សារព័ត៌មានដេលីខ្មែរ

  ភ្នំពេញ៖ រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ថ្លែងឲ្យដឹងថា រយៈពេលជាង២ទសវត្សរ៍ កម្ពុជាទទួលបាន ហិរញ្ញប្បទាន ពីមូលនិធិសកល ប្រមាណជាង ៥១៥ លានដុល្លារអាមេរិក ក្នុងការប្រយុទ្ធប្រឆាំងនឹងជំងឺឆ្លងនៅកម្ពុជា ។ លោកអគ្គបណ្ឌិតសភាចារ្យ អូន ព័ន្ធមុនីរ័ត្ន  រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានលើកឡើង នៅក្នុងជំនួបពិភាក្សា ជាមួយលោក Dr. Donald Kaberuka ប្រធានក្រុមប្រឹក្សាភិបាលនៃមូលនិធិសកល នៅថ្ងៃទី៣០ ខែតុលា ឆ្នាំ២០១៩ ។ លោកអគ្គបណ្ឌិតសភាចារ្យ អូន ព័ន្ធមុនីរ័ត្ន បានបញ្ជាក់ឲ្យដឹងថា ពាក់ព័ន្ធនឹងការចូលរួមចំណែកអភិវឌ្ឍន៍ផែនការសកម្មភាព របស់មូលនិធិសកល បើគិតរហូតមកដល់ពេលនេះ កម្ពុជាទទួលហិរញ្ញប្បទានពីមូលនិធិសកលចំនួនប្រមាណ ៥១៥,៩៥ លានដុល្លារអាមេរិក ក្នុងការប្រយុទ្ធប្រឆាំងនឹងជំងឺទាំងបីប្រភេទរួមមាន ជំងឺអេដស៍ របេង និងជំងឺគ្រុនចាញ់ និងជួយឱ្យកម្ពុជាសម្រេចបានគោលដៅ ក្នុងការប្រយុទ្ធប្រឆាំងនឹងជំងឺអេដស៍មុនការគ...

ប្រធានាធិបតីរបស់សហរដ្ឋអាមេរិក លោក ដូណាល់ ត្រាំ បានសរសេរតាមប្រព័ន្ធ Twitter កាលពីថ្ងៃព្រហស្បតិ៍ ទី៣១ ខែតុលាថា មន្ត្រីរបស់អាមេរិក និងចិន កំពុងស្វែងរកទីតាំងថ្មីសម្រាប់ជំនួបមេដឹកនាំកំពូលទាំងពីរនៅពេលខាងមុខ ក្រោយពីគម្រោងជំនួបនៅប្រទេសឈីលី ត្រូវបានខកខាន ។ នេះបើតាមការចុះផ្សាយរបស់ BBC ។ ប្រភពដដែលបានបន្តថា តាមគម្រោង លោក ដូណាល់ ត្រាំ និងលោក ស៊ី ជីនពីង នឹងជួបគ្នានៅប្រទេសឈីលី នៅថ្ងៃទី១៦និង១៧ ខែវិច្ឆិកានេះ ក្នុងជំនួបកំពូលនៃកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក ដែលហៅកាត់ថា APEC ប៉ុន្តែគម្រោងនេះបានខកខានទៅវិញ ដោយសាររដ្ឋាភិបាលនៃប្រទេសឈីលីបានប្រកាសលុបជំនួបកំពូលនេះចោល ។ តាមគម្រោង លោក ដូណាល់ ត្រាំ និងលោក ស៊ី ជីនពីង នឹងចុះហត្ថលេខាលើកិច្ចព្រមព្រៀងពាណិជ្ជកម្មដំណាក់កាលទី០១រវាងចិន និងអាមេរិក ក្នុងជំនួបកំពូល APEC ប៉ុន្តែដោសារក្រុមបាតុករបានចេញធ្វើបាតុកម្មច្រើនពេក ឈីលីក៏សម្រេចចិត្តលុបចោលជំនួបកំពូល APECនេះ ៕...

