng Shuang បាននិយាយថា ការបង្កើតសម្ព័ន្ធមិត្តអន្តរជាតិស្តីពីសេរីភាព គឺមិនមានអ្វីក្រៅតែពីជាឧបករណ៍របស់សហរដ្ឋអាមេរិក ក្នុងការប្រើប្រាស់ក្នុងការដោះសាក្នុងតំបន់ ដើម្បីផ្សាយពីតម្លៃអាមេរិក និងដើម្បីជ្រៀតជ្រែកក្នុងកិច្ចការផ្ទៃក្នុងនៃប្រទេសដ៏ទៃ ។ លោក Geng Shuang បានលើកឡើងបែបនេះ ក្រោយពីសហរដ្ឋអាមេរិកបានបង្ហាញគម្រោងរៀបចំអោយមានសម្ព័ន្ធមិត្តអន្តរជាតិស្តីពីសេរីភាព ជាមួយប្រទេសពាក់ព័ន្ធនៅឯសន្និសិទស្តីពីសេរីភាពក្នុងតំបន់ ដែលប្រទេសជាច្រើនបានប្រឆាំងជំទាស់ ៕ ...

ទីប្រឹក្សាសន្តិសុខជាតិរបស់សហរដ្ឋអាមេរិក លោក John Bolton បានស្នើដល់រដ្ឋាភិបាលរបស់ប្រទេសជប៉ុន អោយបញ្ជូនកងកម្លាំងស្វ័យការពាររបស់ខ្លួនទៅចូលរូមក្នុងកងកម្លាងចម្រុះអន្តរជាតិនៅតំបន់មជ្ឈិមបូព៌ា ក្នុងគោលដៅការពារនាវាពាណិជ្ជកម្ម ជាពិសេសគឺការពារនាវាដឹកប្រេងអន្តរជាតិនៅច្រកសមុទ្រ Strait of Hormuz ជាប់ប្រទេសអ៊ីរ៉ង់ និងអូម៉ង់ ។ ពាក់ព័ន្ធនឹងសំណើនេះ អ្នកនាំពាក្យជាន់ខ្ពស់នៃរដ្ឋាភិបាលរបស់ប្រទេសជប៉ុន លោក Yoshihide Suga បាននិយាយនៅថ្ងៃអង្គារ ទី២៣ ខែកក្កដានេះថា ជប៉ុនមិនទាន់ពិចារណាពីការបញ្ជូនកងកម្លាំងស្វ័យការពាររបស់ខ្លួនទៅកាន់តំបន់មជ្ឈិមបូព៌ាតាមការស្នើសុំរបស់សហរដ្ឋអាមេរិកនោះទេ ។ សេចក្តីប្រកាសរបស់លោក Yoshihide Suga ត្រូវបានធ្វើឡើងក្រោយពីទីប្រឹក្សាសន្តិសុខជាតិអាមេរិក លោក John Bolton បានជួបពិភាក្សាជាមួយរដ្ឋមន្ត្រីការបរទេសជប៉ុន លោក Taro Kono និងទីប្រឹក្សាសន្តិសុខជាតិ លោក Shotaro Yachi កាលពីថ្ងៃចន្ទដើមសប្តាហ៍នេះ...

