ព័ត៌មានជាតិ

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានគូសបញ្ជាក់ថា «រាជរដ្ឋាភិបាលកម្ពុជា ត្រូវការសារព័ត៌មាន ដែលមានថាមពលប្រកប ដោយការទទួលខុសត្រូវ និង មានភាពស្មោះត្រង់ចំពោះវិជ្ជាជីវៈ និងអ្នកសារព័ត៌មាន ដែលហ៊ាននិយាយការ ពិតនិងហ៊ានរិះគន់ក្នុងន័យ ស្ថាបនា ដើម្បីឆ្លុះបញ្ចាំងឱ្យឃើញ នូវគ្រប់តថភាពសង្គម ដើម្បីជៀសវាងការ ផ្សព្វផ្សាយ ព័ត៌មានតែមួយជ្រុង ឬព័ត៌មានក្លែងក្លាយ»។ តាមរយៈសារលិខិត សម្តេចបវរធិបតី ហ៊ុន ម៉ាណែត ផ្ញើជូនវេទិកានិពន្ធនាយក សារព័ត៌មានកម្ពុជា លើកទី២១ នៅថ្ងៃទី២១ ខែធ្នូ ឆ្នាំ២០២៤ ខាងមុខនេះ សម្តេចបវរធិបតី បានបញ្ជាក់ថា «យើងត្រូវការនូវការរួមចំណែក ដើម្បីប្រឆាំងអំពើពុករលួយ ការកែទម្រង់ច្បាប់ និង ប្រព័ន្ធយុត្តិធម៌សង្គម ការកែទម្រង់រដ្ឋបាលសាធារណៈ ការលើកស្ទួយលទ្ធិប្រជាធិបតេយ្យ ការគោរពសិទ្ធិមនុស្ស ការកសាងសង្គមមួយប្រកបដោយភាពយុត្តិធម៌ សុខសន្តិភាព និងការអភិវឌ្ឍយូរអង្វែងដែលជាបំណងប្រាថ្នា និងជាចក្ខុវិស័យរ...

នារសៀលថ្ងៃចន្ទ ១ រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៦ ខែធ្នូ គ.ស.២០២៤ លោក ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា (ន.ម.ក) បានដឹកនាំសហការីទទួលជួបប្រជុំជាមួយជាមួយក្រុមការងារ B2B Cambodia ដែលដឹកនាំដោយលោក James Ong នាយកយុទ្ធសាស្ត្រប្រព័ន្ធផ្សព្វផ្សាយរបស់ B2B Cambodia, លោក Rajan Nazran នាយកក្នុងតំបន់នៃបណ្តាញឥណ្ឌាសកល (G AUDIO) និងលោកស្រី Natalia Preciado អ្នកសម្របសម្រួលគម្រោងនៃ One World Media (OWM) ដែលជាដៃគូសហការរបស់ B2B Cambodia នៅទីស្ដីការ ន.ម.ក.។ កិច្ចប្រជុំនេះ មានគោលបំណងដើម្បីពិនិត្យលទ្ធភាពនៃកិច្ចសហប្រតិបត្តិការដែលអាចគាំទ្រការអភិវឌ្ឍវិស័យមូលបត្រនៅកម្ពុជា និងយន្តការដែលអាចសហការជាមួយ B2B Cambodia, G AUDIO និង OWM។ កិច្ចប្រជុំនេះបានប្រព្រឹត្តទៅដោយរលូន និងប្រកបដោយផ្លែផ្កាខ្ពស់៕ ដោយ ប៉ោ កុសល...

