ព័ត៌មានទាន់ហេតុការណ៍

ប្រព័ន្ធផ្សព្វផ្សាយ Channel NewsAsia បានចុះផ្សាយថា ប្រមុខដឹកនាំរដ្ឋាភិបាលរបស់សហរដ្ឋអាមេរិក បានពង្រីកការចុះបញ្ជីខ្មៅផ្នែកពាណិជ្ជកម្មលើបុគ្គល និងក្រុមហ៊ុនមួយចំនួនបន្ថែមទៀតរបស់ប្រទេសចិន មុនពេលកិច្ចចរចាចាប់ផ្តើម ។ លោក Wilbur Ross រដ្ឋមន្ត្រីក្រសួងពាណិជ្ជកម្មអាមេរិក បានថ្លែងថា អាមេរិកបានសម្រេច កាលពីថ្ងៃចន្ទ ទី០៧ ខែតុលានេះ ក្នុងការចុះក្នុងបញ្ជីខ្មៅនូវមន្ត្រីការិយាល័យសន្តិសុខសាធារណៈចំនួន២០នាក់ និងក្រុមហ៊ុនចំនួន៨ក្រុមហ៊ុនផ្សេងទៀតរបស់ប្រទេសចិន ។ សូមបញ្ជាក់ជូនថា សេចក្តីសម្រេចក្នុងការពង្រីកការចុះបញ្ជីខ្មៅផ្នែកពាណិជ្ជកម្មលើបុគ្គល និងក្រុមហ៊ុនរបស់ប្រទេសចិន បានរុញច្រានឲ្យមានភាពតានតឹងកាន់តែខ្លាំង ខណៈដែលមន្ត្រីកម្រិតខ្ពស់របស់ប្រទេសចិន បានធ្វើដំណើរទៅកាន់សហរដ្ឋអាមេរិក ដើម្បីចាប់ផ្តើមកិច្ចចរចាផ្នែកពាណិជ្ជកម្មនៅថ្ងៃទី១០ ខែតុលា ឆ្នាំ២០១៩នេះ ៕...

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានបន្តដឹកនាំសម័យ ប្រជុំរដ្ឋសភាលើកទី៣ នីតិកាលទី៦ នៅព្រឹកថ្ងៃអង្គារ ទី៨ ខែតុលា ឆ្នាំ២០១៩ ដើម្បីពិភាក្សា និងអនុម័ត សេចក្តីព្រាងច្បាប់សំខាន់ៗ ចំនួនបី គឺសេចក្តីព្រាង ច្បាប់ស្តីពី ពាណិជ្ជកម្មតាមប្រព័ន្ធអេឡិចត្រូនិក។ សេចក្តីព្រាងច្បាប់ស្តីពី កិច្ចការពារអ្នកប្រើប្រាស់។ និងសេចក្តីព្រាងច្បាប់ស្តីពី របបសន្តិសុខសង្គម។ សេចក្តីព្រាងច្បាប់ខាងលើ សុទ្ធសឹងជាសេចក្តីព្រាងច្បាប់សំខាន់ៗ ដែលនឹង ក្លាយជាបទដ្ឋានគតិយុត្តក្នុងការលើកកម្ពស់ វិស័យពាណិជ្ជកម្ម និងរបបសន្តិសុខ សង្គម សម្រាប់គំាទ្រដល់កំណើនសេដ្ឋកិច្ច ការរីកចម្រើនវិស័យបច្ចេកវិទ្យា និង ការលើកកម្ពស់ជីវភាពរស់នៅរបស់ប្រជាពលរដ្ឋ ឱ្យកាន់តែរីកចម្រើនឡើង ស្រប តាមសម័យកាល។ សេចក្តីព្រាងច្បាប់ស្តីពី ពាណិជ្ជកម្មតាមប្រព័ន្ធអេឡិចត្រូនិក។សេចក្តីព្រាងច្បាប់នេះ មាន១២ជំពូក និង៦៧មាត្រា នឹងផ្តល់វិធានជាមូលដ្ឋាន ដ៏សំខាន់ក្នុងការ...

