សារព័ត៌មានដេលីខ្មែរ

  ភ្នំពេញ៖ រដ្ឋមន្រ្តីក្រសួងរ៉ែ និងថាមពល បានអះអាងថា នៅរដូវប្រាំងខាងមុខនេះ  កម្ពុជាលែងខ្វះខាតថាមពលអគ្គិសនីសម្រាប់ប្រើប្រាស់ទៀតឡើយ ។  ទោះបីរោងចក្រអគ្គិសនី ដើរដោយប្រេងខ្មៅ ដែលគ្រោង ដាក់ឲ្យដំណើរការនៅក្នុងរដូវប្រាំងខាងមុខនេះ សាងសង់មិនទាន់ចប់តាមផែនការក៏ដោយ ។ លោក ស៊ុយ សែម រដ្ឋមន្រ្តីក្រសួងរ៉ែ និងថាមពល បានថ្លែងបញ្ជាក់បែបនេះ នៅពេលចុះពិនិត្យរោងចក្រ អគ្គិសនីដើរដោយប្រេងខ្មៅ នៅឃុំកោះរះ ស្រុកល្វាឯម ខេត្តកណ្តាល នៅថ្ងៃទី១៧ ខែវិច្ឆិកា ឆ្នាំ២០១៩ ។ លោករដ្ឋមន្រ្តីក្រសួងរ៉ែ និងថាមពល បានបញ្ជាក់ឲ្យដឹងថា  ការសាងសង់រោងចក្រដើរដោយប្រេងខ្មៅនេះ រាជរដ្ឋាភិបាលបានចំណាយថវិការរបស់ជាតិ ដើម្បីបង្កើតរោងចក្រនេះឡើង ដែលមានកំលាំងថាមពលប្រមាណ ៤០០ មេហ្គាវ៉ាត់ ដោយគ្រោងសាងសង់ឲ្យរួចរាល់ជាស្ថាពរ នៅក្នុងខែមិថុនា ឆ្នាំ២០២០ ដើម្បីទ្រទ្រង់ការកង្វះអគ្គិសនីនៅរដូវប្រាំង នឹងទៅឆ្នាំខាងមុខបន្តបន្ទាប់ទៀត ។ ចំពោះគម្រោងនៃការសាងសង់រោងចក្រនេះ...

ប្រព័ន្ធផ្សព្វផ្សាយរដ្ឋកូរ៉េខាងជើង KCNA បានប្រកាសនៅថ្ងៃអាទិត្យ ទី១៧ ខែវិច្ឆិកានេះថា កូរ៉េខាងជើងនឹងមិនពិភាក្សាជាមួយសហរដ្ឋអាមេរិកស្តីអំពីការរំសាយកម្មវិធីនុយក្លេអ៊ែរ និងបច្ចេកវិទ្យាមីស៊ីលរបស់ខ្លួននោះទេ ប្រសិនបើអាមេរិកមិនព្រមបោះបង់ចោលនយោបាយអរិភាព (Hostile policy) របស់ខ្លួនជាមុន ។ នយោបាយអរិភាព (Hostile policy) របស់សហរដ្ឋអាមេរិកលើកូរ៉េខាងជើង ដែលប្រព័ន្ធផ្សព្វផ្សាយរដ្ឋកូរ៉េខាងជើង KCNA បានប្រកាស គឺសំដៅលើសេចក្តីសម្រេចរបស់អង្គការសហប្រជាជាតិក្នុងការរិះគន់កូរ៉េខាងជើង ពាក់ព័ន្ធនឹងការបាញ់សាកល្បងមីស៊ីលបាលីស្ទិក របស់កូរ៉េខាងជើងនៅពេលថ្មីៗនេះ ដោយបំពានលើសេចក្តីសម្រេចរបស់អង្គការនេះ ដែលបានហាមប្រាមប្រទេសនេះ មិនឲ្យបាញ់សាក ល្បង មីស៊ីលបាលីស្ទិកចាប់តាំងពីឆ្នាំ២០០៦កន្លងមក ។ សេចក្តីប្រកាសបែបនេះរបស់ KCNA ត្រូវបានធ្វើឡើងក្រោយពីកូរ៉េខាងជើង និងអាមេរិក មានគម្រោងនឹងជួបចរចាសាជាថ្មីឡើងវិញ នៅដើមខែធ្នូ ចុងឆ្នាំ២០១៩នេះ ស្តីពី...