បើយោងតាមសមាគមអ្នកនាំចេញ និងផលិតអាហារគ្រឿងសមុទ្ររបស់ប្រទេសវៀតណាម បានអោយដឹងថា ក្នុងរយៈពេល៥ខែនៃឆ្នាំ២០១៩នេះ ប្រទេសវៀតណាមបាននាំចេញត្រីប្រាទៅកាន់ទីផ្សារក្នុងបណ្តាប្រទេសនៅតំបន់អាស៊ីអាគ្នេយ៍ បានទឹកប្រាក់ប្រមាណ៨៧ លានដុល្លារអាមេរិក ។ សមាគមដដែលបានឲ្យដឹងទៀត​​​​ថា ប្រទេសថៃ ហ្វីលីពីន និងម៉ាឡេស៊ី គឺជាទីផ្សារធំជាងគេក្នុងតំបន់ សម្រាប់នាំចេញផលិតផលត្រីប្រារបស់ប្រទេសវៀតណាម ប៉ុន្តែទីផ្សារក្នុងតំបន់នេះមានលក្ខណៈតូចនៅឡើយសម្រាប់ចេញត្រីប្រាវៀតណាម បើប្រៀបធៀបនឹងទីផ្សារក្នុងតំបន់ផ្សេងៗ​​​ទៀត ។ ប្រទេសថៃជាទីផ្សារធំជាងគេក្នុងតំបន់សម្រាប់នាំចេញត្រីប្រាវៀតណាមដែលក្នុងរយៈពេល៥ ខែនៃឆ្នាំ២០១៩នេះ វៀតណាមនាំចេញត្រីប្រាក្នុងតម្លៃទឹកប្រាក់ជាង៣២លានដុល្លារអាមេរិក ហ្វីលីពីនជាទីផ្សារធំទី២ ដែលមានទឹកប្រាក់ជាង១៩លានដុល្លារអាមេរិក និងម៉ាឡេស៊ីមានតម្លៃទឹកប្រាក់ជាង១៨លានដុល្លារអាមេរិក ៕ ...

មន្ត្រីក្រសួងរតនាគារជាតិរបស់សហរដ្ឋអាមេរិក បានចេញសេចក្តីប្រកាសមួយអំពីកំណើននៃប្រាក់បំណុលជាតិរបស់សហរដ្ឋអា មេរិក ដែលចេះតែបន្តកើនឡើងខ្ពស់ចាប់តាំងពីឆ្នាំ២០១៣ រហូតដល់ឆ្នាំ២០១៩នេះ។ ប្រទេសចិនគឺជាម្ចាស់បំណុលធំបំផុតរបស់សហរដ្ឋអាមេរិក តាម រយៈការទិញប័ណ្ណបំណុល ក្រដាសបំណុល និងភាគហ៊ុនបំណុល ពីអាមេរិក ដែលមានតម្លៃទឹកប្រាក់ជាង១.១១លាលានដុល្លារ ( $ 1.11 trillion ) គិតត្រឹមឆ្នាំ២០១៩នេះ ។ ក្រៅពីជំពាក់បំណូលចិនក្នុងតម្លៃទឹកប្រាក់១.១១លាលានដុល្លារ ( $ 1.11 trillion )ដោយការលក់ប័ណ្ណបំណុល និងភាគហ៊ុនបំណុល អាមេរិកមានបំណុលជាតិសរុបគិតជាទឹកប្រាក់ប្រមាណ២២លានលានដុល្លារ ( $22 trillion ) ៕...

ក្រុមអ្នកទេសចរតាមឧទ្ធម្ភាគចក្របានប្រទះឃើញត្រីបាឡែននាំផ្លូវ(Pilot whales)ប្រមាណជាង៥០ក្បាល បានងាប់នៅភាគខាងលិចនៃកោះ Nordic island ប្រទេសអ៊ីស្លង់ កាលពីថ្ងៃអាទិត្យ ទី២១ ខែកក្កដានេះ ដែលនេះបើតាមការចុះផ្សាយរបស់ Google News ។ ក្រុមអ្នកជំនាញបានសន្និដ្ឋានជាជំហានដំបូងថា ត្រីបាឡែននាំផ្លូវទាំងជាង៥០ក្បាល អាចងាប់ដោយសារអាកាសធាតុក្តៅ ឫអាចងាប់ដោយសារការបំពុលទឹកសមុទ្រ ដោយសម្រាមកខ្វក់មកពីបណ្តាប្រទេសនៅជុំវិញសមុទ្រ ។ ក្រុមអាជ្ញាធរអ៊ីស្លង់បានអោយដឹងថា ក្រុមអ្នកជំនាញកំពុងបើកការស៊ើបអង្កេតរកមូលហេតុពិតប្រាកដ នៃការបាត់បង់ជីវិតត្រីបាឡែននាំផ្លូវដ៏ច្រើនសម្បើមបែបនេះក្រោយពីត្រីបាឡែនប្រភេទនេះចំនួន១៤៥ក្បាលបានងាប់នៅប្រទេសនូវ៉ែលហ្សេឡង់ កាលពីខែមុន ៕ ...

