សារព័ត៌មានដេលីខ្មែរ

ប្រធានាធិបតីរបស់ប្រទេសរុស្ស៊ី លោក វ៉្លាឌីមៀរ ពូទីន បានថ្លែងនៅក្នុងសន្និសិទកាសែតមួយ កាលពីថ្ងៃព្រហស្បតិ៍ ទី២០ ខែមិថុនានេះថា ការដាក់ទណ្ឌកម្មសេដ្ឋកិច្ចលើរុស្ស៊ី ពីសំណាក់សហភាពអឺរ៉ុប ចាប់តាំងពីឆ្នាំ២០១៤កន្លងមក មិនមែនខាតបង់តែរុស្ស៊ីទេ អឺរ៉ុបខ្លួន ឯងក៏ខាតបង់ទឹកប្រាក់ដូចរុស្ស៊ីដែរ ។ ការដាក់ទណ្ឌកម្មសេដ្ឋកិច្ចលើរុស្ស៊ី នាំឲ្យអឺរ៉ុបខាតបង់ទឹកប្រាក់ប្រមាណជាង ២៤០ពាន់លានដុល្លារអាមេរិក ខណៈដែលរុស្ស៊ីបានខាតបង់ទឹកប្រាក់ប្រមាណជាង៥០ពាន់ លានដុល្លារអាមេរិក ។ ដោយសារតែទណ្ឌកម្មសេដ្ឋកិច្ចនេះដែរ អាមេរិកបានខាតបង់ទឹកប្រាក់១៧ពាន់លានដុល្លារ ខណៈដែលជប៉ុន បានខាតបង់ទឹកប្រាក់២៧ពាន់លានដុល្លារ ដោយសារតែអនុវត្តន៍ តាមទណ្ឌកម្មសេដ្ឋកិច្ចលើរុស្ស៊ី ពីសំណាក់អឺរ៉ុប និងអាមេរិក ៕...

ប៉ុន្មានថ្ងៃនេះ ខ្ញុំត្រូវរងការវាយប្រហារពីសំណាក់ស្រីកំណាចម្នាក់ជាអតីតភរិយា ដែលដាច់អហង្កាបានប្តឹងសុំលែងលះ ខ្ញុំតាមផ្លូវច្បាប់ជាស្ថាពរជាងដប់ឆ្នាំហើយ គឺតាំងពីអំឡុងឆ្នាំ ២០០៨ ដែលកាលនោះ លោកប្រធានគណ:មេធាវីនៃរាជរដ្ឋាភិបាល ឃី តិច លោកបានដឹងច្បាស់ ព្រោះស្រីនោះបានទៅពឹងពាក់នៅស្ថាប័ននេះ ព្រមទាំងគំរាមដោយត្រង់ៗកាលពីពេលនោះថា នឹងធ្វើឲ្យខ្ញុំអស់ទាំងការងារ និងទាំងជីវិតនយោបាយ។ ដោយអំណាចច្បាប់ ខ្ញុំបានចាកចេញមករស់នៅតាមសមត្ថភាពដែលខ្ញុំអាច ខ្ញុំខំដោយលំបាកលំបិនណាស់អស់ជាច្រើនឆ្នាំជា មួយភរិយាក្រោយ ទើបសាងបានដោយលំបាកនូវជម្រកដ៏ធំធួនល្មមមួយនៅដាច់ស្រយាលឯជាយក្រុង។ ខ្ញុំបានរៀបចំកម្មវិធីឡើងផ្ទះនោះទៅតាមលទ្ធភាពស្តួចស្តើងរបស់ខ្ញុំ តែបែរជាស្រីកំណាចនោះផុស បរិហារកេរ្តិ៍ខ្ញុំបំភ័ន្តមតិមហាជន ឲ្យមើលមកខ្ញុំនេះដូចជាមនុស្សអាវាសែ ដែល ទើបដើរចោលក្រុមគ្រួសារអីចឹង។ ឃើញដូចនេះខ្ញុំក៏បានពិភាក្សាជាមួយកូនៗទាំងអស់ចង់សរសេរ បកពីរឿងនាងនោះ ដើម្បីកុ...

