ព័ត៌មានអន្តរជាតិ

(ប៉េកាំង)៖ ទឹកដីសហរដ្ឋអាមេរិក គឺជាកន្លែងប្រមូលផ្តុំអ្នកវិទ្យាសាស្រ្ត និងអ្នកជំនាញលំដាប់កំពូលជាច្រើន ហើយមានមោទនភាពជ្រុលហួសចំពោះសមត្ថភាព និងធនធានរបស់ខ្លួន នៅស្ទើរពាសពេញពិភពលោក ដើម្បីពុះពារដោះស្រាយវិបត្តិសុខមាលភាពប្រជាពលរដ្ឋ។ ផ្ទុយទៅវិញ មនុស្សជាច្រើនកំពុងចោទសួរថា ហេតុអ្វីបានជាសហរដ្ឋអាមេរិក ដែលអាចជាគំរូគេក្នុងការប្រយុទ្ធប្រឆាំងនឹងការផ្ទុះឡើងនៃជំងឺរាតត្បាតកូវីដ១៩ បែរជាខ្ជះខ្ជាយចំពោះសមត្ថភាពរបស់ខ្លួន ក្នុងការទប់ស្កាត់ការរីករាលដាលនៃវីរុសនេះទៅវិញ រហូតធ្វើឲ្យទឹកដីអាមេរិកក្លាយទៅជាប្រទេសរងគ្រោះខ្លាំងជាងគេ និងមានមនុស្សស្លាប់ច្រើនលើសគេ។ ចម្ងល់ខាងលើនេះ គឺមិនមានអ្វីស្រួលពន្យល់ច្បាស់ជាង ភាពក្រអឺតក្រទមឡើយ។ ទីភ្នាក់ងារព័ត៌មាន សិនហួររបស់ចិន បានបញ្ចេញទស្សនៈថា នៅក្នុងសន្ទស្សន៍ ស្តីពីសន្តិសុខសុខភាពសកល (Global Health Security) ដែលជាការវាយតម្លៃដ៏ទូលំទូលាយផ្នែកសន្តិសុខសុខភាព និងសមត្ថភាព ក្នុងចំណោម១៩៥ប្រទេ...

ការិយាល័យថវិកាសភារបស់សហរដ្ឋអាមេរិក បានប៉ាន់ប្រមាណថា កំណើនសេដ្ឋកិច្ចរបស់ប្រទេសមហាអំណាចមួយនេះ នឹងធ្លាក់ចុះទៅក្នុងកម្រិតទាបបំផុតនៅឆ្នាំ២០២០នេះ ដែលជាការធ្លាក់ចុះនៃកំណើនសេដ្ឋកិច្ចមិនធ្លាប់មានក្នុងរយៈពេល១១ឆ្នាំកន្លងមកនេះ ដែលនេះបើតាមការចុះផ្សាយរបស់ NHK World-Japan ។ ប្រភពដដែលបានបន្តថា ការប៉ាន់ប្រមាណនេះគឺផ្អែកទៅលើទិន្នន័យចុងក្រោយដែលបង្ហាញថា ផលិតផលសរុបក្នុងស្រុករបស់សហរដ្ឋអាមេរិកបានធ្លាក់ចុះ៤.៨%កាលពីត្រីមាសទី០១ឆ្នាំនេះ គឺនៅចន្លោះពីខែមករាដល់ខែមីនា ឆ្នាំ២០២០នេះ ។ ក្នុងរយៈពេលដូចគ្នានេះ ការវិនិយោគផ្នែកអាជីវកម្មនៅសហរដ្ឋអាមេរិក ក៏បានធ្លាក់ចុះ៨.៦%ផងដែរ ខណៈដែលការនាំចេញបានធ្លាក់ចុះ៨​.៧% ហើយផលិតផលសរុបក្នុងស្រុករបស់សហរដ្ឋអាមេរិកនៅត្រីមាសទី០២នេះ អាចនឹងធ្លាក់ចុះរហូតដល់៤០% ដែលជាការធ្លាក់ចុះទៅក្នុងកម្រិត​ទាបបំផុតចាប់តាំងពីឆ្នាំ១៩៤៧កន្លងមក ៕  ...

