ព័ត៌មានអន្តរជាតិ

ក្រុងវ៉ាស៊ីងតុន៖ធនាគារពិភពលោកបានកាត់បន្ថយការព្យាករណ៍កំណើនផលិតផលក្នុងស្រុកសរុប(GDP) សម្រាប់តំបន់អាស៊ីបូព៌ា និងប៉ាស៊ីហ្វិកក្នុងឆ្នាំ ២០២២ដោយសារតែផលប៉ះពាល់សេដ្ឋកិច្ចបង្កឡើងពីការវាយលុយរបស់រុស្ស៊ីមកលើអ៊ុយក្រែន ហើយពួកគេបានព្រមានថា តំបន់មួយនេះ អាចនឹងបាត់បង់សន្ទុះបន្ថែមទៀត បើសិនជាស្ថានភាពកាន់តែអាក្រក់ទៅ ។ ធនាគារដែលមានមូលដ្ឋាននៅទីក្រុងវ៉ាស៊ីងតុនមួយនេះបាននិយាយនៅក្នុងរបាយការណ៍របស់ខ្លួននាថ្ងៃអង្គារនេះថា ពួកគេរំពឹងថា កំណើនសេដ្ឋកិច្ចឆ្នាំ ២០២២នៅក្នុងតំបន់កំពុងអភិវឌ្ឍន៍អាស៊ីបូព៌ានិងប៉ាស៊ីហ្វិក ដែលរួមទាំងចិន នឹងកើនឡើងចំនួន ៥ភាគរយ ពោលគឺទាបជាងការព្យាករណ៍កាលពីខែតុលា កន្លងទៅ ដែលមានចំនួន ៥,៤ភាគរយ ។ ធនាគារពិភពលោក បាននិយាយថាប៉ុន្តែកំណើនមួយនេះអាចនឹងធ្លាក់មកនៅត្រឹម៤ភាគរយ បើសិនជាស្ថានភាពកាន់តែអាក្រក់ទៅ ហើយគោលនយោបាយរដ្ឋាភិបាលឆ្លើយតបខ្សោយជាងមុន ។ ពួកគេបន្តថា សេដ្ឋកិច្ចចិន ត្រូវបានគេរំពឹងថានឹងកើនឡើងចំនួន៥ភាគរយក...

អាមេរិក៖ ទីប្រឹក្សាសន្តិសុខជាតិសហរដ្ឋអាមេរិក លោក ជែក ស៊ូលីវ៉ាន់ (Jake Sullivan)បាននិយាយកាលពីថ្ងៃចន្ទថា រុស្ស៊ី កំពុងផ្លាស់ប្តូរយុទ្ធសាស្រ្តធ្វើសង្រ្គាមរបស់ខ្លួននៅអ៊ុយក្រែន ដោយពួកគេងាកទៅធ្វើសង្រ្គាមនៅតំបន់ភាគខាងកើតនិងភាគខាងត្បូងប្រទេសមួយនេះវិញ ក្រោយប៉ះជាមួយកម្លាំងការពារដ៏រឹងមាំជាងការរំពឹងទុករបស់អ៊ុយក្រែន ដែលគាំទ្រដោយសម្ព័ន្ធមិត្តលោកខាងលិច ។ លោក ស៊ូលីវ៉ាន់បាននិយាយថា បច្ចុប្បន្នរុស្ស៊ីយល់ឃើញថា លោកខាងលិចមិនបោះបង់ចោលការគាំទ្ររបស់ពួកគេដល់រដ្ឋាភិបាលអ៊ុយក្រែននោះទេ ប៉ុន្តែលោកបានព្រមានថា រុស្ស៊ីបង្កើនកម្លាំងវាយប្រហារទ្វេដង ក្រោយដកទ័ពចេញពីរដ្ឋធានីគីវ ឆ្ពោះទៅតំបន់ភាគខាងកើត និងភាគខាងត្បូងប្រទេសអ៊ុយក្រែន ។ លោក ស៊ូលីវ៉ាន់ និយាយថា សហរដ្ឋអាមេរិក រំពឹងថា រុស្ស៊ី នឹងបន្តការវាយប្រហារតាមច្រកអាកាស និងមីស៊ីល មកលើរដ្ឋធានីគីវ និងទីក្រុងភាគខាងលិចល្វីវ បង្កឲ្យមានការភ័យខ្លាច និងផលប៉ះពាល់សេដ្ឋកិច្ច នៅតំបន់ផ្សេងទៀត...