ជាផ្នែកនៃការអភិវឌ្ឍមូលធនមនុស្សដែលមានចំណេះជំនាញពិតប្រាកដ ក្នុងគោលដៅពង្រឹងគុណភាពនៃការផលិតព័ត៌មានឱ្យកាន់តែប្រសើរថែមទៀត មន្រ្តីជំនាញពីមន្ទីរព័ត៌មានរាជធានី-ខេត្តសរុប៣០នាក់ បានទទួលការបណ្តុះបណ្តាលលើបច្ចេកទេសប្រើប្រាស់ម៉ាស៊ីនថតរូប និងវីដេអូ នៅថ្ងៃទី១៧ ខែធ្នូ ឆ្នាំ២០២៤។ សិក្ខាសាលាបណ្តុះបណ្តាលនេះ ប្រព្រឹត្តទៅមួយថ្ងៃពេញ ក្រោមអធិបតីភាព លោក សំបូរ វណ្ណារិទ្ធិ អនុរដ្ឋលេខាក្រសួងព័ត៌មាន ដោយមានគ្រូបង្គោលពីប្រទេសសិង្ហបុរីមួយរូប និងគ្រូបង្គោលជាជនជាតិខ្មែរមួយរូប។ ចំណេះដឹងជាមូលដ្ឋាន ជំនាញ ក៏ដូចជាបទពិសោធន៍ និងការអនុវត្តល្អៗ លើការប្រើប្រាស់ម៉ាស៊ីនថតរូប និងវីដេអូ ដែលបានចែករំលែកនៅក្នុងសិក្ខាសាលានេះ នឹងគាំទ្របន្ថែមដល់ការផលិតព័ត៌មាននៅតាមបណ្តាមន្ទីរព័ត៌មានរាជធានី-ខេត្ត កាន់តែមានគុណភាពខ្ពស់ ស្របតាមការរីកចម្រើនសង្គមក្នុងបរិបទឌីជីថល ការវិវត្តផ្នែកប្រព័ន្ធផ្សព្វផ្សាយ និងតម្រូវការព័ត៌មានរបស់ប្រជាជន។ គួររំលឹកផងដែរថា ក...

នៅព្រឹកថ្ងៃទី១៧ ខែធ្នូ​ ឆ្នាំ២០២៤​ លោករដ្ឋលេខាធិការ​ ​ អុឹម​ សុីថុល​ រដ្ឋលេខាធិការប្រចាំការក្រសួងកសិកម្ម​ រុក្ខាប្រមាញ់​ និងនេសាទ​ និងជាតំណាងដ៏ខ្ពង់ខ្ពស់លោករដ្ឋមន្រ្តី​ ឌិត​ ទីណា​ អញ្ជេីញជាអធិបតីក្នុងពិធីបេីកកិច្ចប្រជុំបូកសរុបការងារសុខភាពសត្វ​ និងផលិតកម្មសត្វប្រចាំឆ្នាំ២០២៤​ និងទិសដៅអនុវត្តឆ្នាំ២០២៥​ ​ដែលមានការចូលរួមពីថ្នាក់ដឹកនាំ​ និងមន្រ្តីក្រោមឱវាទចំនួន​ ១០០នាក់ នៅអគ្គនាយកដ្ឋានសុខភាពសត្វ​ និងផលិតកម្មសត្វ។ ជាកិច្ចចាប់ផ្តើម លោករដ្ឋលេខាធិការ​ បានសម្តែងនូវការស្វាគមន៍យ៉ាងកក់ក្តៅ និងមានក្ដីសោមនស្សរីករាយជាអនេកដែលបានចូលរួមពិធីនាថ្ងៃនេះ។ លើសពីនេះ លោករដ្ឋលេខាធិការ បានកោតសរសើរ និងវាយតម្លៃខ្ពស់ដល់ថ្នាក់ដឹកនាំ និងមន្រ្តីរាជការគ្រប់លំដាប់ថ្នាក់នៃអគ្គនាយកដ្ឋានសុខភាពសត្វ និងផលិតកម្មសត្វ ដែលបានខិតខំបំពេញតួនាទីភារកិច្ចរបស់ខ្លួនប្រកបដោយស្មារតីទទួលខុសត្រូវខ្ពស់ និងសម្រេចបានលទ្ធផលការងារជាច្រើនគួរជាទីមោទនៈក...