ប្រព័ន្ធផ្សព្វផ្សាយ CNA បានចុះផ្សាយថា ប្រាក់ចំណូលរបស់ក្រុមហ៊ុន Samsung Electronics Co Ltd របស់ប្រទេសកូរ៉េខាងត្បូង នឹងធ្លាក់ចុះទៅកម្រិតទាបជាងការរំពឹងទុក នៅត្រីមាសទី២នៃឆ្នាំ២០២០ នេះ ដោយសារការឆ្លងរាលដាលនៃវីរុសCovid-19 ។ ប្រភពដដែលបានបន្តថា តាមការរំពឹងទុក ប្រាក់ចំណូលរបស់ក្រុមហ៊ុនអេឡិចត្រូនិក មួយនេះ នឹងមានតម្លៃទឹកប្រាក់ប្រមាណ៦.៤សែនកោដិវ៉ុន ស្មើនឹង៥.២ពាន់លានដុល្លារអាមេ រិក បើប្រៀបធៀបនឹងឆ្នាំកន្លងទៅ ដែលមានតម្លៃទឹកប្រាក់ប្រមាណ៦.២សែនកោដិវ៉ុន ប៉ុន្តែបរិមាណប្រាក់ចំណូលនៅត្រីមាសទី២នេះ នឹងធ្លាក់ចុះទាបបំផុត ។ សូមបញ្ជាក់ជូនថា ប្រាក់ចំណូលរបស់ក្រុមហ៊ុន Samsung Electronics Co Ltd របស់ប្រទេសកូរ៉េខាងត្បូង នឹងធ្លាក់ចុះដោយសារតែការធ្លាក់ចុះនៃការលក់ផលិតផល ទូរទស្សន៍ បន្ទះMemory និងទូរស័ព្ទដៃជាដើម នៅលើទីផ្សារជុំវិញពិភពលោក ៕...

ប្រព័ន្ធផ្សព្វផ្សាយ The Straits Times បានចុះផ្សាយថា ឪពុកមារបស់លោក គីម ជុងអ៊ុន គឺលោក គីម ប្យុង អ៊ីល អាចជាអ្នកស្នងតំណែងជាមួយមេដឹកនាំកំពូលកូរ៉េខាងជើងជំនួសលោក គីម ជុងអ៊ុន ប្រសិនបើលោក គីម ជុងអ៊ុន មានបញ្ហាសុខភាពធ្ងន់ធ្ងររហូតដល់គ្មានសមត្ថភាពដឹកនាំប្រទេស ឬលោក គីម ជុងអ៊ុន បានបាត់បង់ជីវិត។ លោក គីម ប្យុង អ៊ីល អាយុ៦៥ឆ្នាំ គឺជាអ្នករស់រានមានជីវិតចុងក្រោយ ដែលគេស្គាល់ថា ជាកូនប្រុសរបស់បិតាស្ថាបនិកកូរ៉េខាងជើង លោក គីម អ៊ីលស៊ុង ហើយឪពុកមារបស់លោក គីម ជុងអ៊ុន រូបនេះ បានលេចមុខចេញជាសាធារណៈសាជាថ្មី ខណៈដែលលេចលឺដំណឹងពីសុខភាពធ្ងន់ធ្ងររបស់លោក គីម ជុងអ៊ុន។ សូមបញ្ជាក់ជូនថា ខណៈដែលមានពាក្យចចាមអារ៉ាមពីស្ថានភាពសុខភាពធ្ងន់ធ្ងររបស់លោក គីម ជុងអ៊ុន មតិជាច្រើនបានលើកឡើងថា លោកស្រី គីម យ៉ូចុង ដែលជាប្អូនស្រីបង្កើតរបស់លោក គីម ជុងអ៊ុន អាចជាអ្នកស្នងតំណែងរបស់លោក គីម ជុងអ៊ុន ជាមេដឹកនាំកំពូលកូរ៉េខាងជើង៕...