  ភ្នំពេញ៖ សម្ដេចតេជោ ហ៊ុន សែន បានចេញនូវសារលិខិតអបអរសាទរ និងជំរុញឱ្យកូនៗ សិស្សានុសិស្សដែលត្រូវគ្រប់អាយុ បានចូលរៀនគ្រប់គ្នា។ ក្នុងឱកាស នៃការបើកបវេសនកាលឆ្នាំសិក្សាថ្មី ២០១៩-២០២០ ដែលចូលមកដល់នៅថ្ងៃទី០១ ខែវិច្ឆិកា ឆ្នាំ២០១៩នេះ ។ សម្តេចតេជោក៏បានជំរុញឲ្យលោកគ្រូ-អ្នកគ្រូ ត្រូវរួមគ្នាបន្តដើរតួជាបុគ្គលគំរូ ជាឪពុកម្តាយ អ្នកស្រាវជ្រាវ ជាទីប្រឹក្សា និងជាអ្នកនាំមកនូវគំនិតច្នៃប្រឌិត តាមរយៈការខិតខំប្រឹងប្រែង អភិវឌ្ឍសមត្ថភាពខ្លួនជាប្រចាំ ដើម្បីយកចំណេះដឹងថ្មីៗ មកបង្ហាត់បង្រៀនសិស្សានុសិស្ស ឲ្យមានចំណេះដឹងទូលំទូលាយអភិវឌ្ឍខ្លួនទៅជាពលរដ្ឋសកល និងជាអ្នកបន្តវេនសម្រាប់ថ្ងៃអនាគត។ សម្ដេចតេជោ ហ៊ុន សែន ក៏បានមានប្រសាសន៍ប្រាប់ដល់ក្មួយៗជាសិស្សានុសិស្ស និងយុវជន​ យុវនារីទាំងអស់ ត្រូវខិតខំរៀនសូត្រឲ្យបានខ្ជាប់ខ្លួន ត្រូវចូលរួមឲ្យបានគ្រប់សកម្មភាព ដើម្បីគាំទ្រដំណើរការអភិវឌ្ឍសាលារៀន និងសង្គមជាតិយើង ។ សម្ដេចតេជោ ហ៊ុន ...

លោកស្រី កូ មីនជុង (Ko Min-jung) អ្នកនាំពាក្យប្រធានាធិបតីរបស់ប្រទេសកូរ៉េខាងត្បូងបានថ្លែងនៅក្នុងសន្និសិទកាសែតមួយ នៅថ្ងៃព្រហស្បតិ៍នេះថា មេដឹកនាំកំពូលរបស់ប្រទេសកូរ៉េខាងជើង លោក គីម ជុងអ៊ុន បានផ្ញើសាររំលែកទុក្ខជូនលោក មូន ជេអ៊ីន ប្រធានាធិបតីកូរ៉េខាងត្បូង ចំពោះមរណភាពម្តាយរបស់លោក ។ ដែលនេះបើតាមការចុះផ្សាយរបស់ Reuters ។ សាររំលែកទុក្ខរបស់លោក គីម ជុងអ៊ុន ដែលបានផ្ញើជូនលោក មូន ជេអ៊ីន ត្រូវបានធ្វើឡើងក្រោយពីម្តាយបង្កើតរបស់លោក មូន ជេអ៊ីន លោកស្រី Hang Han-ok បានទទួលមរណភាពកាលពីថ្ងៃពុធ ទី៣០ ខែតុលានេះ ដោយជរាពាធក្នុងជន្មាយុ ៩២ឆ្នាំ ។ សូមបញ្ជាក់ជូនថា សាររំលែកទុក្ខនេះ ត្រូវបានធ្វើឡើងស្របពេលដែលទំនាក់ទំនងកូរ៉េទាំងពីរ មានភាពតានតឹងជាមួយគ្នាក្នុងសំណុំរឿងទីរមណីយដ្ឋានតំបន់ភ្នំ គុំហ្កាង នៅលើទឹកដីកូរ៉េខាងជើង ដែលលោក គីម ជុងអ៊ុន បានបណ្តេញកូរ៉េខាងត្បូងឲ្យចេញពីតំបន់នោះ ៕...