ប្រព័ន្ធផ្សព្វផ្សាយ Yahoo បានចុះផ្សាយថា យន្តហោះចម្បាំង H-20 ដែលជាយន្តហោះចម្បាំងប្រភេទថ្មីរបស់ប្រទេសចិនមានសមត្ថភាពខ្ពស់អាចប្រកួតប្រជែងជាមួយយន្តហោះចម្បាំងរបស់សហរដ្ឋអាមេរិកបានគ្រប់ពេលទាំងការវាយប្រហារ និងគ្រប់គ្រងស្ថានភាពក្នុងការហោះហើរ ដែលយន្តហោះចម្បាំងនេះត្រូវបានដាក់បង្ហាញដោយកងទ័ពរំដោះប្រជាជនចិន PLAAF ។ លោកឧត្តមសេនីយ៍ Ma Xiaotian នាយទាហានជើងអាកាសចិនបាននិយាយថា យន្តហោះចម្បាំង H-20  មានសមត្ថភាពវាយលុកនៅតំបន់ប៉ាស៊ីហ្វិកទាំងមូលបាន ដោយអាចហោះហើរលើតំបន់សមុទ្រក្នុងចម្ងាយផ្លូវពី៥ទៅ៦ពាន់ម៉ាយ និងអាចវាយប្រហារបានគ្រប់គោលដៅទាំងអស់ ។ សូមបញ្ជាក់ថា ប្រទេសចំនួនបីនៅលើពិភពលោក មានសហរដ្ឋអាមេរិក ប្រទេសរុស្ស៊ី និងចិន ដែលមានសមត្ថភាពផលិតយន្តហោះចម្បាំង សម្រាប់វាយប្រហារគ្រប់គោលដៅបាន ទាំងទីតាំង នៅដែនគោក ដែនទឹក និងដែនអាកាសដូចគ្នា ៕...

ព្រះសីហនុ៖ សម្តេចតេជោ ហ៊ុន សែន បានមានប្រសាសន៍បន្តថា ក្រុងព្រះសីហនុនឹងក្លាយជាទីក្រុងដ៏ទាក់ទាញទាំងវិស័យទេសចរណ៍និងមជ្ឈមណ្ឌលពាណិជ្ជកម្ម ហើយជាទីក្រុងនៃច្រកកំណើនសេដ្ឋកិច្ចរបស់កម្ពុជា។ ចាប់ឆ្នាំ២០២០ ក្រុងព្រះសីហនុ នឹងប្រែប្រួលមុខមាត់យ៉ាងខ្លាំងទាំងផ្លូវ និងអគារ។ ក្នុងនោះអគារដែលមានកម្ពស់ចាប់៥ជាន់ ឡើងលើ សាងសង់រួចរាល់មានចំនួន ២២៩អគារ ហើយកំពុងសាង សង់ប្រមាណ៨០០អគារ។ សម្តេចតេជោ បន្តទៀតថា គ្រាន់តែឆ្នាំ២០១៩នេះ អ្នកទេសចរមកខេត្តព្រះសីហនុ មានចំនួន ១លាន ៩សែន ៤ម៉ឺននាក់ កើនឡើងប្រមាណ ១០.៦៧ភាគរយ ហើយនៅពេលដែលផ្លូវទាំងអស់ត្រូវបានសាង សង់រួចរាល់នោះ គឺក្រុងព្រះសីហនុនឹងក្លាយជាទីក្រុងទំនើបទាក់ទាញ ក្នុងនាមជាប៉ូលសេដ្ឋកិច្ចទី២នៅកម្ពុជា។ សម្តេចតេជោ មានប្រសាសន៍បែបនេះ ក្នុងពិធីបើកការដ្ឋានសាងសង់ផ្លូវ៣៤ខ្សែ ក្នុងក្រុងព្រះសីហនុ នាព្រឹកថ្ងៃសៅរ៍ ទី១៦ ខែវិច្ឆិកា ឆ្នាំ២០១៩នេះ។  សម្តេចតេជោ ហ៊ុន សែន បានថ្លែងថា បញ្ហាដែលត្រូវយកចិត្...

ព្រះសីហនុ៖  សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញជាអធិបតីដ៏ខ្ពង់ខ្ពស់នៅក្នុងពិធីបើកការដ្ឋានសាងសង់ផ្លូវ៣៤ខ្សែ ក្នុងក្រុងព្រះសីហនុ។ នៅព្រឹកថ្ងៃសៅរ៍ ទី១៦ ខែវិច្ឆិកា ឆ្នាំ២០១៩ ។ ផ្លូវចំនួន៣៤ខ្សែ ត្រូវបើកការដ្ឋានសាងសង់នៅពេលនេះ ជាផ្លូវក្នុងក្រុងបែបប្រណីត នឹងបម្រើនៅក្នុងវិស័យដឹកជញ្ជូន ការធ្វើដំណើរ និងបម្រើវិស័យទេសចរណ៍ ដ៏សំខាន់នៅក្នុងក្រុងព្រះសីហនុនេះ ជាពិសេសក្នុងគោលដៅប្រែក្លាយក្រុងព្រះសីហនុ ទៅជាទីក្រុងទំនើបដែលមានសោភ័ណ្ឌភាព បរិស្ថានល្អ សម្រាប់ការរស់នៅរបស់ប្រជាពលរដ្ឋ អ្នកទេសចរណ៍ និងអ្នកវិនិយោគ ជាពិសេសធានាបានគុណភាពខ្ពស់ រឹងមាំ ប្រើប្រាស់បានយូរអង្វែង។ សូមជម្រាបថា ផ្លូវ៣៤ខ្សែ ក្នុងក្រុងព្រះសីហនុ។ គឺជាផ្លូវធំៗ និង មានសោភ័ណ្ឌភាពបំផុតមិនធ្លាប់មាននៅកម្ពុជា។ ផ្លូវទាំង៣៤ខ្សែនេះ មានប្រវែងសរុបជាង ៨៤គីឡូម៉ែត្រ មានរង្វង់មូលចំនួន៣ និងស្ពានចំនួន៦ប្រវែង ២៥២ម៉ែ...