គូបា៖ លោក ហ្វ្រង់ស៊ីស្កូប៉េរ៉ស រ៉ូឌ្រីហ្គេស (Francisco Pérez Rodríguez)មានបញ្ហារថយន្តដែលជាបញ្ហាមួយកើតមានជាទូទៅចំពោះពលរដ្ឋគូបា ។ លោកត្រូវការជួសជុលម៉ាស៊ីនរថយន្ត Moskvich របស់ឪពុកក្មេកលោក គឺជារថយន្តស្ថិតក្នុងចំណោមរថយន្តរាប់ម៉ឺនគ្រឿងទៀត ដែលនាំចូលពីប្រទេសសម្ព័ន្ធអំឡុងសង្រ្គាមត្រជាក់មួយនេះ កាលពីរយៈពេលកន្លះសតវត្សរ៍មុន ។ លោក ប៉េរ៉េស និយាយថា ដើម្បីធ្វើឲ្យរថយន្តឪពុកក្មេករបស់លោក អាចបើកបាន ទាល់តែត្រូវការគ្រឿងបន្លាស់ដែលបច្ចុប្បន្នមាននៅតែរុស្ស៊ីមួយប៉ុណ្ណោះ ប៉ុន្តែជើងហោះហើរត្រូវបានកាត់ផ្តាច់អស់ទៅហើយ ដោយសារទណ្ឌកម្មលោកខាងលិចមកលើរុស្ស៊ី ក្រោយពួកគេវាយប្រហារមកលើអ៊ុយក្រែន ។ ការរឹតត្បឹតសកលមកលើការដឹកជញ្ជូន និងពាណិជ្ជកម្មមកលើរុស្ស៊ី បានបង្កបញ្ហាធំដល់ប្រជាជនគូបា ដែលរដ្ឋាភិបាលសង្គមនិយមរបស់ពួកគេ អាចរស់រានបានចាប់តាំងពីដើមទសវត្សរ៍ឆ្នាំ ១៩៦០មក ក្រោមបំរាមសេដ្ឋកិច្ចសហរដ្ឋអាមេរិក ។ ភាគច្រើននៃរថយន្តតូច-ធំ រថយន្តក្រ...

បរទេស៖ នៅថ្ងៃព្រហស្បតិ៍នេះក្រសួងការពារជាតិរុស្ស៊ីបានប្រកាសឲ្យមានបទឈប់បាញ់នៅទីក្រុង Mariupol ដើម្បីឲ្យជនស៊ីវិលមានឱកាសអាចជម្លៀសចេញពីទីក្រុងកំពង់ផែរងការឡោមព័ទ្ធរបស់ប្រទេសអ៊ុយក្រែនមួយនេះហើយប្រធានាធិបតីរុស្ស៊ី លោក Vladimir Putin បាននិយាយថា ការបាញ់ផ្លោង ទៅលើទីក្រុងកំពង់ផែ Mariupol របស់អ៊ុយក្រែន នឹងបញ្ចប់ទៅបាននៅពេលដែលទាហានអ៊ុយក្រែនព្រមទម្លាក់អាវុធចុះ ។ លោក Putin បានធ្វើសេចក្តីអត្ថាធិប្បាយបែបនេះ អំឡុងពេលសន្ទនាតាមទូរស័ព្ទរយៈពេល១ម៉ោង ជាមួយលោកប្រធានាធិបតីបារាំង Emmanuel Macron កាលពីយប់ថ្ងៃអង្គារ ។ ក្រោយពេលលោក Putin បានយល់ព្រមពិចារណាលើផែនការជម្លៀសជនស៊ីវិលចេញពីទីក្រុងមួយនេះ បទឈប់បាញ់មួយមានរយៈពេលមួយថ្ងៃ ត្រូវបានប្រកាសដោយប្រទេសរុស្ស៊ី នៅថ្ងៃព្រហស្បតិ៍នេះ។ ក្រសួងការពារជាតិរុស្ស៊ីបាននិយាយថា ច្រករបៀងមនុស្សធម៌ចេញពីទីក្រុង Mariupolទៅកាន់ទីក្រុង Zaporizhzhia ភាគអាគ្នេយ៍របស់ប្រទេសអ៊ុយក្រែន តាមច្រកទីក្រ...

