លោក សោម សម្បត្តិ«ចង់ក្លាយជាអ្នកជំនួញត្រូវប្រកាន់ភ្ជាប់គោលការ៥យ៉ាងជាមុនសិន»
លោក សោម សម្បត្តិ នាយកប្រតិបត្តិក្រុមហ៊ុនផលិតថ្នាំពណ៌ជាតិខាំផែនបានពន្យល់ពីគន្លឹះសំខាន់ៗចំនួន៥ យ៉ាងដល់សហគ្រិនវ័យក្មេងនៅកម្ពុជាដែលមានបំណងចង់ក្លាយខ្លួនជាអ្នកជំនួញ ដោយក្នុងនោះលោកថា« ចំណុចទី១ បង្កើតផលិតផលនិងសេវាឲ្យបានល្អជាមុនសិន ចំណុចទី២ ពេលមានផលិតផលល្អហើយត្រូវលក់ឲ្យដាច់ដើម្បីទទួលបានចំណូលច្រើន ចំណុចទី៣ ការគ្រប់គ្រងហិរញ្ញវត្ថុនិងបំណុលឲ្យបានជារឿងសំខាន់ ចំណុចទី៤ ការគ្រប់គ្រងធនធានមនុស្ស និងចំណុចទី៥ ត្រូវចេះបច្ចេកវិទ្យាក្នុងការគ្រប់គ្រងក្រុមហ៊ុន»។
លើសពីនេះលោកបានមានប្រសាសន៍ថា ការបង្កើតផលិតផលគឺនរណាៗក៏អាចបង្កើតបានដែរ ក៏ប៉ុន្តែការបង្កើតផលិតល្អហើយនិងលក់ដាច់ទៀតជារឿងសំខាន់ ហេតុដូច្នោះហើយ ការធ្វើទីផ្សារក៏មានតួនាទីសំខាន់ក្នុងការធ្វើឲ្យក្រុមហ៊ុនទទួលបានប្រាក់ចំណូលច្រើន ដែលទាមទារឲ្យផលិតផលមានគុណភាពល្អនិងមានទី...