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានគូសបញ្ជាក់ថា គម្រោងអភិវឌ្ឍន៍ទីក្រុងទំនើបនៅលើផ្ទៃដីជាង២០០ហិកតារបស់ក្រុមហ៊ុន ធីភីម៉ូរ៉ាល់ គ្រុប គឺជាការវិនិយោគដ៏ត្រឹមត្រូវ និងបានបង្ហាញយ៉ាងច្បាស់ថា វិស័យអចលនទ្រព្យនៅកម្ពុជាបាន និងកំពុងងើបឡើងវិញជាបណ្តើរៗហើយ ខណៈដែលយើងកំពុងធ្វើដំណើរប្រកបដោយក្តីសង្ឃឹមឆ្ពោះទៅរកការសម្រេចគោលដៅនៃការអភិវឌ្ឍប្រទេសកម្ពុជា ការគិតគូលើការងាររៀបចំដែនដី និងនគរូបនីយកម្ម ដែលជាការងារមិនអាចខ្វះបាន។ ការបញ្ជាក់របស់សម្តេចនាយករដ្ឋមន្ត្រីដូចនេះធ្វើឡើងនាពិធីបើកការដ្ឋានសាងសង់ទីក្រុងមេគង្គឃីរបស់ក្រុមហ៊ុន ធីភីម៉ូរ៉ាល់ គ្រុប ស្ថិតនៅក្នុងសង្កាត់អរិយក្សត្រ ក្រុងអរិយក្សត្រ ខេត្តកណ្តាល នៅព្រឹកថ្ងៃទី១៧ ខែធ្នូ ឆ្នាំ២០២៤នេះ។ សម្តេចធិបតីនាយករដ្ឋមន្ត្រីបានលើកឡើងថា ដើម្បីឱ្យកម្ពុជាក្លាយជាអរិយប្រទេសដ៏ជឿនលឿន និងរុង រឿង ជាការចាំបាច់ដែលប្រជាជនយើងគ្រប់រូបត្រូវមានលំនៅដ្ឋានរស់នៅស...

រដ្ឋបាលខេត្តបាត់ដំបងសហការ ជាមួយក្រុមការងារ ស.ស.យ.ក ខេត្ត ត្រៀមរៀបចំការតាំងពិរព័រណ៍ម្ហូបអាហារខ្មែរ ដើម្បីអបអរសាទរក្នុងពិធីបុណ្យឆ្លងឆ្នាំសកល២០២៤-២០២៥ខាងមុខនេះ ដើម្បីបង្ហាញពីម្ហូបខ្មែរដ៏សម្បូបែបរបស់អ្នកខេត្តបាត់ដំបង ក៏ដូចជាទាក់ទាញភ្ញៀវទេសចរណ៍ជាតិ អន្តរជាតិមកទស្សនាកំសាន្តផងដែរ។ លោកសុខ លូ អភិបាលខេត្តបាត់ដំបងបានមានប្រសាសន៍ថា ការតាំងពីពណ៌ម្ហូបអាហារខាងលើនេះ នេះក៏បានបង្ហាញពីសក្តានុពលរបស់ខេត្ត ក៏ដូចជាផ្សព្វផ្សាយពីវប្បធម៌ ប្រពៃណី ទំនៀមទម្លាប់ដ៏សម្បូរបែបរបស់អ្នកបាត់ដំបង ទៅកាន់ភ្ញៀវទេសចរ ឱ្យបានស្គាល់កាន់តែច្រើន។ សូមបញ្ជាក់ថាការតាំងពិរព័រណ៍ម្ហូបអាហារខ្មែរ ក្នុងឱកាសអបអរពិធីបុណ្យឆ្លងឆ្នាំសកលនាពេលខាងមុខនេះនឹងរៀបចំនៅផ្លូវលេខ១ មុខអគារសារ:មន្ទីរប្រវត្តិសាស្រ្ត ខេត្តបាត់ដំបង(សាលាខេត្តចាស់) រយៈពេលបីថ្ងៃ ចាប់ពីថ្ងៃទី២៩ ដល់ថ្ងៃទី៣១ធ្នូ ឆ្នាំ២០២៤។ លោក សុខ លូ បានមានប្រសាសន៍ ណែនាំឱ្យមន្ទីរ អង្គភាព អាជ្ញា...

