ព័ត៌មានអន្តរជាតិ

ក្រសួងការពារជាតិរបស់សហរដ្ឋអាមេរិក បានចេញរបាយការណ៍ប្រចាំឆ្នាំមួយ កាលពីថ្ងៃអង្គារ ទី១ ខែកញ្ញានេះ ពាក់ព័ន្ធកំណើនក្បាលគ្រាប់​នុយក្លេអ៊ែររបស់ប្រទេសចិន ដែលបន្តកើនឡើងរហូតដល់ជាង២០០គ្រាប់ ដែលនេះបើយោងតាម NHK ។ របាយការណ៍របស់ក្រសួងការពារជាតិអាមេរិកដដែល បានអំពាវអោយប្រទេសចិនចូលក្នុងសន្ធិសញ្ញា New START ដែលជាសន្ធិសញ្ញាកាត់បន្ថយ​ក្បាលគ្រាប់នុយក្លេអ៊ែររវាងសហរដ្ឋអាមេរិក និងប្រទេសរុស្ស៊ី ដែលបានចូលជាធរមានកាលពីថ្ងៃទី៥ ខែកុម្ភៈ ឆ្នាំ២០១១កន្លងទៅ ។ ចំណែកអ្នកនាំពាក្យក្រសួងការបរទេសចិន បានអះអាងថា បរិមាណក្បាលគ្រាប់នុយក្លេអ៊ែររបស់ប្រទេសចិន គឺមានតិចតួចបំផុតបើប្រៀប​ធៀប​​នឹងបរិមាណក្បាលគ្រាប់នុយក្លេអ៊ែរ ដែលសហរដ្ឋអាមេរិក និងប្រទេសរុស្ស៊ីមាន ដូច្នេះចិនមិនត្រូវការចូលរួមក្នុងសញ្ញា New START របស់សហរដ្ឋអាមេរិក និងរុស្ស៊ីនោះទេ ៕...

Emerson College Polling បានធ្វើការស្ទង់មតិមួយអំពីប្រជាប្រិយភាពរបស់បេក្ខជនប្រធានាធិបតីអាមេរិក ក្នុងការបោះឆ្នោតជ្រើសរើសប្រធានាធិបតីរបស់សហរដ្ឋអាមេរិក ដែលនឹងប្រព្រឹត្តទៅនៅថ្ងៃទី៣ ខែវិច្ឆិកា ឆ្នាំ២០២០ខាងមុខនេះ ។ Emerson College Polling បានស្ទង់មតិលើប្រជាពលរដ្ឋម្ចាស់ឆ្នោតប្រមាណ១៥៦៧នាក់ អំពីប្រជាប្រិយភាពរបស់លោក ចូ បាយដិន បេក្ខជនប្រធានាធិបតីមកពីគណបក្សប្រជាធិបតេយ្យ និងលោក ដូណាល់ ត្រាំ បេក្ខជនប្រធានាធិបតីមកពីគណបក្សសាធារណរដ្ឋ ចាប់ពីថ្ងៃទី៣០ដល់ថ្ងៃទី៣១ខែសីហាកន្លងទៅថ្មីៗនេះ ហើយលទ្ធផលបង្ហាញថា លោក ចូ បាយដិន ទទួលបានការគាំទ្រ៤៩% និងលោក ដូណាល់ ត្រាំ ទទួលបានសម្លេងគាំទ្រ៤៧% ។ ប្រជាពលរដ្ឋម្ចាស់ឆ្នោត គាំទ្រលោក ចូ បាយដិន លើយុទ្ធសាស្ត្រក្នុងការប្រយុទ្ធប្រឆាំងនឹងការឆ្លងរាល ដាលវីរុសCovid-19 ការផ្តល់ការងារជូនប្រជាពលរដ្ឋ និងការជ្រោងស្ទួយសេដ្ឋកិច្ចអោយងើបឡើងវិញ ដែលសុទ្ធតែជាយុទ្ធសាស្ត្រដែលលោក ត្រាំ ទទួលបរាជ័យ ៕...