  ភ្នំពេញ៖ នៅរសៀលថ្ងៃទី០៧ ខែតុលា ឆ្នាំ២០១៩ លោកវេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទជួបជា មួយលោក Kanji KATO អនុរដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទជប៉ុន និងឯកអគ្គរាជទូតជប៉ុនប្រចាំព្រះរាជាណាចក្រកម្ពុជា ដើម្បីពិភាក្សាការងារពាក់ព័ន្ធនឹង វិស័យកសិកម្ម និងការធ្វើពាណិជ្ជកម្មលើផលិតផលកសិកម្ម។ លោកKanji KATO បានបញ្ជាក់ថា ដើម្បីពង្រឹងនិងពង្រីកទំហំពាណិជ្ជកម្មលើវិស័យកសិកម្មរវាងប្រទេសទាំងពីរ ជាពិសេសគឺផលិតកម្មសាច់គោ និងសាច់ជ្រូក។ ទន្ទឹមនឹងនេះ លោកក៏បានថ្លែងអំំណរគុណ និងវាយតម្លៃចំពោះ​ រដ្ឋមន្ត្រីវេង សាខុន ដែលបានផ្តល់កិច្ចសហការណ៍យ៉ាងល្អប្រសើរក្នុងការអនុវត្តគម្រោងនានាដើម្បីអភិវឌ្ឍន៍វិស័យកសិកម្ម ជំរុញកំណើនសេដ្ឋកិច្ច និងកាត់បន្ថយភាពក្រីក្ររបស់ប្រជាកសិករនៅតាមជនបទ។ លោករដ្ឋមន្ត្រីវេង សាខុន បានថ្លែងអំណរគុណ ដល់ប្រជាជន និងរាជរដ្ឋាភិបាលជប៉ុន ដែលបានជួយគាំទ្រដល់ការអភិវឌ្ឍប្រទេសកម្ពុជ...

ភ្នំពេញ៖  រាជរដ្ឋាភិបាលកម្ពុជា នឹងសាងសង់អគារថ្មីនៃមជ្ឈមណ្ឌលត្រចៀក ច្រមុះ បំពង់ក (ENT Center) នៅបរិវេណមន្ទីរពេទ្យព្រះអង្គឌួង ។ ក្រោមជំនួយឥតសំណងរបស់ទីភ្នាក់ងារសហប្រតិបត្តិការអន្តរជាតិកូរ៉េ ហៅកាត់ថា KOICA (កយកា) ។ យោងតាមបង្ហោះសារលើទំព័រ Facebook របស់ KOICA Cambodia បានឲ្យដឹងថា មជ្ឈមណ្ឌល ត្រចៀក ច្រមុះ បំពង់ក (ENT Center) នឹងត្រូវបំពាក់នូវសម្ភារៈទំនើបៗបំផុត ចាំបាច់នានា ដើម្បីពិនិត្យ ព្យាបាល និងវះកាត់ ធ្វើយ៉ាងណា ដើម្បីបង្កើនគុណភាពសេវាកម្ម ក្នុងមន្ទីពេទ្យឲ្យល្អប្រសើរមួយកំរិតទៀត។ នេះការលើកកំពស់ផ្នែកហេដ្ឋារចនាសម្ពន្ធរូបវន្ត សមត្ថិភាពរបស់វេជ្ជបណ្ឌិតជំនាញឯកទេស និងបុគ្គលិកទាំងអស់ នឹងត្រូវបាន បង្កើនសមត្តិភាព តាមរយៈកម្មវិធីបណ្តុះបណ្តាល និង ការផ្ទេរចំណេះដឹង និងចំណេះធ្វើពីវេជ្ជបណ្ឌិតជនជាតិកូរ៉េ៕...

ភ្នំពេញ៖ លោក សាយ សារុន ចៅក្រមស៊ើបសួរ សាលាដំបូងរាជធានីភ្នំពេញ បានសម្រេចចេញដីកាបង្គាប់ឲ្យឃុំខ្លួនជាបណ្តោះអាសន្ន ចំពោះក្រុមឧក្រិដ្ឋជនជួញដូរគ្រឿងញៀនជនជាតិចិន៤នាក់កាលពីនៅល្ងាចថ្ងៃទី០៦ ខែតុលា ឆ្នាំ២០១៩ ។  បន្ទាប់ពីលោក សុខ កែវបណ្ឌិត ជាតំណាងអយ្យការ សម្រេចចោទប្រកាន់លើឈ្មោះ YUN LiANFU ភេទប្រុស អាយ ៥១ឆ្នាំ, ឈ្មោះ FENG YONGCHAO ភេទប្រុស អាយុ ៤៨ឆ្នាំ, ឈ្មោះ CHOI KA LUN ភេទប្រុស អាយុ ៤៣ឆ្នាំ និងឈ្មោះ LAU CHUN KiN ភេទប្រុស អាយុ៤០ឆ្នាំ ពីបទ ជួញដូរ និង រក្សាទុកដោយខុសច្បាប់នូវសារធាតុញៀន យោងតាមមាត្រា ៤០ នៃច្បាប់ស្តីពី ការត្រួតពិនិត្យគ្តឿងញៀន។ សូមបញ្ជាក់ថា ជនជាតិចនទាង ៤នាក់ ត្រូវបានកម្លាំងនគរបាលមន្ទីរប្រឆាំងគ្រឿងញៀន ឃាត់ខ្លួនជាបន្តបន្ទាប់កាលពីថ្ងៃទី២ ខែតុលា ឆ្នាំ២០១៩ កន្លងទៅ នៅទីតាំងផ្សេងៗគ្នា ក្នុងទឹកដីរាជធានីភ្នំពេញ។ ជនសង្ស័យឈ្មោះ YUN LIANFU ត្រូវសមត្ថកិច្ចឃាត់ខ្លួន នៅក្នុងបន្ទប់ខុនដូជាន់ទី២៩ បន្ទប...