(ខេត្តកំពត)៖ នៅថ្ងៃទី១៣-១៥ ខែធ្នូ ឆ្នាំ ២០២៤ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ «ក.ប.ប.» ដែលជាសេនាធិការ និងជាលេខាធិការដ្ឋាន នៃគណៈកម្មាធិការត្រួតពិនិត្យផលិតផលហាឡាលកម្ពុជា «គ.ត.ផ.ហ.ក.» បានចូលរួមការតាំងបង្ហាញផលិតផលហាឡាលកម្ពុជា ក្នុងស្តង់រួមរបស់ក្រសួងពាណិជ្ជកម្ម នៅក្នុងពិធីបុណ្យសមុទ្រ លើកទី១១ ជុំទី៣ នៅខេត្តកំពត ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុនី្នហ៊ុនម៉ាណែត ក្នុងពិធីបើកសម្ពោធពិធីបុណ្យសមុទ្រ លើកទី១១ ជុំទី៣ ។ ជាមួយនឹងការយកចិត្តទុកដាក់ពីលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធាន គ.ត.ផ.ហ.ក. ក្នុងការលើកកម្ពស់ការយល់ដឹងជាសាធារណៈពាក់ព័ន្ធនឹងកិច្ចការហាឡាល និងអត្ថប្រយោជន៍នៃការប្រើប្រាស់ផលិតផលហាឡាលកម្ពុជាដែលទទួលបានវិញ្ញាបនបត្របញ្ជាក់បច្ចេកទេសស្ដង់ដា...

ភ្ចំពេញ:ការដាក់ឱ្យមានការចុះបញ្ជីថ្នាលឌីជីលសម្រាប់អ្នកសេដ្ឋកិច្ចក្រៅប្រព័ន្ធនេះ មានគោលបំណង​សំខាន់ គឺដើម្បីជួយ ​និង​ មិនមែនដាក់បន្ទុកបន្ថែម​ដល់អ្នកសេដ្ឋកិច្ចក្រៅប្រព័ន្ធ ដោយផ្អែក​លើគោលការណ៍​ស្ម័គ្រចិត្ត និង មិនមានការបង្ខិតបង្ខំ នោះឡើយ។ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា​ បានថ្លែងក្នុងពិធី សម្ពោធដាក់ឱ្យដំណើរការ “ថ្នាលឌីជីថលចុះឈ្មោះអ្នកសេដ្ឋកិច្ចក្រៅប្រព័ន្ធ” នាព្រឹកថ្ងៃចន្ទ ទី១៦ ខែធ្នូ ឆ្នាំ២០២៤ ថាការរៀបចំឱ្យមានការចុះបញ្ជីថ្នាលឌីជីលសម្រាប់អ្នកសេដ្ឋកិច្ចក្រៅប្រព័ន្ធនេះ មានគោលបំណង​សំខាន់ គឺដើម្បីជួយ និងមិនមែនដាក់បន្ទុកបន្ថែមដល់អ្នកសេដ្ឋកិច្ចក្រៅប្រព័ន្ធ ដោយ​ផ្អែក​​លើគោលការណ៍​ស្ម័គ្រចិត្ត និងមិនមានការបង្ខិតបង្ខំនោះឡើយ។ នេះជាយន្តការដែលរាជរដ្ឋាភិ​បាលរៀបចំឡើង ដើម្បីបង្កើតនូវទំនាក់ទំនងរវាងអ្នកសេដ្ឋកិច្ចក្រៅប្រព័ន្ធ ជាមួយនឹងរាជរដ្ឋា​ភិបាល ក្នុងការគិតគូរ​ និងជួយ​...