ប្រព័ន្ធផ្សព្វផ្សាយ RT បានចុះផ្សាយថា ក្រុមមន្ត្រីរបស់ប្រទេស ជប៉ុន និងកូរ៉េខាងត្បូងបានជួបចរចាគ្នាអស់រយៈពេលជិត៦ម៉ោង កាលពីថ្ងៃសុក្រសប្តាហ៍នេះ ក្នុងគោលដៅបន្ធូរបន្ថយភាពតាន តឹងក្នុងជម្លោះពាណិជ្ជកម្មរវាងប្រទេសទាំងពរ ប៉ុន្តែកិច្ចចរចានោះមិនទទួលបានលទ្ធផលអ្វីទេ ។ ជម្លោះពាណិជ្ជកម្មរវាងប្រទេសជាសម្ព័ន្ធមិត្តអាមេរិកទាំងពីរ គឺជប៉ុន និងកូរ៉េខាងត្បូង បានកើតឡើងដោយសារជប៉ុនបានរឹត ត្បិតការនាំចេញវត្ថុធាតុដ៏សំខាន់ ដែលត្រូវបានយកទៅប្រើប្រាស់នៅក្នុងឧស្សាហកម្មបច្ចេកវិទ្យាជាន់ខ្ពស់របស់កូរ៉េខាងត្បូង ដែលធ្វើឲ្យប៉ះពាល់ទំនាក់ទំនងសេដ្ឋកិច្ចទ្វេភាគីរបស់ប្រទេសទាំងពីរ ព្រមទាំងបង្កការរាំងស្ទះដល់សិទ្ធិឧស្សាហកម្មដែលត្រៀមបម្រុងនឹងចេញប្រើប្រាស់បច្ចេកវិទ្យាទូរស័ព្ទជំនាន់ទី៥ (5G) របស់ចិន ។ កិច្ចចរចារវាងប្រទេសសម្ព័ន្ធមិត្តអាមេរិកទាំងពីរ គឺកូរ៉េខាងត្បូងចង់អោយជប៉ុននាំចូលវត្ថុធាតុដ៏សំខាន់៣ប្រភេទ ដែលត្រូវបាន យកទៅប្រើប្រាស់នៅក្នុងឧស...

អង្គការសុខភាពពិភពលោក WHO បានប្រកាសកាលពីថ្ងៃពុធ ទី១៧ ខែកក្កដានេះ អំពីករណីផ្ទុះឡើងសាជាថ្មីនៃជម្ងឺ អេបូឡា (Ebola) ជាលើកទីពីរនៅសាធារណរដ្ឋ កុងហ្គោ ដែលនេះបើតាមការចុះផ្សាយរបស់ប្រព័ន្ធផ្សព្វផ្សាយ AP ។ អង្គការសុខភាពពិភពលោក បានអោយដឹងថា ជម្ងឺអេបូឡា បានឆ្លងរាលដាលកាន់តែខ្លាំងចាប់តាំងពីខែសីហា ឆ្នាំ២០១៨រហូតដល់ពាក់កណ្តាលខែកក្កដា ឆ្នាំ២០១៩នេះ បណ្តាលអោយមនុស្សប្រមាណជាង១៦០០នាក់ បានបាត់បង់ជីវិតរួចទៅហើយ ។ សូមបញ្ជាក់ជូនថា ជម្ងឺអេបូឡានេះ មិនទាន់មានថ្នាំសម្រាប់ព្យាបាលទេ ហើយសូម្បីតែវ៉ាក់សាំងសម្រាប់ចាប់បង្ការ ក៏មិនទាន់មានដែរ ដោយជម្ងឺនេះងាយនឹងឆ្លងរាលដាលពីមនុស្សម្នាក់ទៅមនុស្សម្នាក់ទៀតណាស់ ដែលគ្រាន់តែប៉ះពាល់លើអ្នកជម្ងឺ ឫសម្ភារៈប្រើប្រាស់របស់អ្នកជម្ងឺ ៕ ...