ប្រព័ន្ធផ្សព្វផ្សាយ RT បានចុះផ្សាយថា មន្ទីរបញ្ចកោណសហរដ្ឋអាមេរិកបានចាប់ផ្តើមដកកងទ័ពរបស់ខ្លួនចេញពីភាគខាងកើតនៃប្រទេសស៊ីរីហើយ នៅថ្ងៃចន្ទ ទី០៧ ខែតុលានេះ ទៅតាមគម្រោងរបស់លោកប្រធានាធិបតីអាមេរិកដូណាល់ ត្រាំ ។ សហរដ្ឋអាមេរិកបានរក្សាវត្តមានកងទ័ពរបស់ខ្លួនប្រមាណ២០០០នាក់នៅស៊ីរី ចាប់តាំងពីសង្គ្រាមស៊ីវិលបានផ្ទុះឡើងនៅប្រទេសនេះកាលពីឆ្នាំ២០១១កន្លងទៅ​។ ដោយកងទ័ពអាមេរិកទាំង២០០០នាក់មានគោលដៅប្រយុទ្ធប្រឆាំងក្រុមភេរវនិយម ។ អ្នកនាំពាក្យមន្ទីរបញ្ចកោណបានឲ្យដឹងថា  កងទ័ពទួរគីនឹងចូលទៅជំនួសកងទ័ពអាមេរិក ដើម្បីបំពេញកម្លាំងខ្វះចន្លោះ និងរួមសហការណ៍ជាមួយកងទ័ពក្រុមកុលសម្ព័ន្ធ ខឺត (Kurd) នៅស៊ីរី ដែលអាមេរិកបានបំពាក់អាវុធរួចជាស្រេចហើយ ៕...

ទីភ្នាក់ងារព័ត៌មាន TASS របស់រុស្ស៊ី បានចុះផ្សាយថា មេដឹកនាំរបស់ប្រទេសនេះ បានចំណាយទឹកប្រាក់ពី៤០លានទៅ១៥៦លានដុល្លារអាមេរិកក្នុងការផលិតមីស៊ីលសម្រាប់បំពាក់លើយន្តហោះចម្បាំង Su-57 មួយគ្រឿង នៅពេលខាងមុខ ។ លោក Alexey Krivoruchko អនុរដ្ឋមន្ត្រីការពារជាតិរុស្ស៊ី បានថ្លែងថា ក្រុមជំនាញរបស់ប្រទេសនេះ កំពុងផលិតមីស៊ីលប្រភេទថ្មីសម្រាប់បំពាក់លើយន្តហោះចម្បាំងប្រភេទ Su-57 ក្នុងគោលដៅបាញ់ពន្លិចនាវាចម្បាំងរបស់អាមេរិកនៅពេលខាងមុខ ។ លោក Alexey Krivoruchko បានបន្ថែមថា យន្តហោះចម្បាំងប្រភេទ Su-57 របស់រុស្ស៊ី មានសមត្ថភាពប្រហាក់ប្រហែលនឹងយន្តហោះចម្បាំងប្រភេទ F-22 និងF-35របស់អាមេរិក ប៉ុន្តែមីស៊ីលប្រភេទថ្មី ដែលនឹងត្រូវបានបំពាក់លើយន្តហោះចម្បាំង Su-57 នឹងធ្វើអោយយន្តហោះប្រភេទនេះមានសមត្ថភាពកាន់តែខ្លាំង ៕...