  ភ្នំពេញ៖ ក្នុងត្រីមាសទី៣ ឆ្នាំ២០១៩ នេះ រាជរដ្ឋាភិបាលកម្ពុជា បានប្រមូលចំណូលថវិការដ្ឋសរុប ស្មើនឹង ៩០% ធៀបនឹងច្បាប់ថវិកា ក្នុងនោះទិន្នផលចំណូល បានពីការប្រមូលពីពន្ធគយ និងរដ្ឋាករប្រមាណ ៤៩%, ពន្ធដារ ៣២%, ចំណូលមិនមែនសារពើពន្ធ ១២% និងចំណូលផ្សេងៗ ប្រមាណ ៦% បន្ថែមទៀត។ លោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ (គ.ហ.ស) បានដឹកកិច្ចប្រជុំគណៈកម្មការកែទម្រង់ការគ្រប់គ្រងហិរញ្ញវត្ថុសាធារណៈ នៅថ្ងៃទី៣០ ខែតុលា ឆ្នាំ ២០១៩ ។ កិច្ចប្រជុំបានផ្តោតសំខាន់លើការត្រួតពិនិត្យ តាមដានវឌ្ឍនភាព នៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈដំណាក់កាលទី៣ ចំពោះផែនការសម្រាប់ត្រីមាសទី៣ ឆ្នាំ២០១៩នេះ  ។​ គ្រប់ ផ្នែកនៃផែនការសកម្មភាព ការងារកែទម្រង់ការគ្រប់គ្រងហិរញ្ញវត្ថុសាធារណៈ ...

ភ្នំពេញ៖ លោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍ថា បច្ចុប្បន្នរាជរដ្ឋាភិបាលកម្ពុជា នៅតែចាត់ទុកវិស័យកសិកម្មជាវិស័យសំខាន់ ក្នុងការទ្រទ្រង់កំណើនសេដ្ឋកិច្ច ធានាសន្តិសុខស្បៀង និងជំរុញការអភិវឌ្ឍសេដ្ឋកិច្ចជនបទ។ លោករដ្ឋមន្រ្តីក្រសួងកសិកម្ម បានបញ្ជាក់បែបនេះ ក្នុងសិក្ខាសាលាស្តីពី "ការលើកស្ទួយការចិញ្ចឹមសត្វជាលក្ខណៈគ្រួសារ ដើម្បីចូលរួមកាត់បន្ថយភាពក្រីក្រ និងកង្វះអាហារូបត្ថម្ភនៅកម្ពុជា"នៅថ្ងៃទី៣១ខែតុលា ឆ្នាំ២០១៩ ។ ជាមួយលោក ខៃរ៉ូល ហាហ្វីស និងអង្គការ Muslim Aid  ដើម្បីត្រួតពិនិត្យ វាយតម្លៃអំពីវឌ្ឍនភាពនៃការអនុវត្តគម្រោងលើកស្ទួយខ្សែច្រវាក់ផលិតកម្មនៃការចិញ្ចឹមសត្វ សំដៅលើកកម្ពស់ជីវភាពរស់នៅរបស់សហគមន៍ប្រកបដោយចីរភាព។ ការលើកកម្ពស់សេវាសុខភាពសត្វការការពារ បង្ការទប់ស្កាត់ជំងឺរាតត្បាតសត្វ ការធានាសុវត្ថិភាពសាច់ ផលិតផលសត្វដែលកម្ពុជាបានបំពេញកាតព្វកិច្ចក្នុងក្របខ័ណ្ឌអង្គការពាណិជ្ជក...

ភ្នំពេញ៖ ស្ថានទូតព្រះរាជាណាចក្រកម្ពុជាប្រចាំព្រះរាជាណាចក្រថៃឡង់ដ៍ បានប្រកាសថា ពលករខ្មែរនៅប្រទេសថៃ កំពុងបម្រើការងារតាមធម្មតាពុំមានការធ្វើដំណើរវិលត្រឡប់មកប្រទេសកម្ពុជា គំហុក ដូចដែលសារព័ត៌មានមួយចំនួនបានធ្វើការចុះផ្សាយនោះទេ ។  ចំណែកភាគីថៃ កំពុងដំណើរការបន្តទិដ្ឋាការស្នាក់នៅ និង ប័ណ្ណអនុញ្ញាតការងារជូនដល់បងប្អូនពលករអាចស្នាក់នៅ និងធ្វើការនៅក្នុងប្រទេសថៃបន្តទៀតបានរហូតដល់ ឆ្នាំ២០២២ ផងដែរ ។ យោងតាមសេចក្តីប្រកាសព័ត៌មានរបស់ស្ថានទូតកម្ពុជាប្រចាំប្រទេសថៃ នៅថ្ងៃទី៣១ ខែតុលា ឆ្នាំ២០១៩ បានបញ្ជាក់ថា ស្ថានទូតនៃព្រះរាជាណាចក្រកម្ពុជាប្រចាំព្រះរាជាណាចក្រថៃឡង់ដ៍ មានកិត្តិយសសូមជម្រាបជូនដល់សាធារណជន និងជាពិសេសបងប្អូនពលករកម្ពុជាដែលកំពុងស្នាក់នៅ និងធ្វើការនៅក្នុងប្រទេសថៃ ។ សេចក្តីប្រកាសដដែលបានបញ្ជាក់ថា កាលពីពេលថ្មីៗនេះ មានសារព័ត៌មានក្នុងស្រុក និង សារព័ត៌មានតាមបណ្តាញសង្គមមួយចំនួន បានយករូបភាពនិងក្តីបវីដេអូចាស...