អូស្រ្តាលី៖ លោក ចេរ៉េមី ផ្លេមីង ប្រធានចារកម្មអង់គ្លេសបានអះអាងថា ទាហានរុស្ស៊ីដែលបាក់ទឹកចិត្តនៅក្នុងប្រទេសអ៊ុយក្រែន បានបដិសេធន៍មិនអនុវត្តន៍បទបញ្ជាបំផ្លិចបំផ្លាញគ្រឿងយុទ្ធោបករណ៍របស់ខ្លួន ហើយថែមទាំងបានបាញ់ច្រឡំដោយចៃដន្យទម្លាក់យន្តហោះរបស់ខ្លួនថែមទៀតផង ។ លោក ផ្លេមីង គឺជាប្រធានទីភ្នាក់ងារចារកម្ម GCHQ ហើយលោកបាននិយាយបែបនេះ នៅក្នុងទីក្រុងកាន់បេរ៉ា ប្រទេសអូស្រ្តាលី នាថ្ងៃព្រហស្បតិ៍នេះ ។ លោកបាននិយាយថាប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) វាយតម្លៃខុសពីឱកាសរបស់លោក ឲ្យយោធាសម្រេចជោគជ័យឆាប់រហ័សនៅអ៊ុយក្រែន ។ លោក ផ្លេមីង បានធ្វើការព្រមានផងដែរថាវិមានក្រឹមឡាំងកំពុងតាមប្រម៉ាញ់គោលដៅវាយប្រហារតាមប្រព័ន្ធអ៊ីនធឺណែត និងនាំយកទាហានស៊ីឈ្នូល ដើម្បីគាំទ្រយុទ្ធនាការយោធាជាប់គាំងរបស់ពួកគេ នៅអ៊ុយក្រែន ។ លោក បានកោតសរសើរផងដែរដល់ប្រតិបត្តិការព័ត៌មានរបស់ប្រធានាធិបតីអ៊ុយក្រែនលោក វ៉ូឡូឌីមៀ ហ្សេឡេនស្គី ដែល...