ប្រព័ន្ធផ្សព្វផ្សាយ The Jakarta Post បានចុះផ្សាយនៅថ្ងៃអង្គារ ទី២៨ ខែមេសានេះថា ក្រុមហ៊ុនផលិតរថយន្តនានារបស់សហភាពអឺរ៉ុប បានចាប់ផ្តើដំណើរការសង្វាក់ផលិតកម្ម របស់ខ្លួនឡើងវិញហើយ កាលពីថ្ងៃ ចន្ទ ទី២៧ ខែមេសានេះ ខណៈដែលមានការបន្ធូរបន្ថយ វិធានការបិទប្រទេសនៅតំបន់មួយ ចំនួនដោយសារការឆ្លងរាលដាលនៃវីរុសCovid-19 ។ ក្រុមហ៊ុនដែលបានសម្រេចចិត្ត ចាប់ផ្តើមដំណើរការសង្វាក់ផលិតកម្មផលិតរថយន្តឡើង វិញនោះ គឺមានក្រុមហ៊ុន Volkswagen និងក្រុមហ៊ុន BMW របស់ប្រទេស អាល្លឺម៉ង់ជាដើម ហើយក្រុមហ៊ុន Mercede និងក្រុមហ៊ុនផ្សេងទៀត នឹងបើកដំណើរការសង្វាក់ផលិត កម្មរបស់ខ្លួននៅពេលខាងមុខ ។ សូមបញ្ជាក់ជូនថា ក្រុមហ៊ុនផលិតរថយន្តទាំងអស់នៅសហភាពអឺរ៉ុប បានបិទដំណើរ ការសង្វាក់ផលិតកម្មរបស់ខ្លួននៅអឺរ៉ុប ដោយសារតែការឆ្លងរាលដាលនៃវីរុសCovid-19 ដែល ចេះតែបន្តកើនឡើងនៅក្នុងតំបន់នេះ ៕...

ប្រព័ន្ធផ្សព្វផ្សាយ New York Post បានចុះផ្សាយថា ប្រមុខដឹកនាំកំពូលកូរ៉េខាងជើង លោក គីម ជុងអ៊ុន មិនបង្ហាញខ្លួនជាសាធារណៈ គឺដោយសារមេដឹកនាំរូបនេះ ព្រួយបារម្ភពីការឆ្លងរាលដាលនៃវីរុសCovid-19 ។ ប្រភពដដែលបានលើកយកសម្តីរបស់មន្ត្រីកូរ៉េខាងត្បូងទទួលបន្ទុកកិច្ចការកូរ៉េខាងជើង ដែលបានលើកឡើងថា លោក គីម ជុងអ៊ុន នៅតែដឹកនាំប្រទេសតាមធម្មតាដោយមិនមានបញ្ហាសុខភាពទេ ហើយនៅពេលបច្ចុប្បន្ននេះ មេដឹកនាំកំពូលកូរ៉េខាងជើងរូបនេះ កំពុងស្នាក់នៅទីរមណីយដ្ឋាន វ៉ុនសាន ដើម្បីចៀសវាងការឆ្លងវីរុសCovid-19 ។ សូមបញ្ជាក់ជូនថា ក្នុងរយៈពេលជាងមួយសប្តាហ៍កន្លងមកនេះ មានពាក្យចចាមអារ៉ាមជាច្រើន រួមទាំងប្រព័ន្ធផ្សព្វផ្សាយផងដែរ បានលើកឡើង និងបានចុះផ្សាយថា លោក គីម ជុងអ៊ុន បានបាត់បង់ជីវិតហើយ ខណៈដែលពាក្យចចាមអារ៉ាមខ្លះបានលើកឡើងថា លោក គីម មានស្ថានភាពជំងឺធ្ងន់ធ្ងរបំផុត ក្រោយពីវះកាត់សរសៃឈាមបះដូង ៕...

សេចក្តីណែនាំស្តីពីការព្យួរកិច្ចសន្យាការងារនិងការផ្អាកបង់ភាគទាន ប.ស.ស. សម្រាប់រោងចក្រ សហគ្រាស គ្រឹះស្ថានក្នុងវិស័យកាត់ដេរ និងទេសចរណ៍ ដែលរងផលប៉ះពាល់ធ្ងន់ធ្ងរដោយសារជំងឺកូវីដ-១៩។    