កូរ៉េខាងជើងបានជេរប្រទេច លោក ចូ បាយដិន (Joe Biden) អតីតអនុប្រធានាធិបតី និងជាបេក្ខជនប្រធានាធិបតីរបស់សហរដ្ឋអាមេរិកមកពីគណបក្សប្រជាធិបតេយ្យថាជាឆ្កែឆ្គួត (a rabid gog) ក្រោយពីលោក ចូ បាយដិន និយាយបង្កាច់បង្ខូចមេដឹកនាំកំពូលកូរ៉េខាងជើង លោក គីម ជុងអ៊ុន ដែលនេះបើតាមការផ្សព្វផ្សាយរបស់ប្រព័ន្ធផ្សព្វផ្សាយរដ្ឋកូរ៉េខាងជើង KCNA ។ KCNA មិនបានបង្ហាញទេថា តើលោក ចូ បាយដិន បាននិយាយបង្កាច់បង្ខូចលោក គីម ជុងអ៊ុន ថាយ៉ាងដូចម្តេចទេ ។ ប៉ុន្តែក្នុងយុទ្ធនាការឃោសនារកសម្លេងឆ្នោតសម្រាប់ឆ្នាំ២០២០ លោក ចូ បាយដិន បានរិះគន់នយោបាយរបស់លោកប្រធានាធិបតី ដូណាល់ ត្រាំ ដោយនិយាយថា លោកនឹងផ្តួលរំលំមេដឹកនាំផ្តាច់ការអោយអស់ ។ KCNA បានបន្ថែមថា អតីតអនុប្រធានាធិបតីអាមេរិករូបនេះ កំពុងបង្ហាញសញ្ញានៃវិកលចរិកក្នុងដំណាក់កាលចុងក្រោយហើយ (The final stage of dementia) ហើយលោក ចូ បាយដិន នឹងស្លាប់ដោយសារវិកលចរិកនេះក្នុងពេលដ៏ឆាប់ខាងមុខនេះ ៕...

ឧត្តមសេនីយ៍ Mark Milley ប្រធាននាយអគ្គសេនាធិការចម្រុះរបស់សហរដ្ឋអាមេរិក (Chairman of the U.S Joints Chief of Staff) បាននិយាយថា កូរ៉េខាងត្បូងត្រូវតែចំណាយទឹកប្រាក់ប្រមាណ៥ពាន់លានដុល្លារក្នុងមួយឆ្នាំ លើការរក្សាវត្តមានកងទ័ពអាមេរិកនៅក្នុងប្រទេសនេះ ។ នេះបើតាមការចុះផ្សាយរបស់ Reuters ។ ឧត្តមសេនីយ៍ Mark Milley បានគម្រាមថា សហរដ្ឋអាមេរិកនឹងកាត់បន្ថយបរិមាណកងទ័ពរបស់ខ្លួននៅលើទឹកដីកូរ៉េខាងត្បូងឲ្យនៅចំនួនតិចបំផុតនៅពេលខាងមុខ ប្រសិនបើប្រទេសនេះមិនបង្កើនការចំណាយ ខណៈដែលនៅពេលបច្ចុប្បន្ននេះ អាមេរិកបានរក្សាវត្តមានកងទ័ពរបស់ខ្លួនប្រមាណ២៨៥០០នាក់នៅកូរ៉េខាងត្បូង ។ ចំណែកសមាជិកសភាកូរ៉េខាងត្បូង បាននិយាយថា មេដឹកនាំរបស់សហរដ្ឋអាមេរិក បានទាមទារកូរ៉េខាងត្បូងឲ្យចំណាយប្រាក់ច្រើនពេកលើការរក្សាវត្តមានយោធារបស់ខ្លួននៅកូរ៉េខាងត្បូង ដែលទឹកប្រាក់៥ពាន់លានដុល្លារក្នុងមួយឆ្នាំ គឺច្រើនជាងការចំណាយជារៀងរាល់ឆ្នាំដល់ទៅជាង៥ដង ៕...