Worldometer បានចុះផ្សាយថា កំណើនមនុស្សឆ្លងវីរុសCovid-19សរុបនៅទូទាំងពិភពលោកបានកើនឡើងដល់ជាង២៥លាននាក់ហើយ គឺចំនួន ២៥ ៣៨២ ៤៩៧នាក់ និងកំណើនមនុស្សស្លាប់សរុបដោយសារវីរុសនេះបានកើនឡើងដល់ ៨៥០ ៥០២នាក់ ខណៈដែលមនុស្សជាសះស្បើយសរុបបានកើនឡើងដល់ ១៧ ៧០៤ ៧៦១នាក់ គិតត្រឹមព្រឹកថ្ងៃចន្ទ ទី៣១ ខែសីហានេះ ។ ក្នុងរយៈពេល២៤ម៉ោងចុងក្រោយ គិតត្រឹមព្រឹកថ្ងៃចន្ទនេះ ប្រទេសឥណ្ឌាមានករណីឆ្លងថ្មីប្រចាំថ្ងៃ និងមនុស្សស្លាប់ប្រចាំថ្ងៃដោយសារវីរុសCovid-19ច្រើនជាងគេបំផុត គឺមានមនុស្សឆ្លងថ្មីចំនួន៧៩ ៤៥៧នាក់ និងមនុស្សស្លាប់ថ្មីចំនួន៩៦០នាក់ ខណៈដែលប្រទេសប្រេស៊ីលមានមនុស្សឆ្លងថ្មីចំនួន ១៥ ៣៤៦នាក់ និងមនុស្សស្លាប់ថ្មីចំនួន ៣៩៨នាក់ និងសហរដ្ឋអាមេរិកមានមនុស្សឆ្លងថ្មីចំនួន ៣៣ ៩៨១នាក់ និងមនុស្សស្លាប់ថ្មីចំនួន ៣៦៩នាក់ ។ ក្នុងរយៈពេល២៤ម៉ោងចុងក្រោយដូចគ្នានេះ វីរុសCovid-19បានសម្លាប់មនុស្សថ្មីអស់ចំនួន ៤១៨២នាក់ និងឆ្លងទៅមនុស្សថ្មីចំនួន ២២០ ១៦៣នាក់ នៅជុំវិញ...

ប្រព័ន្ធផ្សព្វផ្សាយ Kyodo News បានចុះផ្សាយថា នាយករដ្ឋមន្ត្រីរបស់ប្រទេសជប៉ុន លោក ស៊ីនហ្សូ អាបេ នឹងប្រកាសលាលែងចេញពីតំណែងនៅប្រហែលម៉ោង៥ល្ងាចថ្ងៃសុក្រ ទី២៨ ខែសីហានេះ ដោយសារបញ្ហាសុខភាព និងបញ្ហាពាក់ព័ន្ធផ្សេងទៀត ។ ប្រភពដដែលបានបន្តថា លោក អាបេ មានជំងឺរលាកពោះវៀនធ្ងន់ធ្ងរ ដែលកាលពីថ្ងៃទី១៧ ខែសីហានេះ នាយករដ្ឋមន្ត្រីជប៉ុនរូបនេះបានធ្វើដំណើរទៅពិនិត្យសុខភាពជាលើកដំបូងនៅមន្ទីរពេទ្យ ហើយនៅថ្ងៃទី១៧ខែដដែលនេះ លោក អាបេ ក៏បានទៅពិនិត្យសុខភាពម្តងទៀត និងបានប្រកាសពីគម្រោងលាលែងចេញពីតំណែង ។ សូមបញ្ជាក់ជូនថា លោក អាបេ អាយុ៦៥ឆ្នាំ និងបានឡើងកាន់តំណែងជានាយករដ្ឋមន្ត្រីចាប់តាំងពីខែធ្នូ ចុងឆ្នាំ២០១២កន្លងមក ហើយលោក អាបេ បានកាន់តំណែងជានាយករដ្ឋមន្ត្រីរបស់ប្រទេសជប៉ុនបានយូរជាងគេ ៕...