ការឆ្លងរាលដាលនៃវីរុសCovid-19នៅជុំវិញពិភព លោក នៅតែបន្តកើនឡើងក្នុងល្បឿនលឿនដដែល ដែលគិតត្រឹមថ្ងៃចន្ទ ទី២៧ ខែមេសានេះ ចំនួនមនុស្សឆ្លងវីរុសនេះ បានកើនឡើងដល់ជិត៣លាននាក់ហើយ គឺចំនួន២ ៩៩៥ ៧៥៧នាក់ ដែលនេះបើតាមការចុះផ្សាយរបស់ប្រព័ន្ធផ្សព្វផ្សាយ Worldometer ។ ចំណែកការបាត់បង់ជីវិតមនុស្សសរុបដោយសារវីរុសផ្លូវដង្ហើមមួយនេះ ក៏បានកើនឡើងជាង២០ម៉ឺននាក់ដែរ គឺចំនួន២០៧ ០២២នាក់ ខណៈដែលអ្នកជំងឺCovid-19ចំនួន៨៨១ ៨៤៥នាក់ បានជាសះស្បើយពីវីរុសនេះ គិតត្រឹមថ្ងៃចន្ទដូចគ្នានេះ ។ សូមបញ្ជាក់ជូនថា សហរដ្ឋអាមេរិកគឺជាប្រទេសដែលមានករណីឆ្លង និងការបាត់បង់ជីវិតមនុស្សច្រើនជាងគេដោយសារតែវីរុសCovid-19 ដែលមនុស្សឆ្លងសរុបនៅអាមេរិកមានចំនួន៩៨៧ ៣២២នាក់ និងមនុស្សចំនួន២៣ ១៩០នាក់បានបាត់បង់ជីវិតដោយសារវីរុសនេះ៕...

លោក មូន ជុងអ៊ីន (Moon Chung-In) ទីប្រឹក្សាជាន់ខ្ពស់ទទួលបន្ទុកនយោបាយការបរទេសរបស់ប្រធានាធិបតីកូរ៉េខាងត្បូង លោក មូន ជេអ៊ីន បាននិយាយកាលពីថ្ងៃអាទិត្យទី២៦ ខែមេសានេះថា ប្រមុខដឹកនាំកូរ៉េខាងជើង លោក គីម ជុងអ៊ុន នៅមានជីវិតនៅឡើយ និងមានសុខភាពល្អធម្មតា ដែលនេះបើតាមការផ្សព្វផ្សាយរបស់ CNN ។ ការលើកឡើងរបស់លោក មូន ជុងអ៊ីន បែបនេះ ត្រូវបានធ្វើឡើងក្រោយពីមានពាក្យចចាមអារ៉ាមថា លោក គីម ជុងអ៊ុន ត្រូវបានវះកាត់សរសៃឈាមបះដូង និងមានស្ថានភាពជម្ងឺធ្ងន់ធ្ងរ ហើយពាក្យខ្លះថា លោក គីម ជុងអ៊ុន បានបាត់បង់ជីវិតទៅហើយ ។ រហូតមកដល់ពេលនេះ នៅមិនទាន់មានសេចក្តីប្រកាសផ្លូវការណាមួយ បញ្ជាក់ពីស្ថានភាពសុខភាពរបស់លោក គីម ជុងអ៊ុន នៅឡើយទេ ប៉ុន្តែមេដឹកនាំកូរ៉េខាងជើងរូបនេះ ក៏មិនបានបង្ហាញមុខជាសារធារណៈដែរ ដែលទំនងជាមានបញ្ហាសុខភាពមែន ៕...

ការឆ្លងរាលដាលនៃវីរុសCovid-19នៅសហរ នៅតែបន្តកើនឡើងយ៉ាងលឿនដដែល ដែលគិតត្រឹមថ្ងៃសៅរ៍ ទី២៥ ខែមេសានេះ ការឆ្លងវីរុសនេះនៅសហរដ្ឋអាមេរិក បានកើនឡើងដល់ជិតមួយលានករណីហើយ គឺចំនួន ៩២៥ ០៣៨ ករណី ដែលនេះបើតាម ការចុះផ្សាយរបស់ Worldometer ។ ចំពោះមនុស្សស្លាប់ដោយសារតែវីរុសផ្លូវដង្ហើមមួយនេះ ក៏បានកើនឡើងដល់ជាង៥ ម៉ឺននាក់ដែរ គឺមនុស្សស្លាប់សរុបមានចំនួន ៥២ ១៨៥នាក់ ខណៈដែលអ្នកជំងឺC ចំនួន១១០ ៤៣២នាក់ បានជាសះស្បើយពីវីរុសនេះ ។ សូមបញ្ជាក់ជូនថា គិតត្រឹមថ្ងៃសៅរ៍ដដែលនេះ ចំនួនមនុស្សឆ្លងវីរុសCovid-19សរុប នៅជុំវិញពិភពលោក បានកើនឡើងដល់ ២ ៨៣០ ០៨២នាក់ មនុស្សសរុបចំនួន ១៩៧ ២៤៦ នាក់បានបាត់បង់ជីវិត និងមនុស្សសរុបចំនួន ៧៩៨ ៧៧៦នាក់ បានជាសះស្បើយពីវីរុសនេះ ៕...