ព័ត៌មានអន្តរជាតិ

Worldometer បានចុះផ្សាយថា វីរុសCovid-19បានស្លាប់មនុស្សអស់ជាង៤ពាន់នាក់ក្នុង១ថ្ងៃ គឺចំនួន៤៣២២នាក់ និងឆ្លងទៅមនុស្សថ្មីប្រមាណជាង២៤ម៉ឺននាក់ គឺចំនួន២៤១ ២២២នាក់ ក្នុងរយៈពេល២៤ម៉ោងចុងក្រោយ គិតត្រឹមព្រឹកថ្ងៃពុធ ទី៩ ខែកញ្ញានេះ។ ក្នុងចំណោមប្រទេសលេ១ លេខ២ និងលេខ៣ គឺសហរដ្ឋអាមេរិក ឥណ្ឌា និងប្រទេសប្រស៊ីល ដែលមានមនុស្សស្លាប់ និងឆ្លងវីរុសCovid-19ច្រើនជាងគេនៅលើពិភពលោក គឺប្រទេសឥណ្ឌាជាប់លេខ១នៅថ្ងៃពុធនេះ ដែលមានមនុស្សស្លាប់ថ្មី និងឆ្លងថ្មីនៃវីរុសCovid-19ច្រើនជាងគេ គឺមានមនុស្សស្លាប់ថ្មីចំនួន១១០៧នាក់ និងមនុស្សឆ្លងថ្មីចំនួន៨៩៨៥២នាក់។ សូមបញ្ជាក់ជូនថា កំណើនមនុស្សឆ្លងវីរុសCovid-19សរុបនៅទូទាំងពិភពលោក បានកើនឡើងដល់ចំនួន២៧ ៧២២ ២៧៥នាក់ និងកំណើនមនុស្សស្លាប់សរុបបានកើនឡើងដល់៩០០ ៨៧៨នាក់ ខណៈដែលកំណើនមនុស្សជាសះស្បើយពីវីរុសនេះ បានកើនឡើងដល់ចំនួន១៩ ៨១២ ៣០៤នាក់ គិតត្រឹមព្រឹកថ្ងៃពុធនេះ៕...

ក្រសួងសេដ្ឋកិច្ចរបស់ប្រទេសជប៉ុន បានបង្ហាញទិន្នន័យមួយ នៅថ្ងៃអង្គារ ទី៨ ខែកញ្ញានេះ អំពីផលិតផលសរុបក្នុងស្រុក (GDP) របស់ប្រទេសនេះ ដែលបានធ្លាក់ចុះរហូតដល់២៨.១% នៅត្រីមាសទី២ចាប់តាំងពីខែមេសារហូតដល់ខែមិថុនានៃឆ្នាំ២០២០នេះ ដែលជាការធ្លាក់ចុះកំណើនសេដ្ឋកិច្ចទាបបំផុត ដែលនេះបើយោងតាម CNA ។ មន្ត្រីជំនាញផ្នែកសេដ្ឋកិច្ចជប៉ុន បាននិយាយថា ការឆ្លាក់ចុះកំណើនសេដ្ឋកិច្ចទៅក្នុងកម្រិតទាប គឺដោយសារផលប៉ះពាល់ពីការបិទសេដ្ឋកិច្ច និងបិទប្រទេសរបស់រដ្ឋាភិបាលក្នុងវិធានការទប់ស្កាត់ការឆ្លងរាលដាលវីរុសCovid-19 ចាប់តាំងពីត្រីមាសទី១រហូតដល់ត្រីមាសទី២ឆ្នាំនេះ ។ សម្រាប់ក្រុមហ៊ុន Honda Motor ដែលជាក្រុមហ៊ុនផលិតរថយន្តដ៏ធំរបស់ប្រទេសជប៉ុន បានអោយដឹងថា ប្រតិបត្តិការផលិតកម្មរថយន្តរបស់ខ្លួន ត្រូវបានកាត់បន្ថយរហូតដល់៦៨% ចាប់តាំងពីត្រីមាសទី១រហូតដល់ត្រីមាសទី២ ដែលធ្វើអោយប៉ះពាល់យ៉ាងធ្ងន់ធ្ងរដល់ប្រាក់ចំណូលប្រចាំត្រីមាសរបស់ក្រុមហ៊ុននេះ ៕...