ក្រុមហ៊ុន Samsung Electronics Co Ltd ដែលជាក្រុមហ៊ុនអេឡិចត្រូនិកធំជាងគេរបស់ប្រទេសកូរ៉េខាងត្បូង បានចេញសេចក្តីប្រកាសមួយ នៅថ្ងៃព្រហស្បតិ៍ ទី៣១ ខែតុលានេះ ស្តីអំពីការធ្លាក់ចុះរហូតដល់ ៥៦%នៃការលក់ផលិតផលបន្ទះឈីបរបស់ខ្លួននៅលើទីផ្សារជុំវិញពិភពលោក នៅត្រីមាសទី៣នៃឆ្នាំ២០១៩នេះ ។ នេះយោងតាមការចុះផ្សាយរបស់ Channel News Asia ។ សេចក្តីប្រកាសដដែលបានឲ្យដឹងថា ចំពោះប្រាក់ចំណូលក្នុងប្រតិបត្តិការរបស់ខ្លួន គឺមានតម្លៃទឹកប្រាក់ប្រមាណ ៧.៨កោដិវ៉ុន ស្មើនឹង ៦.៧ពាន់លានដុល្លារអាមេរិក ដែលកើនឡើងលើសការប៉ាន់ប្រមាណដែលមានតម្លៃទឹកប្រាក់ត្រឹមតែ ៧.៧កោដិវ៉ុន ។ នៅឆ្នាំ២០២០ខាងមុខនេះ ក្រុមហ៊ុន Samsung Electronics Co Ltd នឹងបង្កើនកំណើននៃការលក់ផលិតផលបន្ទះឈីប និងទូរស័ព្ទដៃដែលអាចភ្ជាប់ប្រព័ន្ធបច្ចេកវិទ្យាជំនាន់ទី៥ (5G) បាន ទៅតាមតម្រូវការរបស់អតិថិជននៅជុំវិញពិភពលោក ៕...

  ភ្នំពេញ៖ ធនាគារអភិវឌ្ឍន៍អាស៊ី (ADB) ផ្តល់ហិរញ្ញប្បទានសហប្រតិបត្តិការ មានទំហំទឹកប្រាក់ប្រមាណ ៩០លានដុល្លារ អាមេរិក សម្រាប់កម្មវិធីអភិវឌ្ឍន៍វិស័យហិរញ្ញវត្ថុប្រកបដោយបរិយាប័ន្ន នឹងគម្រោងផ្គត់ផ្គង់ទឹកស្អាត និងអនាម័យជនបទ។ លោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយក រដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានថ្លែង ឲ្យដឹងក្នុងពិធីចុះហត្ថលេខា លើកិច្ចព្រមព្រៀងហិរញ្ញប្បទានសហប្រតិបត្តិការ សម្រាប់គម្រោងកម្មវិធីអភិវឌ្ឍន៍វិស័យហិរញ្ញ វត្ថុប្រកបដោយបរិយាប័ន្ន និងគម្រោងផ្គត់ផ្គង់ទឹកស្អាត និងអនាម័យជនបទ ជាមួយលោកស្រី Sunniya DURRANI- JAMAL នាយកតំណាង ADB នៅកម្ពុជា នៅថ្ងៃទី៣០ ខែតុលា ឆ្នាំ២០១៩ ថា ហិរញ្ញប្បទានសហប្រតិបត្តិការ មានទំហំ ទឹកប្រាក់ប្រមាណ ៩០ លានដុល្លារអាមេរិក ។ ADB បានផ្តល់នេះ  សម្រាប់អភិវឌ្ឍន៍នៅក្នុងវិស័យធំៗចំនួនពីរ ក្នុងគម្រោង កម្មវិធីអភិវឌ្ឍន៍ វិស័យ ហិរញ្ញវត្ថុប្រកបដោយ...