(ភ្នំពេញ)៖ឧកញ៉ា ឡូវ ហ៊ឹង ទីប្រឹក្សាសម្តេចធិបតី ហ៊ុន ម៉ាណែត នាយករដ្ឋមន្រ្តី និងលោកជំទាវ ព្ក្រុរមទាំងក្រុមគ្រួសារ បានផ្ញើសារលិខិតគោរពជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក្នុងឱកាសចម្រើនជន្មាយុគម្រប់ ៧០ឈានចូល ៧១ឆ្នាំ នៅថ្ងៃទី១៥ ខែធ្នូ ឆ្នាំ២០២៤។ យើងខ្ញុំទាំងអស់គ្នា សូមអនុញ្ញាតសម្តែងនូវសោមន្សរីករាយ ដោយស្មោះអស់ពីដួងចិត្ត និងចូលរួមជូននូវសព្ទសាធុការពរជ័យ បវរមហាប្រសើរគោរពជូន សម្តេចកិត្តិព្រឹទ្ធបណ្ឌិត សូមប្រកបដោយសុខភាពល្អបរិបូរណ៍ កម្លាំងពលំមាំមួន អាយុយឺនយូរ និងប្រាជ្ញាឈ្លាសវៃ ដើម្បីដឹកនាំកាកបាទក្រហមកម្ពុជា ឱ្យសម្រេចបាននូវលទ្ធផលផ្លែផ្កាថ្មីៗជាច្រើនថែមទៀត ដែលជាបេសកកម្មដ៏ឧត្តុង្គឧត្តមរបស់ សម្តេចកិត្តិព្រឹទ្ធបណ្ឌិត ចំពោះប្រជាជន និងជាតិមាតុភូមិកម្ពុជា។ ក្នុងឱកាសដ៏វិសេសវិសាលថ្លៃថ្លានេះ យើងខ្ញុំទាំងអស់គ្នា សូមសម្តែងនូវការគោរពកោតសរសើរដ៏ស្មោះស្ម័គ្រ និងដឹងគុណយ៉...

សម្តេចធិបតី ហ៊ុន ម៉ាណែត បានបញ្ជាក់ថា ពិព័រណ៍ពាណិជ្ជកម្មកម្ពុជា(CTE) ជាព្រឹត្តិការណ៍ពិព័រណ៍ដ៏ធំមួយប្រចាំឆ្នាំ ក្នុងគោលបំណងតាំងបង្ហាញផលិតផលដែលមានគុណភាពខ្ពស់របស់កម្ពុជា ទំនិញនាំចេញ-នាំចូលសំខាន់ៗ និងសេវា កម្មដែលមានលក្ខណៈពិសេសរបស់បណ្តាអ្នកផ្គត់ផ្គង់ជុំវិញពិភពលោក។ បេសកកម្មចម្បងរបស់CTE គឺជំរុញ សកម្មភាពពាណិជ្ជកម្មកម្ពុជា និងធ្វើឱ្យកាន់តែប្រសើរឡើងនូវបរិយាកាសធុរកិច្ច និងវិនិយោគ ព្រមទាំងជំរុញការនាំចេញ-នាំចូល និងការផ្សារភ្ជាប់ទំនាក់ទំនងពាណិជ្ជកម្មរវាងអ្នកតាំងពិព័រណ៍ក្នុងស្រុកនិងអន្តរជាតិ អ្នកទស្សនា ពិព័រណ៍ និងអ្នកចូលរួមពិព័រណ៍។ នៅក្នុងពិព័រណ៍នេះ ក្រៅពីមានការតាំងបង្ហាញផលិតផល និងសេវាកម្មដ៏សម្បូរ បែប ក៏ជាវេទិកាសម្រាប់ពង្រឹងទំនាក់ទំនងពាណិជ្ជកម្មរវាងកម្ពុជាជាមួយទីផ្សារសកល ផលិតផលរបស់ដៃគូអន្តរជាតិរបស់យើងផងដែរ។ រាជធានីភ្នំពេញ ព្រឹកថ្ងៃសុក្រ ទី១៣ ធ្នូ ២០២៤...