ប្រធានាធិបតីរបស់សហរដ្ឋអាមេរិក លោក ដូណាល់ ត្រាំ បាននិយាយកាលពីថ្ងៃអង្គារ ទី១៦ ខែកក្កដានេះថា វាមិនយុត្តិធម៌សម្រាប់អាមេរិកទេ ដែលរដ្ឋាភិបាលប្រទេសទួរគីមិនព្រមទិញយន្តហោះចម្បាំង F-35s ពីអាមេរិក ដោយបែរទៅទិញប្រព័ន្ធការពារដែនអាកាសមីស៊ីល S-400 ពីប្រទេសរុស្ស៊ីទៅវិញ ។ សូមរំលឹកជូនថា កាលពីចុងឆ្នាំ២០១៨កន្លងទៅ រដ្ឋាភិបាលទួរគី បានដាក់សំណើសុំទិញប្រព័ន្ធការពារដែនអាកាសមីស៊ីល S-400 ពីរុស្ស៊ី និងសុំទិញយន្តហោះចម្បាំង F-35s ពីអាមេរិក ប៉ុន្តែអាមេរិកបានដាក់លក្ខខណ្ឌថា បើទួរគីទិញមីស៊ីល S-400 ពីរុស្ស៊ី អាមេរិកនឹងមិនលក់យន្តហោះចម្បាំង F-35s អោយទួរគីទេ ។ ការដាក់លក្ខខណ្ឌពីអាមេរិកបែបនេះ រដ្ឋាភិបាលទួរគី បានសម្រេចចិត្តមិនទិញយន្តហោះចម្បាំង F-35s ពីអាមេរិក និង ទិញមីស៊ីល S-400 ពីរុស្ស៊ី តែលោក ត្រាំ បែរជាស្រែករកយុត្តិធម៌ទៅវិញ ខណៈទួរគីទិញមីស៊ីល S-400 ពីរុស្ស៊ី ៕ ...

យោងតាមមន្ត្រីគយ និងកងកម្លាំងការពារព្រំដែនអាមេរិកបានឲ្យដឹង​​ថា ចាប់ពីខែតុលា ឆ្នាំ២០១៨ រហូតដល់ពាក់កណ្តាលឆ្នាំ២០១៩នេះ ជនអន្តោប្រវេសន៍ប្រមាណ៦៨៨០០០នាក់បានឆ្លងកាត់តាមព្រំដែនប្រទេសម៉ិកស៊ិកចូលទឹកដីអាមេរិក ដែលជាចំនួនច្រើនបំផុត ។ ប្រព័ន្ធផ្សព្វផ្សាយ Reuters បានចុះផ្សាយថា ដោយព្រួយបារម្ភពីលំហូរចូលជនអន្តោប្រវេសន៍នេះ រដ្ឋបាលរបស់ប្រធានាធិបតីអាមេរិក លោក ដូណាល់ ត្រាំ បានបង្ហាញពង្រាងច្បាប់ថ្មីមួយទៀតកាលពីថ្ងៃចន្ទទី១៥ ខែកក្កដានេះ ដែលជាច្បាប់រារាំងលំហូរជនអន្តោប្រវេសន៍ខុសច្បាប់ចូលទឹកដីអាមេរិក ។ ពង្រាយច្បាប់ថ្មីនេះ មានគោលដៅសំខាន់ក្នុងការរឹតបន្តឹង និងរារាំងជនស្វែងរកសិទ្ធិជ្រកកោណនៅតាមតំបន់ព្រំដែនជាប់ជាមួយប្រទេសម៉ិកស៊ិក មិនអោយចូលទឹកដីអាមេរិកទេ នៅពេលខាងមុខនេះ ៕ ...