អន្តរជាតិ៖ ក្រុមអ្នកវិភាគបាននិយាយថា ខណៈលោក វ្ល៉ាឌីមៀ ពូទីន កំពុងរងការរិះគន់ និងថ្កោលទោសពីអាមេរិក និងមេដឹកនាំបញ្ចឹមលោក ជុំវិញការឈ្លានពាន អ៊ុយក្រែន ដោយរុញលោកឲ្យនៅឯកោម្នាក់ឯងហាក់ដូចជាមិនអាចទៅរួចទេ ដោយសារតែអំណាចយុទ្ធសាស្ត្ររបស់រុស្ស៊ី។ អ្នកវិភាគប្រចាំទូរទស្សន៍ អាល់ ហ្សាហ្ស៊ីរ៉ា (Al Jazeera) របស់ប្រទេសកាតា បានលើកឡើងថា សង្គ្រាម​នៅ​អ៊ុយក្រែន​ បានរុញប្រធានាធិបតី​រុស្ស៊ី​ លោក វ្ល៉ាឌីមៀ ពូទីន ឲ្យ​ទៅ​ជា​មនស្សថោកទាប ជាពិសេស ​នៅបញ្ចឹមប្រទេស។​ ផ្ទុយទៅវិញ អំពើឃោរឃៅទៅលើប្រទេសអ៊ុយក្រែន ពីសំណាក់កងទ័ពរុស្ស៊ី ធ្វើឲ្យលោក ពូទីន លេចមុខមាត់កាន់តែខ្លាំងនៅក្នុងចំណោមមេដឹកនាំបញ្ចឹមប្រទេស។ សហរដ្ឋអាមេរិកកំពុងព្យាយាម ដករដ្ឋាភិបាលទីក្រុងមូស្គូ ចេញពីប្លុកប្រទេស G20 ព្រមទា​ងកំពុងតែបបួលសម្ព័ន្ធមិត្ត ដើម្បីព្រួតគ្នាបន្តដាក់ទណ្ឌកម្មលើរុស្ស៊ី ហើយនាំគ្នាឈប់ប្រើប្រេង និងឧស្ម័ន នាំចូលពីរុស្ស៊ី។ លើសពីនេះ ក្រុមប្រទេសជាសមាជិកអ...

អន្តរជាតិ​៖ មន្រ្តីកំពូលមួយរូបរបស់សហរដ្ឋអាមេរិកបាននិយាយប្រាប់ BBCថា ក្រុមហ៊ុនធំៗបំផុតរបស់ពិភពលលោក មាននូវជម្រើសមួយ ត្រូវជ្រើសរើសថាតើពួកគេ ត្រូវធ្វើជំនួញនៅរុស្ស៊ី ឬនៅតាមបណ្តាប្រទេសសម្ព័ន្ធមិត្តលោកខាងលិច ។ លោក វ៉ាលី អាដេយ៉េម៉ូ (Wally Adeyemo) អនុរដ្ឋមន្រ្តីក្រសួងរតនាគារសហរដ្ឋអាមេរិក បាននិយាយថា ក្រុមហ៊ុន អាចជ្រើសរើសជួយរុស្ស៊ី ដែលវាយប្រហារមកលើអ៊ុយក្រែន ឬបន្តធ្វើមុខជំនួញជាមួយសម្ព័ន្ធមិត្តលោកខាងលិចទាំង ៣០ប្រទេស ដែលបានដាក់ទណ្ឌកម្មមកលើពួកគេ ។ លោកនិយាយថា សម្ព័ន្ធមិត្តអ៊ុយក្រែន បានប្តេជ្ញាចិត្តរួចហើយថា នឹងដាក់ទណ្ឌកម្មរុស្ស៊ី បន្ថែមទៀត ។ លោកបានព្រមានផងដែរដល់ជនអាណាធិបតេយ្យរុស្ស៊ី ថាពួកយើងនឹងមកយកធនធានរបស់អ្នក ។ ចាប់តាំងពីលោកប្រធានាធិបតី វ្ល៉ាឌីមៀ ពូទីន (Vladimir Putin)បញ្ជាឲ្យទាហានរុស្ស៊ី វាយលុកមកលើអ៊ុយក្រែនមក ក្រុមហ៊ុនលោកខាងលិចជាច្រើន បានឆ្លើយតបជាមួយនឹងការបិទប្រតិបត្តិការរបស់ពួកគេ ឬដកសេវាកម្មរបស...