  ភ្នំពេញ៖ រដ្ឋមន្ត្រីក្រសួងអប់រំយុវជន និងកីឡា បានសម្រេចឈប់ទទួលស្គាល់ វិទ្យាស្ថាន អន្តរទ្វីបអាមេរិកាំង របស់លោកឧកញ៉ា គួច ម៉េងលី ដែលមានទីតាំងអគារលេខ២១៧ ABCD ផ្លូវ២៤៥ សង្កាត់ទំនប់ទឹក ខណ្ឌចំការមន រាជធានីភ្នំពេញ តាមការស្នើសុំរបស់លោកឧកញ៉ា គួច ម៉េងលី ចុះទី២៦ មេសា ឆ្នាំ២០១៩ ។ យោងតាមសេចក្តីសម្រេចបានធ្វើឡើងតាម ប្រកាស របស់ក្រសួង អប់រំ យុវជន និងកីឡា លេខ១០០៦ អ.យ.ក ប្រ ក ចុះថ្ងៃទី១៣ ខែមិថុនា ឆ្នាំ២០១៩ ចុះហត្ថលេខាដោយលោក បណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួង អប់រំ យុវជន និងកីឡា។ សេចក្តីសម្រេច បានកំណត់ឲ្យប្រធានក្រុមប្រឹក្សាភិបាល និងនាយកវិទ្យាស្ថាន អន្តរទ្វីបអាមេរិកាំង បញ្ឈប់ការបណ្តុះបណ្តាលកម្រិតបរិញ្ញាបត្ររង និងគ្រប់រូបភាព។ ក្រសួង អប់រំ យុវជន និងកីឡា បានសម្រេចនិរាករ ប្រកាសលេខ ៨០៦ អ.យ.ក ប្រ ក ចុះថ្ងៃទី២១ ខែឧសភា ឆ្នាំ២០០៨ ស្តីពី ការទទួលស្គាល់វិទ្យាស្ថាន អន្តរជាតិអាមេរិកាំង ផងដែរ៕...

តំណាងពិសេសរបស់សហរដ្ឋអាមេរិកទទួលបន្ទុកកិច្ចចរចាជាមួយកូរ៉េខាងជើង លោក Stephen Biegun បាននិយាយកាលពីថ្ងៃពុធ ទី១៩ ខែមិថុនានេះថា អាមេរិកនឹងចាប់ផ្តើមចរចាសាជាថ្មីជាមួយកូរ៉េខាងជើង ដោយមិនមានបុរេលក្ខខណ្ឌនោះទេ ។ លោក Stephen Biegun បានបន្ថែមថា ទ្វារនៅតែបើកចំហរសម្រាប់កិច្ចចរចាក្នុងដំណើរឈានឆ្ពោះទៅរកការរំសាយកម្មវិធីនុយក្លេអ៊ែរកូរ៉េខាងជើង ទោះបីជាកិច្ចចរចានេះ កំពុងជាប់គាំងក៏ដោយ ។ សេចក្តីប្រកាសរបស់លោក Stephen Biegun ត្រូវបានធ្វើឡើងខណៈដែលប្រធានាធិបតីរបស់ប្រទេសចិន លោក ស៊ី ជីនពីង កំពុងបំពេញទស្សនកិច្ចនៅកូរ៉េខាងជើងនៅថ្ងៃព្រហស្បតិ៍នេះ ៕...

​ភ្នំពេញ៖ សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ បាន​ចុះ​ហត្ថលេខា​​លើ​សេចក្តីសម្រេច កាលពី​ថ្ងៃទី​១៧ ខែមិថុនា ឆ្នាំ​២០១៩ ដោយ​អនុវត្ត​វិន័យ​ចំពោះ​មន្ត្រី​នគរបាលជាតិ ចំនួន ២០ រូប នៃ​ស្នងការដ្ឋាន​គរ​បាល​រាជធានី​ភ្នំពេញ ដោយ​រូបភាព​ដកហូត​ឋានន្តរស័ក្តិ និង​បណ្តេញចេញ​ពី​ក្របខណ្ឌ​មន្ត្រី​នគរបាលជាតិ មូលហេតុ ដោយសារតែ​ប៉ូលិស​ទាំង ២០​រូបនោះ បោះបង់ចោល​ការងារ​។​ យោង​តាម​សេចក្តីសម្រេច​ដដែលបានបញ្ជាក់ថា  ប្រាក់បៀវត្សរ៍ និង​របប​ឧបត្ថម្ភ​ផ្សេងៗ ត្រូវបាន​កាត់ផ្តាច់ និង​លុប​ចេញពី​ក្របខណ្ឌ​មន្ត្រី​នគរបាលជាតិ ចាប់ពី​ខែសីហា ឆ្នាំ​២០១៩ តទៅ​៕​  ...