Worldometer បានចុះផ្សាយថា ក្នុងរយៈពេល២៤ម៉ោងចុងក្រោយ គិតត្រឹមថ្ងៃចន្ទ ទី៧ ខែកញ្ញានេះ ប្រទេសឥណ្ឌាជាប់លេខ១នៅលើពិភពលោក ដែលមានមនុស្សស្លាប់ថ្មី និងឆ្លងថ្មីនៃវីរុសCovid-19ប្រចាំថ្ងៃច្រើនជាងគេ គឺឥណ្ឌាមានមនុស្សស្លាប់ថ្មីចំនួន១០០៨នាក់ និងមនុស្សឆ្លងថ្មីចំនួន៩១ ៧២៣នាក់ ។ ប្រទេសឥណ្ឌាក៏ជាប់លំដាប់ថ្នាក់លេខ២នៅលើពិភពលោកដែរ ដែលមានមនុស្សឆ្លងវីរុសCovid-19សរុបច្រើនជាងគេបន្ទាប់ពីសហរដ្ឋអាមេរិក ដែលគិតត្រឹមព្រឹកថ្ងៃចន្ទនេះ ឥណ្ឌាមានមនុស្សឆ្លងវីរុសCovid-19សរុបចំនួន៤ ២០២ ៥៦២នាក់ និងមនុស្សស្លាប់សរុបចំនួន៧១ ៦៨៧នាក់ ខណៈដែលសហរដ្ឋអាមេរិក មានមនុស្សឆ្លងសរុបចំនួន៥ ៤៦០ ២១៣នាក់ និងប្រទេសប្រេស៊ីលជាប់លំដាប់ថ្នាក់លេខ៣វិញ ។ សូមបញ្ជាក់ជូនថា គិតត្រឹមព្រឹកថ្ងៃចន្ទនេះ កំណើនមនុស្សឆ្លងវីរុសCovid-19សរុបនៅទូទាំងពិភពលោកបានកើនឡើងដល់ ២៧ ២៨២៨ ៧៩៨នាក់ និងកំណើនមនុស្សស្លាប់សរុបបានកើនឡើងដល់ ៨៨៧ ២៧៨នាក់ ខណៈដែលកំណើនមនុស្សជាសះស្បើយពីវីរុសនេះបានកើន...

ក្រសួងរតនាគារ និងក្រសួងការបរទេសរបស់សហរដ្ឋអាមេរិក បានប្រកាសមួយកាលពីថ្ងៃព្រហស្បតិ៍ ទី៣ ខែកញ្ញានេះ ពាក់ព័ន្ធនឹងសេចក្តីសម្រេចក្នុងការដាក់ទណ្ឌកម្មផ្នែកហិរញ្ញវត្ថុលើអង្គភាពដែលពាក់ព័ន្ធជាមួយប្រទេសអ៊ីរ៉ង់ចំនួនចំនួន១១អង្គភាព ដែលនេះបើតាមការចុះផ្សាយរបស់ NHK ។ សេចក្តីកាសនោះ បានអោយដឹងថា អង្គភាពដែលពាក់ព័ន្ធជាមួយប្រទេសអ៊ីរ៉ង់ទាំង១១អង្គភាពនោះ មានមូលដ្ឋាននៅប្រទេសអ៊ីរ៉ង់ ប្រទេសចិន និងប្រទេសអារ៉ាប់រួម ហើយទណ្ឌកម្មនេះបានចូលជាធរមានចាប់តាំងពីថ្ងៃព្រហស្បតិ៍ ។ ក្រសួងរតនាគាររបស់សហរដ្ឋអាមេរិក បានចោទប្រកាន់អង្គភាពទាំង១១នោះពីបទរំលោភបំពានលើបម្រាមអាមេរិកលើការនាំចេញប្រេងឥន្ធនៈពីប្រទេសអ៊ីរ៉ង់ទៅកាន់ទីផ្សារអន្តរជាតិ ឬអង្គភាពទាំង១១នោះ ទទួលទិញប្រេងឥន្ធនៈពីអ៊ីរ៉ង់ដោយបំពាន់បម្រាមរបស់អាមេរិក ៕...