បរទេស៖ប្រធានាធិបតីអ៊ុយក្រែនលោកVolodymyr Zelenskyyបាននិយាយថាកិច្ចចរចាជាមួយគណៈប្រតិភូរុស្ស៊ីបានផ្តល់សញ្ញាវិជ្ជមានមួយចំនួន ប៉ុន្តែបានព្រមានថារុស្ស៊ីមិនអាចជឿទុកចិត្តបានទាំងស្រុងនោះទេ ។ ប្រទេសរុស្ស៊ីបានប្រកាសបន្ទាប់ពីកិច្ចចរចាកាលពីថ្ងៃអង្គាររវាងគណៈប្រតិភូអ៊ុយក្រែន និង​រុស្ស៊ី​នៅ ក្រុងអ៊ីស្តង់ប៊ុលប្រទេសទួរគីថា ខ្លួននឹងកាត់បន្ថយប្រតិបត្តិការយោធានៅជិតរដ្ឋធានីគីវ របស់ប្រទេស អ៊ុយក្រែន និងទីក្រុងChernihiv ភាគខាងជើង ។ សហរដ្ឋអាមេរិក និងប្រទេសដទៃទៀត បានបង្ហាញការសង្ស័យចំពោះសេចក្តីប្រកាសរបស់ប្រទេសរុស្ស៊ី។ នៅក្នុងសុន្ទរកថាវីដេអូ កាលពីយប់ថ្ងៃអង្គារ លោក Zelenskyy និយាយថាសកម្មភាព ក្លាហាន និងមានប្រសិទ្ធភាពរបស់កងទ័ពអ៊ុយក្រែន បានបង្ខំឱ្យរុស្ស៊ីកាត់បន្ថយសកម្មភាពរបស់ខ្លួន នៅជុំវិញទីក្រុងគីវ និងទីក្រុង Chernihiv ។ លោក Zelenskyy និយាយថា អ្នកចរចារបស់អ៊ុយក្រែននឹងមិនសម្របសម្រួលលើដែនអធិបតេយ្យភាព និងបូរណភាពទឹក...

ទួរគី៖គណៈប្រតិភូប្រទេសរុស្ស៊ីនិងអ៊ុយក្រែមានជំនួបចរចារយៈពេល២ថ្ងៃនៅក្នុងអគាររដ្ឋាភិបា​លទូរ​គី ជិតវិមានអូតូម៉ង់ Dolmabahce នាសតវត្សរ៍ទី ១៩ ស្ថិតនៅលើឆ្នេរសមុទ្របូស្ប៉ូរ៉ាស់ (Bosporus) ស្ថិតក្នុងទីក្រុងអ៊ីស្តានប៊ុល ប្រទេសទួរគី នាថ្ងៃអង្គារនេះ ។ កិច្ចប្រជុំដំបូងៗរវាងភាគីប្រទេសទាំង២ដែលបានរៀបចំជំនួបតទាល់ឬតាមVideo Conferen​c​e នោះ គឺមិនមានការរីកចម្រើនណាមួយនោះទេលើការបញ្ចប់សង្រ្គាមអូសបន្លាយពេល១ ខែកន្លងមកនេះ ដែលបានសម្លាប់មនុស្សរាប់ពាន់នាក់ និងពលរដ្ឋអ៊ុយក្រែនជាង ១០លាននាក់ រត់ភៀសខ្លួនចេញពីផ្ទះសម្បែងរបស់ពួកគេ ក្នុងនោះពលរដ្ឋជិត ៤លាននាក់ រត់ភៀសខ្លួនចេញពីប្រទេសរបស់ពួកគេ ។ ទោះបីជាយ៉ាងណាក៏ដោយ អតីតអ្នកតំណាងចក្រភពអង់គ្លេសប្រចាំនៅអង្គការអូតង់ លោក ភីធឺ រីកកេតស៍(Peter Ricketts) បាននិយាយថា លោកនៅតែសង្ស័យចំពោះលទ្ធភាពនៃបទឈប់បាញ់រវាងក្រុមគណៈប្រតិភូអ៊ុយក្រែន និងរុស្ស៊ី ស្របពេលដែលកិច្ចប្រជុំស្វែងរកសន្តិភាពដើម្បីបញ្ចប...