ភ្នំពេញ​៖​ នាយ​ឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ និងជាប្រធាន​លេខាធិការ​ដ្ឋាន នៃយុទ្ធនាការប្រយុទ្ធប្រឆាំងគ្រឿង​ញៀន តំណាង​សម្ដេច​ក្រឡាហោម ស ខេង ​ឧបនាយក​រដ្ឋមន្ដ្រី រដ្ឋមន្ដ្រី​ក្រសួង​មហាផ្ទៃ នៅព្រឹក​ថ្ងៃទី២០ ខែមិថុនា ឆ្នាំ២០១៩នេះ បានដឹកនាំកិច្ចប្រជុំផែនការបង្ក្រាបគ្រឿងញៀន នៅតាមក្លឹបកម្សាន្ដ និងខារ៉ាអូខេ។ កិច្ចប្រជុំដែលធ្វើឡើង នៅទីស្ដីការក្រសួងមហាផ្ទៃ មានការចូលរួមពីអភិបាលរាជធានី-ខេត្ត ស្នងការរាជធានី-ខេត្ត មេបញ្ជាការកងរាជអាវុធហត្ថរាជធានី-ខេត្ត និងមន្រ្តីពាក់ព័ន្ធជាច្រើនរូបទៀត។ យោងតាមរបាយការណ៍ បានលេីកឡេីងនៅក្នុងកិច្ចប្រជុំដកពិសោធន៍ និងពង្រឹងកិច្ចប្រតិបត្តិការ​បង្ក្រាប​បទល្មើសគ្រឿងញៀននៅតាមក្លឹបកំសាន្ត និងកន្លែងសប្បាយ ផ្សេងៗ ដែលមានការជួញដូរ និងប្រើប្រាស់​គ្រឿងញៀន បានឲ្យដឹងថារយៈពេល ០៥ខែដើម ឆ្នាំ២០១៩នេះ កងកម្លាំងអនុវត្តច្បាប់បានបង្ក្រាបបទល្មើសគ្រឿងញៀនសរុបចំនួន ៣.៣៣៥ករណី ឃា...

ភ្នំពេញ៖  នៅថ្ងៃទី២០ ខែមិថុនា ឆ្នាំ២០១៩នេះ លោក ម៉ៅ ស៊ីណា ចៅក្រមជំនុំជម្រះ នៃសាលាដំបូងរាជធានីភ្នំពេញ បានប្រកាសសាលក្រម បានសម្រេចផ្តន្ទាទោស ជនជាប់ចោទឈ្មោះ យិន ហេង ហៅ ចំប៉ីខ្មៅ ដាក់ពន្ធនាគារចំនួន ២ឆ្នាំ ដោយអនុវត្តទោសក្នុងពន្ធនាគាររយៈពេល ១ឆ្នាំ និងពិន័យជាប្រាក់ចំនួន ៣លានរៀល ចូលជាថវិការដ្ឋ ពីបទ ញុះញង់ឲ្យមានការរើសអើង យោងតាមមាត្រា ៤៩៦ នៃក្រមព្រហ្មទណ្ឌ។ ជនជាប់ចោទឈ្មោះ យិន ហេង ហៅ ចំប៉ីខ្មៅ បានប្រាប់អ្នកសារព័ត៌មាននៅព្រឹកនេះថា «ខ្ញុំ ទទួលយក សាលក្រមរបស់តុលាការ។ ខ្ញុំអត់ប្តឹងឧទ្ធរណ៍ទេ»។ នៅក្នុងសវនាការកាលពីថ្ងៃទី០៤ ខែមិថុនា ឆ្នាំ២០១៩ ជនជាប់ចោទឈ្មោះ យិន ហេង ហៅ ចំប៉ីខ្មៅ បានទទួលស្គាល់កំហុស និងបានសុំទោសប្រជាពលរដ្ឋខ្មែរចំពោះការប្រើប្រាស់ពាក្យសម្តីមិនសមរម្យនាពេលកន្លងមក។ គួររម្លឹកថា សមត្ថកិច្ចបានឃាត់ខ្លួនជនជាប់ចោទឈ្មោះ យិន ហេង ហៅ ចំប៉ីខ្មៅ នៅក្នុងខណ្ឌដូនពេញ កាលពីយប់ថ្ងៃទី០៥ ខែកុម្ភៈ ឆ្នាំ២០១៩ ក្រោយពីជនជាប...