ការវិភាគរបស់ការិយាល័យសេដ្ឋកិច្ចរបស់សហរដ្ឋអាមេរិក (Bureau of Economic Analysis) បានបង្ហាញថា ផលិតផលក្នុងស្រុកសរុប (GDP) របស់សហរដ្ឋអាមេរិក នឹងធ្លាក់ចុះ៣១.៧%ក្រោមសូន្យនៅត្រីមាសទី២នៃឆ្នាំ២០២០នេះ លើការធ្លាក់ចុះ GDP ៥.០%ក្រោមសូន្យកាលពីត្រីមាសទី១នៃឆ្នាំដដែលនេះ ដែលនេះបើតាមការចុះផ្សាយរបស់ BEA ។ ការិយាល័យសេដ្ឋកិច្ចរបស់សហរដ្ឋអាមេរិកដដែលបានបន្ថែមថា កំណើនសេដ្ឋកិច្ចរបស់សហរដ្ឋអាមេរិក ដែលបានធ្លាក់ចុះរហូតដល់៣១.៧%ក្រោមសូន្យនៅត្រីមាសទី២ គឺដោយសារការបិទសេដ្ឋកិច្ចរបស់រដ្ឋាភិបាល ក្នុងវិធានការទប់ស្កាត់ការឆ្លងរាលដាលវីរុសCovid-19ចាប់តាំងពីដើមឆ្នាំរហូតដល់ពេលបច្ចុប្បន្ននេះ ។ ចំពោះចំនួនអ្នកអត់ការងារធ្វើនៅសហរដ្ឋអាមេរិក បានកើនឡើងរហូតដល់១១.១% នៅត្រីមាសទី២ ខែស្មើនឹងអ្នកអត់ការងារធ្វើប្រមាណជាង១៦.៣លាននាក់ ដែលជាចំនួនអ្នកអត់ការងារធ្វើខ្ពស់បំផុតមិនធ្លាប់មានចាប់តាំងពីឆ្នាំ១៩៤៨កន្លងមក ៕...

ផលិតកម្មឧស្សាហកម្មរបស់ប្រទេសជប៉ុន បានកើនឡើង៨%ក្នុងរយៈពេល២ខែជាប់គ្នា គឺកាលពីខែកក្កដា និងសីហា ឆ្នាំ២០២០នេះ ដែលជាកំណើនផលិតកម្មប្រសើរឡើងវិញ ខណៈដែលរដ្ឋាភិបាលជប៉ុននៅតែបន្តវិធានការទប់ស្កាត់ការឆ្លងរាលដាលវីរុសCovid-19 ដែលនេះបើតាមការចុះផ្សាយរបស់ NHK ។ មន្ត្រីក្រសួងឧស្សាហកម្ម បាននិយាយថា កំណើនផលិតកម្មឧស្សាហកម្មរបស់ប្រទេសនេះ អាចនឹងកើនឡើងបន្ថែមទៀតនៅពេលខាងមុខ ទោះបីជាមានករណីឆ្លងវីរុស Covid-19ក៏ដោយ ប្រសិនបើមានតម្រូវការខ្ពស់នៅលើទីផ្សារអន្តរជាតិ ។ មន្ត្រីឧស្សាហកម្មដដែលបានបន្តថា កាលពីខែសីហា ផលិតកម្មឧស្សាហកម្មបានកើនឡើង៤%បន្ថែមលើកំណើនស្រាប់កាលពីខែកក្កដា ហើយនៅខែកញ្ញានេះ ផលិតកម្មឧស្សាហកម្មរបស់ប្រទេសនេះ នឹងកើនឡើង១.៩%បន្ថែមលើកំណើនដែលបានកើនឡើងស្រាប់ ដែលបង្ហាញពីការប្រសើរឡើងវិញនៃផលិតកម្មឧស្សាហកម្មរបស់ប្រទេសនេះ ៕...