អភិបាលខេត្តកោះកុង និងមន្ត្រីសុខាភិបាល ចុះសួរសុខទុកនាំអំណោយ មនុស្សធម៌ ជូនពលរដ្ឋ៤៨០គ្រួសារ សិស្ស៣៣៤ និងលោកគ្រូចំនួន ១១នាក់
កោះកុង : លោកស្រី មិថុនា ភូថង អភិបាលខេត្តកោះកុង និងជាប្រធាន ស.ស.យ.កខេត្ត បានដឹកនាំមន្រ្តីក្រោមឱវាទ ចុះសួរសុខទុក្ខសំណេះសំណាល ពាំនាំនូវសម្ភារៈប្រើប្រាស់គ្រឿង ឧបភោគបរិភោគ និងពិនិត្យជំងឺជូនប្រជាពលរដ្ឋ ចំនួន២ភូមិ ស្ថិតក្នុងភូមិកំលតភូមិពោធិ៍បឹង ឃុំដងពែង ស្រុកស្រែអំបិល ខេត្តកោះកុង ដែលជាតំបន់ដាច់ស្រយាល ។
លោកស្រី មិថុនា ភូថង អភិបាលខេត្តកោះកុង បានថ្លែងឲ្យដឹងថា ក្នុងនាមជាអភិបាលខេត្តកោះកុង ទោះបី បងប្រជាពលរដ្ឋ រស់នៅតំបន់ឆ្ងាយដាច់ស្រយាល យ៉ាងណាក៍ដោយទោះបីតំបន់ព្រៃភ្នំជ្រលង ដងអូរ និងតំបន់ដីកោះយ៉ាងណាក៍អាជ្ញាធរ ព្យាយាមធ្វើដំណើររហូតដល់គោលដៅ មិនឲ្យបងប្អូន អ៊ុំ ពូ មា មីង ក្មួយៗខកបំណងឡើយ ជាក់ស្តែងដូចក្នុងថ្ងៃនេះ អញ្ជឹងធ្វើដំណើរកាត់ព្រៃកាត់ជ្រោះជ្រលង ដងអូរ អាជ្ញាធរព្យាយាម ដើម្បីបានជួបបងប្អូនហើយឲ្យបងប្អូន បានស្គាល់លោកស្រី និងមន្ត្រីគ្រប់ស្ថាប័នផងដែរ។
លោកស្រីអភិបាលខេត្តបានថ្លែងថា សូមពុកម៉ែ អុំ ពូ មា មីង បងប្អ...
